Ka Vawlei

 Ka Kawi,

Na lungre theih mi le na miphun le na vawlei

Na siaherh loin lung dai in rak kal ko

Na chunmang hna cu ka rak pehzulh lai.

Na nunnak na sin ka rat hlan chung cu a nung peng rih lai.

Ka Kawi,

Kan I tong ṭhan lai, caan um lonak hmun dangah

Kan thlan ah semmawng rual hna an mithli he an mirh lai

Kan taksa cu kan ram ah vawlei a si lai.

Kan thlarau cu kan ram ah a zalen lai.

 Ka Kawi,

Ka thih pi mi ka ram le ka miphun cu rak kilveng hram ko.

Ka ram i chawkhlei par hna cu dinfelnak le dawtnak he rak hmui seh.

Ka thisen nehnang cu philh loin rak ka pehzulh piak hram ko.

Ka mithli he ka ser timhmi ka chunmang ah ka rak nung peng lai.

Ka Hngak

 Tuzing cu hawhra a tla,

Nizan a tla mi a lung a tling deuh loh ruang maw si ka thei lo

Fak deuh in a nolh ṭhan.

 Nizan cu ka mang ah kan hmuh,

Na hmur kan rak in sehmi kai za deuh lo ruang maw si ka thei lo.

Ka ha a za ṭhan.

 

Thaizing cu ton kan duh.

Fek tein na kut ka rak in tlaih deuh manh lo ruang maw si ka thei lo.

Hawhra rang lakah fek tein na kut tlaih in na hmur seh kan duh.

Ai ṭhekmi ka biafang, ka sining le ka luatnak

Arfi hna zoh in ka nunlam cu ka rak sial.

Zan muihnak nih ka hmuh khawhnak cu a rak phenh.

Ka luatnak lam zeitin ka sial lai ka thei lo.

Thihnak nih maw a ka luat ter lai, dawtnak nih dah ka fiang lo.

 

Khuadawm bantuk kakhat in kakhat ai ṭhial mi ka biafang hna

Ka fonh lai ka ti ah an I ṭhek dih

Ka hmai lei maw atu ka dirnak dah ka huhphenh lai

Silole ka hnu lei dah mithli he ka zoh lai?

 

Tukum ṭhal cu a phanh tuan ngai.

Zei a si ti ka philh cangmi ka thuhmi ka phe

Chinchiahnak lawng ah ka hman mi ka thluak

A hreh lomi philh awk ah teh hman awk a ṭha hnga maw?

 

4 Dimension in aho khi dah a luat kho hlei hnga?

Ka thlarau cu thihnak lawng nih maw a luat ter lai?

Ka arfi dap hna cu phundang ṭhawnnak ah ai ṭhial lai dah?

Uanthlarnak um loin zalong tein ka kal lai.

Mi Hrawkhrol Nu

 Mi hrawkhrol nu, 

 Na dawtnak cu pupuhlut he aa lo, 

 Aleng zoh cun a um mi bantuk

a chung cu thli lawngte

Chinram Hriamtlai Phu hna le Chinland Council

 Chinram Hriamtlai Phu hna le Chinland Council PDF

CNA cu Chin State huap in ral a tu mi an si. EAO (Ethnic Armed Organization) pakhat zong an si. CNF le Kawl cozah cu kum 2012 ah kah daihnak an rak ngei nain Kawl ralkap nih kum 2021 uknak an lak hnu ah ral an tho ṭhan.

ZRA EC hi Manipur I a um mi hriamtlai phu pakhat an si. CJDC (Chinland Joint Defense Committee) nih terrorist phu tiah thanhca an rak chuah mi phu an si. 

Chinland Council 

December 2023 ah Chinland Council cu dirh a hung si. Chinland Council nih dohthlennak caan chung hrang hman dingmi phunghrampi cu namhnehnak an tuah. Cu tikah Chinland Cozah zong cu ni 60 chung ah dir dingin thanhca an chuah. Khatlei kam ah Chinland Counsil a hna tla lo mi phu an rak um ve. Cu phu hna nih cun ICNCC (Interim Chin National Consultative Council) he rianṭuan ṭi dingin biachahnak an rak ngei ve. 

 Atang ka langhter mi hi Chinland Council chung ah a um mi ralkap bu, ICNCC chungah um mi ralkap bu le khoika hmanh ah ai tel rih lomi ralkap bu pawl an si.