A Donghnak Laksawng

Ahlan bantuk in na um lo tikah,

Ngaihnak cu dai ten thinlung ah a rak phan. 

Tuanbia ah a cang cangmi kan sining cu 

Lungfahnak he kaltak ding a har ko.

Thaizing a ka kawl pitu ding na um lo tikah

Thlihir hnu zulh in ka caan an liam. 

Na ka ṭhennak nih fahnak a ka pekmi cungah

Lung ṭha loin rak um hlah. 

A donghnak bik na ka pekmi laksawng cu 

Thaizing a um chung cu ka rak phurh rih lai. 

*****

Biazai ka ṭial lonak sau pah i ka van ṭial ta

Luatnak Kan Hmu Te Hnga Maw?

- Atu Ah hin Kawl he hriamtlai bu dang he mipi he ai khat mi ral pakhat kan ngei. Cucu Kawl rakkap bu a si.

- A hlan ah hin Kawl he miphun dang he mipi he ai khat mi ral kan rak ngei. Cucu British pawl an rak si.  

-  Kan pipu le nih an rak doh hna. Cu a dih khawh in Kawl cu British sinin an luat I kan nih Chin cu British sal in Kawl sal ah kan cang. 

- Atu zong hi thil dik lo cu thil dik nih a tei te ko lai. Cu tikcun teh Kawl nih hin luatnak a kan pe hnga maw? Silole an kuttang ah sinuam deuh in a kan chiah hnga? 

- Hi a dih khawh in Kawl nih luatnak a kan pek lai tiah na zum maw?