Girl Logic

Chin National Day a voi maw? A kum?

Tukum 2017 kum, Chin National Day hrang an catar mi ah a then ni avoi (69) nak tiah an tial, a then nih a kum (69) nak tiah an tial ve. A zei deuh dah a si lai? Aho paoh nih a voi le akum ai dang cu kan theih cio ko lai tiah ka ruah. A voi an tuah zat a kum a si zat ai khat ahcun avoi (69)nak ti zongah a dikmi a si hnga I a kum (69)nak an ti zongah a dik thiamthiam hnga. Asinain Chin National Day kum ah voi 2 tuah mi phun a si lo caah a voi an tuah zat le a kum ai khat lo ahcun pak pakhat paoh ai palh ti cu a fiang.

Chin National Day hi kum 1948, Falam ah Chin National Conference an rak tuahmi kha chirchanh in Chin National Day tiah an rak bunhmi a si. Zei ruangah ti ahcun pumpak uknak

tangin mipi thimmmi uknak tangah kan I thial ni a si ruangah hi ni hi sunglawi takin an rak chirhchanmi a si. Asinain hi ni hi Chin National Day a si lai tiah bia an rak khiah ni cu kum 1950, October 9 lawngah Chin Affair Council nih biakhiahnak an rak ngeihmi a si. Cupinah Kum 1950, October 9 ah an ngeihmi biakhiahnak cu Kum 1951 lawngah Mindat khuapi ah kha lio Kawlram Prime Minister U Nu telpinak he a voi 1nak bik an rak tuah khawh. Chin National Day tiah an rak thawk kum le Chin National Day siseh tiah an rak timi Chin National Conference an rak tuahmi kum hi ai khat lo caah a voi a si zat le a kum cu ai dang hrimhrim ti cu fiang te in theih khawh a si. Kum 1951 lawngah Chin National Day a voi 1nak an rak thawkmi a si caah tukum 2017 tiangah voi 1 hmanh tlolh lo tein Chin National Day an tuah a si ahcun atu ah hin avoi (66) nak lawng a si rih lai. Cu bantukin kum 1948 lio in kan rel a si ahcun a kum in cun kum (69)nak a si cang lai.

Chin Affair Council nih Chin National Day si seh tiah an ti hnu Chin National Day an rak tuah hmasabik kum le Chin National Conference an rak tuah kum ai khat lo caah a voi in si ahcun voi (66) nak lawng a si lai I a kum in a si ahcun a kum (69)nak a si cang hnga.

http://unpo.org/article/15528

http://chinlandtoday.info/facts-of-falam/facts-of-chin-national-day/

http://minmeizam.blogspot.com/2011/02/chin-national-day-tuanbia.html

Kanmah le Kanmah I Zoh Philh Hna Hla U Sih

Voi khat cu nupa hna an um ti si. An kum khua a van upat deuh tikah an pa nih an nu cu a hna tha ti rua lo tiah a ruah. Achim mi pawl an nu nih a thei ti lo le a ka let ti rua lo tiah a ruah caah doctor sin ah a va kal I an nu caah zei dah tuah ah a tha hnga tiah biahalnak a va ngeih. Doctor pa nih cun nan nu a hna na test ah a tha lai, a voi khatnak ah pe 40 hlat in pakhat khat na hal lai, a theih lo si ahcun pe 30 hlat in na hal than lai. Cu a theih rih lo asiahcun tlawmdeuh tlawmdeuh in na neih lai I bia na hal lai tiah ruahnak a cheuh. An pa cu a lawi I zanlei ah an nu cu pe 40 hrawng hlat in “Kan nu tu zanlei zei meh na chuan?” tiah a hal. An nu sin in zei hmanh a thei lo. Pe 30 hlat in a hal than, An nu sin in zei hmanh athei hlei lo. Pe 20 zongin a thei hlei lo. Pe 10 zongin a theih lo tikah kan nu hi siizung ah kal pi ahau taktak ko tiah ruah buin an nu pawngte ahcun a va kal I, thang nawn in “Kan nu zei meh na chuan?” tiah a hal. An nu nih cun, “Kan pa, cu ti rumro cun zei tin na um, a voi (5) ning tein arsa ka kio tiah kan leh ko cu” tiah a leh.

Acaan ahcun kanmah kan simi I philh I midang ah kan ruah tawn hna. Minung vialte theihthiamnak he kal ti hna u sih.

Credit- Online Knowledge 

Na Ngai Te Lai

   Na ka ngai te lai, 

   Voi dang bantuk in na ka

hmuh lo tikah.

   Na ka ngai te lai, 

   ka aw na theih lo tikah.

   Na ka ngai te lai, 

   Zingka ka cakuat na hmuh

lo tikah.

   Na ka ngai te lai, 

   Zan ih lai Mangtha, kan dawt tuk timi bia na hmuh

te lo tikah.
Na ka ngai te lai, Na facebook, Na instagram, Na snapchat hna ka awn lo te
tikah,

   Na ka ngai te lai, 

   Ka thinlung a kih tikah.

   Na ka ngai te lai,

   A hlan bantuk ka si lo tikah.

   Na Ngai te lai,

   Na ka ngaih te lai ding zong.