Na Man

Phone Screen Tiang Lock Tuah Khomi Pokemon Go Deu App Play Store Ah A Um

Tulio smart phone ah alar taktak mi Pokemon Go app cu a lar tuk bantuk in, cu alarnak cu hmangin Pokemon Go deu app pawl tampi play Store ah a rak chuak. Pokemon Go celhnak dingin Play Store in install na tuah lai ah install ka tuah dingmi app hi adik maw dik lo tihi tha ten na theih ta ah a tha lai. Deu app na install sual a si ahcun na phone cu tampi chiatnak le harnak an pek khawh.

Virus thattu software company a simi Eset fimthiam hna nih an hmuh mi ahcun a tlawmbik app 3 hrawng cu Google I official store a simi Play Store ah a um I cu app pawl cu harnak tampi a pe komi app pawl an si tiah an hmuh chih fawn.

Cu app pathum ah chiatnak a chuahtu bik app cu “Pokemon Go Ultimate” timi app a si I, install na tuah si ahcun na phone scren zei hmah tuah kho ti loin a lock khawh. Na phone screen lock a chiah mi na siam than khawh hmanh ah, cu app te cu PI Netword tiin min ai thlen I phone app cazin in a tlau ko lai nain cu app te cu background ah a um ziar lai I na phone ah cawngia tiphun a hung chuak thluahmah lai.

Adang Pokemon Go app deu pahnih hna cu “Guide & Cheats for Pokemon go”  le “Install Pokemongo” timi a si. Cu deu app hna cu cawngia pawl tamtak an rak chuahpi bantuk In, Thihphaihnak he tangka kuat dingin cakuat phun zong a rak langh ter khawh fawn. Play store ti loin a dang Third-party store pawl zongah Pokemon Go deu app tampi a chuah caah tha tiin install kan tuah lai ah I ralring ahcun a tha lai. App deu le adik mi kan thleidan khawhnak ding ahcun App Store in kan install laiah app achuahtu min, Download an tuah zat, adangdang zong zoh chih hnu ah install tuah a tha lai. – Digital Times