Chin le Kawl cu Miphun Unau/thi KHAT Kan Si Lo

Kan hnuzarh ah, Kawl miphun a simi Vuanci Ye Htut nih CND-Hakha puai a rak zawh lioah 

“Thikhat (tuaichin, the same blood) a simi hna…Laimi” tiah a 

facebook ah a tar. 

Nizan ah Democracy Tiluan timi Cazual ah party pakhat i Laitlang chairman nih Boyoke Aung San kha “Amyotha 

miphunpi hruaitu” tiah a hlorhnak capar ka rel fawn i ka um 

siarem kho hrimhrim lo.

“A- Aung San ram hruaitu, K –Kawl le Lai unau khat” tiah Laicarel ah kan ra

k cawnmi hrimhrim kha lampial tertu a si sual mang rua tiah 

ka ruat than.

Aung San kan upatnak zawn a um ko. Nain a cungah 

Chinmi, Tlangcungmi nih ciammam tein lunglawmhnak 

biachim ding kan ngei lo. Aung San kan upat ruangah a 

miphun (Kawl) sinak hrawmpi hau lo. A pa U Pha cu 

Natmauk khua ah a chuak i Chin a si theo lai ti zong hi mi 

derthawm pawl khuaruahnak phun a si. Pu Dai Thung nih 

Natmauk ah Mahyahkah Ohkathah ka tuan lioah Asho Chin 

zong an um lem lo a ti. Keimah zong khika ah duakdak in ka 

kal bal ko. Aung San hi Chin zong a si lai lo. “Ka si” ai ti 

taktak lo caah (ka thi ah 50 ai tel ati ti pawl kha cu zohdawh 

bia) “Chin a si” lo zongah a poi lomi a si.

"Ne Win cu Lai a si, Ni Vung a si.. Than Shwe cu Thang Sui, 

Shwe Mann cu Sui Mang, Bandulah cu Vandula," tbk..., an 

duh na loin Chin siter zong hi lungput tetnau, zawtnak 

phunkhat a si.

Aung San lo zongin Mirang kut in a luat kho tuk kan si. Aung 

San tehe Panglong Hnatlaknak kan tuahmi cu a tha, NAIN 

rak tuah lo zongah a poi lo kho tukmi a si, a that hmanh a 

tha deuh phum hnga__ atu nakin miphun nganfah deuhnak 

ding a um lo, chimpit kan si cang hita. Ka nolh lai: Aung San 

huat awk um lo, nain a cungah lunglawmh bia chim ding a 

pel hmanh lei kan ba lo.

Aung San zong, Kawl zong, unau kan si lo. Kawl, Shan, 

Chin, Karen cu thisa khat kan si lo. Hawikom kan cu si kho, 

Pyitaungsu Rammi (citizen) khat zong kan si (kho). 

Hawikomhnak le i dawtnak langhternak ah “Ka u, Ka nau, 

Unau” tiah kaa(verbal, informal) cun i kawh khawh a si nain 

politics le miphun phungning in cun chim le tial thiang a si lo. 

Mi le mauhram in i zawt le ithlur zongah laihritlai kan sinak a 

pel zong a kop lo.

Kawl ngian cu, “ta-doe, ta-dan, ta-meink(one bood, one 

voice, one order)” an ti. “Toe-chin-ngi-ku-mia” an ti. 

Myanmar-lomyo an ti. A vuapvap in, an hnur vima i ruah 

setmet lo ahcun theih awk lo… a donghnak ahcun “kan 

hngawng in maw an kan dih, an kan kuh bia dah?” ti zong 

kan ifiang kho ti lo hi!

Salai Ceu Biak Thawng nih a facebook ah a tial mi ka van 

zamh chin mi a si.