International Federation of
Football History & Statistics (IFFHS) nih an chuah tharmi vawlei cung
thiamhlei goal suttu ah Kawlram le Yangon United FC hmaitli Kyaw Koko nih
dirhmun (7) ah dir in Asia ah dirhmun(1) a hmuh.
Hi IFFHS bu nih hin lentecelhtu
pakhat I a chuihnak league goal telh lo in FIFA nih a tuahmi zuamnak le FIFA
kuttang a um mi zuamnak I goal lawng lak a si (tcn. UEFA, AFC). Ram khat nih a
tuah mi zuamnak I goal pawl rel chih a si lo.
Kawlram le Yangon United hmaitli
Kyaw Koko nih hin Yangon united in AFC Cup ah goal 6 le FIFA nih tuahmi ram
puai hna ah Kawlram hrangah goal(6) dihlak goal (12) he IFFHS nih an phuanthar
mi thiamhlei goal sut tu ah dirhmun 7 nak a hmuh hi a si.
IFFHS nih an thim mi hna ahcun
dirhmun (1) nak ah goal 20 he Cristiano Ronaldo, dirhmun (2) nak ah goal 19 he
Neymar le dirhmun (3) nak ah goal 18 he Messi an si hna.
Kyaw Koko nih hin
pumpululh chuih thiam pipi Rooney, Robet
Lewandowski le Saurez te pawl cu lawnh
in dirhmun 7 nak a hmuh. Hi thimnak ah hin Saurez cu dirhmun 44 nak, Rooney 24
nak le Lewandowski cu dirhmun 19 nak ah an dir hna.
– SM, IFFHS, 7 Day News Journal
No comments:
Post a Comment