Hakha View Point Pavillion

Chin State khualipi Hakha mino pawl hi cu zohchunawk an tlak ve awh. An ruahnak zong a kau. A cak zong an rak cak hme hi. Khah adang khua pawl zong hi bantuk zohchunawk kan tlak ve nak hnga an Hakha mino bantuk um cio hna u sih.

KHUARUAHHAR THIL PHUNKIP CAWH

* Kum 1928, Liberia President thimnak ah khan Charles King nih vote sing (600000) rukin a mah he ai zuammi pa kha a tei. Asinan, 1928 kum ah Liberia ram i vote a ngeimi tak² cu minung 15,000 lawng an si! (vote fir dawh a si heeeee..)

* Kenya ram i Mesai miphun hna nih cun cil i chak hnawh hi upat peknak ah an hman! Cun, an chungkhar a thimi an um ah cun Hyena rawl ah miruak cu ram tangah an chiah ta hna!

* Australia ram i Walibri miphun pa hna nih cun, kut thing i cabei(kuttlaih) kan i tlaih phun khin an zu zu te an tlaih i an thin!

* Nepalese nutung hna nih cun an pasal le an dawt ning langhter nak caah an ke an țawl piak tawn hna i, an țawlnak ti zong kha an din tawn.

* Eskim miphun pa pawl khi vawleicung cungah lungthiang bik an si men la. Khualtlung (pa) an ngeih caan ah khin nuamten zan an ih khawhnak hnga an nupi le he hmunkhat ah an riahter tawn hna.

* Hlanlio Grik pawl nih khan nu kum zat hi an chuahni silo in pasal an ngeih ni in an tuah piak hna. Nu nih cun pasal an ngeih hnu lawng in nun hram an thawk tiah an ruah.

* Vawleicung ram tampi ah cun lu suk hi "aw" tinak a si nan, Bulgaria leh Albania ramah ah cun "aih" tinak a si diam!

*Middle Ages chanlio ah khan cun minung fimnak/khuaruahnak hi thluakah silo in thinah a um la tiah an zumh!

* Kum zabu 16-nak lio ah khan Britain ramah cun patung pawl nih zan sml 10 a tlin hlan ah cun an nupi le vuak/velh khawhnak nawl an ngei!

* Kum zabu 19-nak hrawngah khan Britain ram chung i mah le mah thah ai tim țung i ai that kholo mi hna cu cozah nih an hngawngah hri in a thlai i a thah tawn hna!

* Madagascar Siangpahrang Nu Ramavalona nih khan a ramchung minung, a mang i a hmuhmi paoh cu ralkap pawl a thahter hna!

* Russia Siangpahrang nu Catherine the Great an timi nih khan voikhat cu a angki hngawng ah luval a hmuh i a sam țawltu nu cu kum thum chung thong a thlak!

* Kum 1976 ah khan Los Angeles khua i nungak pakhat Janene Swift nih lungtum pakhat kg 20 hrawng i a ritmi cu a vat, Cozah zong nih theihpinak catlap an pek! An puai i a kalmi zong minung 20 an si!

* Kum 1995 lio ah khan Uganda mi Samuel Bukoro, kum 100 a tling cangmi pa nih nupi caah Nyamihanda, kum 12 mi a țhiț! Nuva ah cun ai no-chan bik pawl an si ve țheu la.

* Kum 1664 ah khan Menai Strait-ah lawng pakhat cu thlichia nih a leh i, lawng ai citmi 81 lak ah Hugh Williams lawng a nung. A hnu kum 121 (kum 1785) ah khan hi ka hmun țhiam² ah hin lawng ai let țhan i midang an thi dih. Hugh Williams timi pa lawng a luat . A hnu kum 45 ( kum 1820) ah cu ka hmun ah cun lawng pakhat ai let țhan. Ai citmi hi an dihlak in minung 24 an si i 23 cu an thi. Mi pakhat a luat i a min cu Hugh Williams timi pa a rak a si! Thilmak ngai cu a si ve!

* Titanic lawng a pil hnu kum 23, kum 1935 ah khan, Newcastle in Canada lei ah lung meihawl phur i a kalmi lawngpi cu Titanic pilnak zawn ah khan a pil dengmang ve. Titanic a rak pilnak pawngkam an phak ah lawng chung i riantu pakhat William Reeves nih cun "lungchung i theihternak" a ngei. Lawng mawngtu pawl sinah, "Kan hmai ah khin țihnung a um," tiah a au. Lawng mawngtu hna zong nih cun lawng cu an dirter colh ve. Zan muilak ah cun an hmailei cu an vawn zohhliah tik ah Vurtlang a ngan taktak mi an rak pah dengmang cang! Lungchung theiher nak a hmutu pa hi William Reeves-a si i Titanic lawng pil ni April 15, 1912 ah a chuakmi a si!

* Czech nutung pakhat, Vera Czermak cu a va nih an tuahto ning a celh tilo ruangah a mah le mah i thah ai tim. Prague khuapi i an inn hlanmi dot 3 cung in a zuang. Vanțhat kan ti le maw vanchiat deuh dah si hnga; lam i a vapa kal cuahmah mi cungah a va tla i a vapa tu a thi i a mah cu a nung!

* US president 32-nak John F. Kennedy kha meithal i an kah hnuah khan post mortem nak ah athluak an thlau i thluaklo pin an phum an ti! A si tak tak hnga dek maw...

Credit - Laimi Caah Theihkauhnak

Dawtnak Tizu

A thlum mi dawtnak tizu tlan ti dingin

mit hmuh lo tlang hra den in ka sawn ai mu.

Hawikom dawtnak thlen in dawtnak tizu tlan ti dingin

na kut nem na samh ni cu zumh a har ee kei ka caah.

Khar cia kei thinlung awng than khotu dawt an thlum nih

dawtnak riah ruun ka sawm ai ee.

Kan hlam ka dawt zalam len zawn ah

kawp ngei lo riak lang va bang

kei lawng khupthi rual hawi sin ah.

Dawt kei lung phang ee thinlung mitthli

luan tertu par si hnga maw tiin.

Ka thin lung lomhnak, nihnak aan thlam phurtu na si.

Ngeihchiat caan ah ka thazaang hrampi na si dawt mi kei ca.

Hmun zungzal seh kan tiam dawtnak bia sung hna hi.

Tonnak ding caan tha hngak in ni le thla kan rel ti lai

a lang lo tlanhra dan in, a sunglawi dawtnak

tizu tlan ti dingin dawt nang he.

Dawt na caah, aa dawh bik Rose pangpar bang,

par zungzal ning ka duh, ka dawtnak tizu tlantu nang kei sin ah.

                                                       ~ By Rosemary Hnem

PIXLR Hmanthlak Remhnak iOS App

iOS a hmang mi hrangah PIXLR hmanthlak remhnak ka van in share duh ve hna. Hmanthlak remhnak phun tam pi ko nain hi PIXLR app zong hi a tha ngai mi a si ve. Camera a um, Hmanthlak na remh khawh pin ah Collage tuahnak zong phun tam taktak a um. Hmanthlak remhnak zong a phun tam taktak. Na tuah huam chung cun na remh khawh thluahmah lai. Cun Facebook, Instagram le twitter zongah na post khawh colh fawn. Hi app pakhat na hman ahcun hmanthlak na remh tawn i app phun 2 le phun 3 na hman tawn mi kha hi app ah hin tampi a tling. Cun hi app cu App Store ah free te in na lak khawh.

Ka zong hin download khawh si.

 Download

Nai Oregon Khua Comminuty College ah Minung 9 Meithal Kah in Thihnak An Tonmi ah Ka Lungchung Ummi (Reflection/Thought on School Shooting in Oregon)

Kha ni news ka van rel ah, Oregon, Umpqua Community College ah pakhat pa nih siangakchia minung 9 a thah hna timi thawng cu CCN (Chin Cable Network) ah ka hmuh. Athawng ka van rel. Cun adang website ah an tial mi pawl ka van rel cu ka ngaih a chia taktak. Zei ruangah hme dai te in ca a cawng a cawng ko mi siangakchia hi a thah hna hnga tiah kai ruat. Ka van ruat deuh in ka ngaihchiahnak kha thinhunnak lei ah a kal.

Hi thattu pa nih hin siangakchia lawng si lo in cachimtu saya pakhat zong a thah chih. Cu ti an mah te in ca a chim I a cawng ko mi cu zei ruang dah thah hna hnga tiah kai ruah. A molh le maw si ka ti. Si lo le thluak zawtnak a ngei mi phun maw si hnga ka ti. Thluak zawtnak a ngei mi si ahcun meithal ai ken kho hnga maw tiah ka ruat. Zei ruangah ti si cun thluak zawtnak a ngei mi le a hnu lei caan a chia tukmi (tcn. A hlan ah minung that a rak hmangmi or that ding ah a rak timmi) pawl hi cu license an ngeih ding ka zum lo. Cu bantuk minung cu license pek ding hrimhrim an si lo tiah ka ruah. Hi bantuk hi kan zoh tikah US chungah ah hin thinphang tluk bak in sianginn chung violence hi a kar chin thluahmah. Keimah ka hmuh ning ahcun US government nih hin Gun laws hi a remh than a hau lai tiah ka ruah. Tha tein meithal leicense hi a pek cang hna ah a tha lai. Cu lo cun sianginn kai ah tih phan bu in kai kan hau peng lai.  

Cun thanhca an van tial ning ah Khrihfa a hau mi a lo ngai. Zei ruangah ti si cun biaknak a hal hna I Khrihfa ka si tiah a ti mi paoh cu khah vancung ah dai te in nai din cang lai a ti i a thah hna ti a si. Tih nung taktak mi si tiah ka ruah. Biaknak pakhat cungah thil luan tuk in a ruah si cun biaknak dang cungah minung tam deuh cu huatnak an ngei colh tiah ka hmuh. Hi bantuk kong ah hin cun biaknak cawnpiaktu pawl cung ah rian a um tiah ka ruah. Biaknak cawnpiaktu kan I ngeih mi nih hin biaknak a nunnem ning le ai dawh zia tu hi fiang ten kan thieh khawh nak hnga a ka chimh ding si. Anmah pathian bia chimtu hna I chiatserh hna an hman cun biaknak a hrawh dih lai tiah ka hmuh.

Cun hi kahnak ah a biapi ngaimi tiah ka ruahmi cu sianginn security hi a si fawn. Class luhnak kutkaa kip ah khin weapon detector I bunh seh law a humhim deuh lai. Zei ruangah ti si cun meithal ai ken tiah a larm a rin bak cun ho paoh ralrinnak kan ngei manh cio lai dah tiah ka zumh. Cun cachimtu te nih hin a ca cawn caan a phanh bak in innka hi khar peng hna seh law a tha lai. Hi bantuk kahnak le thihnak kan zoh tik ah hin sianginn security hi tamdeuh a hau cang ti hi cu a fiang ko. 

Dik Bak

Thluak Tha Bak Si

Ni le Thla Sin ah Na Liam Ai Maw!!

Kum le caan hna nih dir zal lo an liam hna I

ni le thla hna zong caan sin ah thiam phei

fung khawh bang in i khawt in liam ai hna.

Cu caan chungah dawt nang le kei zong kan

um ve bangin, na dawtnak hna hi caan sin

ah dir zal lo a liam tuan ve mu.

Thal caan chuah cun, fing le tlang hna le thing, ram le

par dawh hna nih an mah le an caan cio hlam

in a par than hna lai. Ka dawt nang bel kir zai

rel ti lai lo mu na far kei sin ah. Dawtnak kutkaa

hram in kan hngahnak a sau ko cang.

A sang bikmi tlang khin ka dawt tiin au ning

law theihthiam um hnga maw. Kan tiam dawtnak

bia kam hna mang bang pelh ko lai cu kai

nawl kho hrim lo ee.

Van i a zuang mi va ca run hna sinah khin

ngeihnak bia nem cah laang Ta hniang te kha.

Zai hla tial in hlawi ning law kei sin kir than um hnga maw,

khua sik can chuah i a til mi thing hnah bang in,

a til tuan mi na dawtnak kha ka hlam riangmang

tawn ee na far kei nih.

Rua bang in tuai than ti lai lo mu kei ka dawt te cu.

Ni le thla sin ah na liam tuan ee ka dawt aw.

                                                                             Rosemary Hnem

Kan Van Tha Ve Awh :)

Pa Iap le Kawi Chup zanlei ah lam an leng ti ti i bia kha an hei i ruah pah ti si
Pa Iap: Kawi Chup, Mirang ram kan rak chuah lo cu kan van a tha ve awh.
Kawi Chup: Ziah hme cu cu?
Pa Iap : Mirang holh kan thiam lai lo le har tuk lai si.

I Am That Change

Kan ram thangcho seh, Kan miphun thangcho seh ti kan duh ahcun Cozah pakhat lawng i rinh lawng si loin kan mah pumpak cio zong nih dinfelnak le siikan kan ngeih cio a herh bak ko. Kan ruahnak le kan thinlung hi CNF nih Kawl cozah an doh bantuk hna in fak ngai in kan doh ve a hau lai.

A Dihlak In Ka Ngai

Amah cu ka thawh ka in ka ngai i.

Kaa hngilh lai tiang zong ka ngai

A nemmi a sam tongh zong ka ngai i.
Dawtnak he a ka zoh tawnmi a mit zong ka ngai.

Anem i a fekmi a bia chim zong ka ngai i.
A zum mite a hnar zong ka ngai.

Ka kut a ka seh piak tawnmi a ha zong ka ngai i.
A thlum mi a hmur zong ka ngai.

A sen tawn mi a hnakhaw zong ka ngai i.
Ding ziziah in a saumi a hngawng te zong ka ngai.

A hme i a ngo taktak mi a ban thluan te zong ka ngai i.

A nem mi a kut zaphei tlaih zong ka ngai.

A ngawi nawn mi a kut dong thluan tete zong ka ngai i.

A ka sih tawnnak a tin zong ka ngai.

A pheng i aa dawh takmi a paw te zong ka ngai i
Zoh cim lo a simi a tungtai zong ka ngai.

A ngo i ai dawhmi a el thluan zong ka ngai i.
A thihri sen tiang alang mi a tanpawr zong ka ngai.

A sen tak tawnmi a kedil zong ka ngai i.

Nuar a thawng I zai a cakmi na dih lai in kan ngai.

US in Ramdang Lei Chawnh Nak ah A Tha taktak Mi BOSS Revolution

US in ramdang lei chawnh lengmang mi hna caah cun a tha taktak mi si. Hi app hi a theih cang mi le a hmang cang mi tampi kan um ko lai. A theih rih lo mi caah ka van tial. US in Ramdang kan chawnh tik ah phone card rawn le phone number hmeh cu zei tluk in dah hna a hnawh ti kan theih cio ko lai. Phone card van rawn i cu hnu ah phone no van tial than dih. Atu BOSS Revolution app te hi na hman ahcun kha pawl kha zei hmanh hnahnawh ding um ti lo pin in online in na duh caan paoh ah na cawk khawh rih. Android nai tlaih ahcun Google Play in khin BOSS Revolution tin hawl law install tuah. iOS na hman ahccun App Store in na download khawh. Hi App hi cu free app a si lai.
Atang app hmanthlak ka van langh ter.

Si Maw?????

Khi Ka Sabuti Te Khi A Duh Bikmi Si

THAKPHERH (Scabies)

Thakpherh zawtnak hi i chawnh a fawi tak tak mi, thilnung (mites) a fa mi te te in a ra mi zawtnak a si. Thilnung (mites) nih cun Vunah khu an ser i an ti an tit. An um duhnak hmun cu Kutthei karlak, ban rek, kiu, zak tang, pang, kaikam, hnuk, til leh taw hrawngah hin an um duh khun. Thakpherh hi kheuhah cun a tek i, zanah hin a thak khun, a thak hi kheuh deuh paoh ah a por i a karh.

Thakpherh hi tak pum thianlo ruangah a chuakmi zawtnak pakhat a si. He Chim cang banin thakpherh hi thilnung pakhat "Sarcoptes Scabiei" an timi ruangah a chuak mi a si. Thakpherh hi a Buupi i umnak hmun ah hin i chawnh/ngeih a fawi. Hostel tbk i na um tik ah i ral ring...

THAKPHERH I CHAWNH KHAWHNING :

Thakpherh a ngeimi nih a tonghmi thil in (direct contact) , thilpuan i tawmnak in leh Sex in i chawnh khawh a si. Thakpherh hrik cu kan takpum cung i zarhkhat hrawng a um hnu ah a hung lang. I thlop colh lo cun a mah ten a lo kho lo mi zawtnak a si.

THAKPHERH LAK IN I KILVEN NING :
1. Thakpherh a ngeimi nih cun; Mi he kan umti tik ah thianghlim ten um ding. Kan takpum , fenh-aih, puan leh ihphah hna kha thianghlim ten tuah ding.

2. Thakpherh ka ngei ti nai theih ah cun a rannak in Doctor fuh ding.
3. I chawnh khawhmi a si ruangah ngakchia sianginn kaimi nih cun sianginn kai lo ah a tha.
4. Kan i hrukmi thilpuan, bawli, bawngbi chungnawh leh Ihphah le Puan kha thian ten chiah ding.
5. Chungkhar ah mi pakhat nih thakpherh a ngeih ah cun i chawnh a fawi ruangah i ral rin ding. An pawngah ihlo ding. An i hrukmi thilpuan i hrawmlo ding.
6. Nikhat ah voi-2 tal i khawlh peng ding.
7. Thakpherh hi fawiten thlop khawhmi a si ko nan, a luan sual ah cun fawiten thlop khawh a si tiloh. Tih a nung ngai ngai...

THAKPHERH SII CHEUKHAT:

A Ti/hang (Solution) — 1% gamma benzene hexachloride, Crotamiton, Tetrate hylthirium monosulfide (in 5% solution).

A bangmi (ointment) — Benzyl benzoate.

Sii khi nikhat ah voi-2, tak khawlh khawhah i thuh ding. A dam tak tak hlan lo i thuh peng ding. I khawlh khawh in angki/bawnbi dang nai hruk lai, nai hruk thingmi i hruk than tilo ding. Ih phah/Puan Ni sa ah pho lengmang ding. Cuti i na tah ah cun thilnung(mites) kha an thi kho la. Cun, tak khawlhnak ding Ti ah khan Dettol (a hang) dorh 3-5 hrawng telh chih ah a tha, thilpuan suknak zongah telh ah cun a tha. Thakpherh a ngeimi nih cun thiang ten umkhawh i zuam peng ding.

  

"The Terminal"

Min thang Holywood fitlaw Tom Hanks nih a rak I thlakmi “The Terminal” timi movie kha kan theih ngawt ko hna lia dah ka ti. Director Steven Spielberg nih a rak thlak mi a si i a lar zong a lar ngaingai. Krakozhia timi ram fa tein a rak mi pa pakhat cu New York i JFK airport a phanh ah an ram ah ram uhnak nawlngeihnak an rak I chuh caah a passport a thi I US nih an ram luhnak nawl an pek lo bantuk in a passport a nun ti lo caah an ram zong ah a kir kho ti lo.

Movie chungah hin Tom Hanks cu khoika kalnak a ngeih ti lo bantuk in ram ngei lo I a si I airport ah sautak ai erh mi kha an thlakmi a si. Hi movie cu hi bantuk in a rak um mi taktak kha an rak lak mi a si. A dih lak in ai khat thlu lo nain hi bantuk in a taktak in a rak um bal. Ataktak ahcun Iran rammi pa pakhat cu France ram Charles De Gaulle airport a phanh ah hi bantuk in a rak cang taktak. Aruang cu Refugee ka si ko tiah piah dingmi a catlap pawl kha an fir piak caah a si. Refugee ka si ko tiah piah dingmi catlap pawl an fir piak caah France zongah a lut kho lo I khoi ka ram hmanh ah a kal kho ti lo pinah ram zong a ngei fawn ti lo. Steven Spielberg nih hi thil sining zoh in a rak thlakmi chih mi a si.

Movie chung le ataktak ah ai khat lomi a tampi. Movie chungah cun Tom Hanks cu vanlawng riantuan nu he hna zei le zei dek phun an si. Ataktak cun Iran rammi Mehran Karimi Nasseri cu nu hawi pakhat hmanh a ngeih lo pin ah airport riantuantu he hna zong an hawikom an si lo. Mr. Nasseri cu kum 1988 in a rak phan I kum 2006 lawngah leng a chuak kho than. Kum 18 hnu ah leng chuak khawhnak catlap pawl cu a hmuh than khawh nak in zei hmanh zumhnak ngei lo mi pakhat a si cang.

Facebook Ah Duhmi Caan Teah Auto Post Kan Tuah Lai

Facebook Page ah hin cun na duhmi caan theng te ah auto post kho dingin chiah khawh a si ko nain Facebook User hmantu sawhsawh caah cun auto post khawh nak in facebook chungah chiah piak a si lo. Asinain Facebook ah auto ca post kan duh caan a um cio lai dah ka ti. Tcn. ah sml. 12 dikthlir te bak hna ah Happy Birthday tuah na duh thiazing riantuan ding na si le, sianginn kai ding hna na si I na hngah khawh lo tbk ah hman kan duh cio lai dah ka ti. Hi bantuk auto in mah duh caan te theng ah ca post khawh nak cu postfity timi web app hmang in na tuah khawh ko.

Zei tin dah kan tuah lai????????

Atang postfity link khin hei kal.

https://app.postfity.com/create

Cun Login With Facebook na thim piak  lai. Cu khawh cun okey, okey pawl kha na hmeh piak khawh in postfity web na van phan than lai.

Connect account na hmeh piak lai le na facebook he pehtlaihnak na tuah piak lai.

Cun na facebook profile hmantlak te na hmeh piak lai.

Kha khawh khan a fiang lo nawnte a um mi na facebook profile kha  atang hmanthlak bantuk hin a hung fiang lai.

Khan cun a ngah cang. Create post ah na duh mi ca na tial lai.

Na duhmi Caan le Ni na tuah piak lai. Time zone zong na duhmi time zone in thlen khawh a si. Kawlram belte cu um lai lonain Singapore caan he tuah in chiah khawh a si kho thotho ve.

♪ Candy Crush Saga Apk + Mega Mod + Mod (Unlimited all) v1.52.2.0 + Patcher ♫

Candy Crush Game hi tampi chim haulo in kan theih dih ko la. Android Phone & Table ah khumh cio a si i mi tampi nih an i celh bikmi Game pakhat a si.. Asinan, a tu ka vawn chiahmi hi cu Play Store chung i an chiahmi he ai khat loh. A ruang cu, Play Store chung i an chiahmi khi cu nunnak ah rikhiah mi a ngei i sungh lengmang ah cun i celh khawh a si tiloh. Online in facebook tbk ah mi va add lengmang a hau. A tu i ka vawn chiahmi hi cu Hack cia mi a si ruangah sungh zongah nunnak rikhaih mi a um loh i i celh peng khawh a si. Android OS 2.2 in a cunglei version ah hman khawh dih a si...
     



                                                     Download

Capo Biatak ( patung pawl caah

Nu pawl hi, huahalo te ah ngol hngallo i zai an hmang tawn. Cu bantuk i an zai tikah a tanglei bantuk in tuah ding...

1. "a sihrim" ti lawng in leh ding. Bia dang zeihmanh chimlo ding.
2. Lungchung in hlasak ding. ( fungkhat hmanh a daihloh )
3. A Unau/chungkhat pawl kha fak/hlorh piak ding.
4. Fifit tumlo ding.
5. A bia ngai bantuk te in i umter ding.
6. Na ni hrim hrim laloh. ( na zualter la)
7. Nih nai sumkhawhlo ngawntaw ah cun ek-inn chungah luh i aw chuahlo in va nih ta ding.
8. Thilsuk ding hna kha ciah ding. ( a thin damtik ah a mah nih a suk thiam thiam ko la )
9. A ngol hleilo ah cun Phone chawn bantuk ten i umter ding.
10. Mah hi biathli hi Nu hrim hrim cu theihterlo ding...

KA NU NIH KHAN LIH A RAK CHIM

A tangchungah a ka pawm i,
"Ka fa vawleicungah ai dawhbikmi na si" tiah a ka ti.
Ka Nu nih khan lih a rak chim!

A ka puak, a ka cawi, a ka awih,
"Ka liang a fakloh" tiah a ti.
Ka Nu nih khan lih a rak chim!

Ka zaw i, keimah ruangah zankhua a dei,
"Ka baloh, ka cei hrim hrim loh.." tiah a ti,
Ka Nu nih khan lih a rak chim!

Ka duhmi thil ka hauh caan ah,
"ka fa dawt, na caah cun zei paoh ka ngeih" tiah a ti,
Ka Nu nih khan lih a rak chim!

Tirawl a thawmi paoh keimah a ka pek i,
"Ka fa dawt,nangmah na paw a khimah cun kei zong ka khim ve" tiah a ti,
Ka Nu nih cun lih lawngte a rak chim!

Keimah caah chawva tampi dih a herh caanah,
"Na lungrethei hlah, phaisa a umko " tiah a ka ti ,
Ka Nu nih khan lih a rak chim!

A tu ah cun ka hawng upa i,
hiti hin khua ka ruat;

Muidawh ka sinalo in ,
ka Nu mitah cun muidawhbik ka rak si,

"Ka liang a fakloh.." a titu kha, Nu lakah Nu tiatumlobik a si!

"Ka baloh, ka cei hrim hrimloh" a tilio ah khan, thawnnak thazang hrim hrim a ngeiloh ,

"Ka fa dawt, na caah cun zeizong vialte ka ngeih" ti tu ka Nu kha,
Mi sifakbik mi a si!

"Ka fadawt, na pawkhimah cun kei zong a khim ve" a ti ko nan,
Keimah ruangah rawltam tihal i a um caan hi a tlawmloh,

"Na lungrethei hlah, phaisa a um ko" a tilio ah khan,
Ni lin le Ruahsur tangah rianhrang tuan in chunni a rak tla!

Ka Nu nih khan lih a rak chim!
Asinan, cu thil hna cu a ka Dawttuk ruangah a rak si,
Ka Nu nih cun lih a rak chim ko,
Lih vialte lakah Duh a nungbik mi lihbia an si,

Nu le DAWTNAK hi zei he dah kan tahchunh hnga?
Pathian nih minung a kan DAWTNAK dah tilo cu,
Nu le nih Fa le an kan dawtnak bantuk i a sungmi DAWTNAK hi
a um ti hnga maw....???????

Interview

Pa Iap Cu Rianṭuang Dingin Intervie Pakhat a phi.

Haltu   :Vanlawng cung ah tlakrawh 500 um, pakhat a tla. Zeizat dah taang lai?

Pa Iap  : 499

Haltu   : Sai pakhat bizu chung khumh dingah a herhmi tuah ding phun3 in chim.

Pa Iap  : (1) Bizu awng

            : (2) Sai Chiah

            : (3) Bizu Khar

Haltu   : Thiam tak e..Si cun Rang pakhat bizu chung khumh dingah a herhmi tuah ding phun 4 in chim.

Pa Iap  : (1) Bizu awng

            : (2) Sai chuah

            : (3) Rang chiah

            : (4) Bizu Khar

Haltu   : Thiam bak..Adang, Chandeih nih a chuah ni ah saram dih lak a sawm hna, hodah ai tel kho lo?

Pa Iap  : Hehe..fawi tuk..Tu nai rang kha hme teh..a nih cu bizu chung ah um le kal kho lo si.

Haltu   : Nu pakhat nih tisartlam lawngte a khat mi tiva zei tin dah a tan lai?

Pa Iap  : Ai lioh sawh ko lai..Chandeih chuah ni lawmh ah tisartlam vialte an kal dih si.

Haltu   : Thiam bak..Tu cu donghnak pakhat..Tunai ti a tan tu nu kha a thi, zei ruang ah dah thih?

Pa Iap  : Aii..ti lio thiam lo le thih..

Haltu   : Si loh..Vanlawng cungin a tlami tlakrawh nih a lu cungah tlak le a thi.

             Kal chuah..na sung cang.

Credit - Funny.com

Left 4 Dead 2 For PC

Left 4 Dead 2 Game hi cu kei celhmi zombie thahnak game ah cun a nuam taktak mi game pakhat a si. Game a kal ning cu an khuapi ningin zombie ah an i cang dih i cu ahcun nangmah le na hawi le pathum kha nangtang. Mi chanhtu nih minung an um rih an in theih khawh nak hnga hmun pakhat tiang khin nan va phak khawh hau. Cu hmun tiang kha na kal pah in zombie pawl he i doh thluahmah a si. Cu mi chanhnak hmun na phak hlan tian ah hin khan tampi nai celh hau. Safe room tete ah khin nai dinh pah khi a hau ko cu. Khuapi chung, Ramlak, Tiva, Thlanmual lak hei ti khin a phunphun in a um. Character 4 an um le nu pakhat ai tel. Na duhmi character paoh i thim khawh si. Single player in i celh khawh a si pin ah multiplayer zongin i celh khawh a si. A zuk a fiang, a aw a ṭha.. Zan i nai celh le bang cun na ning hna ṭi men lai. Chanhnak hmun na phak in hin an hmeh ter mi phun khi hei hmeh a hau. An chantu hna cu Helicopter, Mawṭaw, Vanlawng le tilawng hei ti bantuk a phunphun khin a rak i chanh hna lai. A celh cu a nuam taktak. Atang Screen shoot in cheuhkhat ka van tar hna.

 

 

Game celhning

Keyboard

W - Hmailei 

S - Hnulei

A - Kehlei

D - Vorhlei 

R - Reload

E - Inka awnnak, Meithel laknak 

X - Ready le Ready lo halnak

Mouse

left click - Meithal kah nak

Left click - Thawnghnak

Google drive in part 3 in file ka chiah le a tang hin rak download khawh a si.

Part 1

Part 2

Part 3

Facebook Nih Web Hrangah Messenger Site A Ser

Facebook nih Web hrangah messenger site pakhat a ser. Facebook kan  hman mi ah khin New feed khi biapi deuh in a cuan ter i atu messenger ah khin cun cakuat nak cafang puam deuh in hmuh khawh a si i hmanthlak pawl zong ngan pi in hmuh a si cang. Facebook i kan hmanmi messenger bantuk khi a si. 

www.messenger.com ti in luh khawh a si.