Aluancia kum 13 [September 11, 2001] i US ram Al Qaeda ralhrang
bu nih World Trade Center pi an rak hrawh lio ah US mipi 3000 renglo an rak
thi. Mifim, Mithiam lawngte an si hna. Chungkhar angeimi lawngte an si hna. Fa
nau ngei deuh lawngte an si. Sept 11 zaanlei ah an inn an panh ti hna lo.
Chungkhar mitthli atla. Fahniang zeihngal lo ahram. US rampi in tahthawng
athang. Vawleicung ramkip nih an rak tuarpi hna. Khalio caan i an fa le tampi cu Nuhmei fa, Pahmei fa an
cang hna. Kanu/Kapa ti awk ngei loin luu zeizat dah an tuar. Ka fa ti awk um ti
loin Nutar/Patar hna luu zeizat dah ahram. US rammi nih zeitik hmanh ah philh
awk tha ti lo dingmi NI nikhat asi an ti i kum 13 arauh hnu zongah philhlonak
an tuah i zuunngai in an tuar ko hna. Kum zeizat dah hitin zuun tuar in an um
rih lai. 9/11 lio i hringtu pa le nih thihtak mi hna philhlonak ah an tuahmi
video hla hi rak ngai ve. Kha lio caan ah ngeihchiatnak atong mi chungkhar
vialte le atuni tiang mitthli aluang rihmi US rampi nan tuarnak kan in tuar pi
hna i nan ngeihchiatnak kan ihrawm i hmai nan nor chinchin nak ah upatnak kan
in pek hna. God Bless United States of America.
– Chin Cable Network Channel
No comments:
Post a Comment