American Ah Chizawh Pakhat Cu Khua Bawi Ah An Thim

Chizawh hna khua bawi pakhat si dingin thim cu a si kho lo ti khawh a si ko nain a si taktak mi a si. American hnu-chak (Northwest) lei kam Alaska state I um mi milurel 900 hrawng an umnak Talkeetna khua ahcun Stubb tiah kawhmi Chizawh pakhat cu khua bawi ah an thim.

Kum 1997, July thla ah khan Talkeetna khua ahcun khua bawi an rak I thim. Aho hmanh nih a dang pakhat kha an khua bawi si dingin an I thim duh lo ti si. Cu ruangah an catlap cio ahkhan Stubb timi min a ngeimi Chizawh cu Candidate chungah ai tel lo nain an ṭial hna ti si. Candidate chungah ai tel lo nain Write in Candidate pakhat in khua bawi ding ahcun an rak thim.

Atu tiang zonghi an khua bawi a si ko ti a si. Kum 1997, April 12 ah khan a rak chuak I atu ahcun kum 15 a reng ti lo ti nak a si. A thih hlan lo cu Khua bawi ṭuan ding a dawh ko cang. Ti hmanh hi hmanthlak I nan hmuh mi khuat te he khin a ding ti a si. American I bawi rian ngei pakhat cazing chungah telh chih a si thotho ve. 

Cu ruangah Chizawh pakhat Khua bawi a thim mi Talkeetna khua cu nikhat ah tourist 40 tluk an ra lengmang ti a si. August 31, 2013 ah khan an khua bawi Stubb hi uico pakhat nih lamkam a vaih lio ah fak ngai in a seh bal I September 9 lawngah siizung in a ṭum. Ref; Wiki