✫Best magician✫ ( impossible is possible ) (+playlist)

Dawtnak Man - Van Ttha Lian

Hlawn Dawh Thang le Tial Ciang

Hlan lioah nuva hna nih fapa pakhat te an ngei i a min ah Hlawn Dawh Thang an sak. Hlawn Dah Thang cu a hung thlangval i tlangval dawh ngai le mi ṭhawng ngai a hung si. Khua pakhat ah ngaknu dawh ngai a um ve i a min ah Ṭial Ciang a si. Ṭial Ciang he cun an hun i um i fapa an hun nei. A min ah Ngun Kar an sak. Hlawn Dawh Thang cu khual a tlawng i khua pakhat a phan. Cu khua ah cun Lai Hri te nufa rual nih Hlawn Dawh Thang kan hna lawng nih pei a theih lai ti na lakah hla a phuah lo tete cu cu tu ha ko in kan i dawi lai tiah an ti. Hla cu an phuah cio i a hniang cem cu an hun thiah ve. A hniang nu te nih cun, “Hung ka tu rih hlah u, ka hngak rih u, kai ruat rih lai,” a hun ti hna. 

1.Rawl ka ei le ei lo zei lem thla maw, zuun hri kung ah awk ai lai tial khar vangah.

 

2.Ni te lingleng zoh in kaw, liam tim riangmang; vai pingpeng khua thla maw e dar kai ṭa. 

Hlawn Dawh Thang cu ngaknu a leng lengmang. ” Ngun Kar nu, zan hlat te in chiar hngak,” tiah Hlawn Dawh Thang nih a hei ti. 

Ṭial Ciang:    Ngun Kar ka pom phei e chiar thing hngak hei ti cu; kan tlung theih ngaknu an hung maw lian lai.

 

Hlawn Dawh Thang cu ngaknu dawh ngai Ni Ka he an i duh i a tthit. Darkhuang a manh hna. Darkhuang cu an tum lengmang. 

Ṭial Ciang nih, “Ngun Kar dar cu ka hna theih hngan ah tum hlah u,” a ti hna. Nika ta: Ngunnu man darte beng lai vai haw par in; a ngai duh lo nan hnachawl hruk u. 

Ṭial Ciang cu a thin a hung i pa Lai Za Hre sinah a kal. A pa mui hmuh lonak a sau tuk caah lam i kuang a rak sai len komi a pa cu a hngal ti lo.

 “Ka pa, ka pa, Lai Za Hre in hung ka chim,” tiah a ti.

 A pa nih cun, “Hi sia hmairang pi mei hi i tlaih law, na pa Lai Za Hre in ah an in tlunpi ko lai. Na pa Lai Za Hre in ah cun aa pai na, aa vua na, thiamtak na, tithan na, sumsu na, rawl chum na an si lai. Na fapa cu a pu Lai Za Hre a lo hnga maw?, kuang saih hun ka chawng tuah seh,” tiah a ti. A fapa Ngun Kar nih kuang saih cu a hun chawn i a thingzal choimi nih vate zal khat a chawih. Cu tikah, “A.a.a.a Pu Lai Za Hre a lo lai,” tiah a hei ti. Cu hnu ah cun Ngun Kar le a nu cu sia hmairang pi cu an zulh i an kal. A pa Lai Za Hre cu lamhleng in a kal i tthintthang cungah vatek peng saupi in pakuak a rak zu hluahmah len ko cu a fanu nih a hun hmuh tikah, “Ka pa na si ko nain na ka hlen,” a ti i a nuar.

 Lai Za Hre:      Na hmet tein thlang khun na dim ni ve kha, Lai Za Hre na pa ka min palh tla ci, ngun hri ser par ka sian lona hnawh ai maw.

 A pa nih cun Ṭial Ciang cu a sam ṭha tein a hriahpiak i cawicin par ah a maw le panga he thiam a tahter hna. Hlawn Dawh Thang cu Ṭial Ciang te inn pawngah a hawi le he an va i chok. A hawi le cu, 

“Ka dua le, cawicin par thiam a takmi ngaknu dawh ngai khi ahodah a si?” tiah a hal hna.

 “Ka dua, na hngal ko nain na kan hal,” tiah an ti. 

“Ka hngal hrim lo, ka chim ko u,” tiah a ti hna.

 “Ngun Kar nu a si ko hen khi,” tiah an chimh. 

A hei kal hnawh i, “Ngun Kar nu,” tiah a hei auh. Hawih duh loin innchung ah a luh tak. A nu nih, “Ka fa, aho hme a si, ṭha lopi tal cun hei hawi hme,” tiah a ti. “Hawi-hawi-hawi,” tiah serhleih hawih in a hei hawih. Hlawn Dawh Thang cu a fapa Ngun Kar he cun chun nitlak an i pom. Ka kal lai a ti ah Ngun kar nih, “Ka pa,” tiah a ṭah. 

Ṭial Ciang zong cu a mitthli a tla ve. A hawinu rual a mawle nih, “Ṭial Ciang nih a va ṭah, “Hi-hi-hi,” tiah an ti.

Ṭial Ciang:  Sem chin hrin thar kan cawi nih e ka pa ti e, rung law ti chum kot leng in za in chan hna.

 Lai Za Hre nih, “Ka fanu Ṭial Ciang a duh nih ka tual ah thir khuan rua bunh u,” tiah a ti. Ni Kung Tlai Hlawn Khar nih, “Keimah seh,” a ti i thir khuan rua cu a bunh. Ṭial Ciang pa nih vokthau sum nga a thah i ni nga an cam. Hlawn dawh Thang nih ka nupi ai hngal na cun,” tiah a ti i kot leng in nam in a bawh hna. Ṭial Ciang pa nih, “Ka tupa, na kan duh ti lo kha, kal, kal, kal,” tiah a ṭhawl. Asinain Hlawn Dawh Thang cu a kal duh lo. Zei ti biachim awk an hngalh lo caah, “Ngun Kar nu nih chim seh,” tiah an ti.

Ṭial Ciang: Ni Kung Tlai Hlawn Khar cu phun nau tthek ai ngai, kan cungah Lai Za Hre bel ni bang tlang. Mah ah cun Ni Kung Tlai Hlawn Khar cu a thin hun in thirfung cu a phawi vurmar i a kal. Hlawn Dawh Thang le a nupi Ni Ka cu bawite an bawi. Ni Ka nih uico, vok, arkhong hna cu vawhla a thawhter hna. Uico nih vawhla ai thawh:   Cua law, nan ka ti e, ek tan tan khat ka koh hlanah hngerhtlei hma thum nan ka thawi e.

 

Arkhong vawhla: Tual i zing ngo buh fang nan pho ah khin e, ka khat te cuk ka zalh ah, mu le sahngar nan ka kawhpiak e. Vokthau vaw hla: Phiang le mum hawng ka thlet u law, keimah thau pa dah ngai hriah hluan sawm ai a tleuh tu e. 

Hlawn Dawh Thang nih Ṭial Ciang cu a kawh ṭhan. Lai Za Hre nih, “Hlawn dawh Thang cu ngun pher kan man seh,” tiah a ti. Hlawn dawh Thang nih, “Ni ni khat ah cun ngun pher cu ka man kho hna lo.” a ti. Cucaah cun Ṭial Ciang pa cu a thin a hung i tlangval a inn khat in a sawm hna i an it. Ngun Kar pa cu Ṭial Ciang innchung ah cun a vung lut i tlangval vialte cu a sih lengmang hna i an lawi dih. Cu hnuah Ngun kar nu cu pokhlat awng in a zuanpi i an kal. Ṭial Ciang nih a pa cu “Ṭhihni ka kalh,” tiah a ti. “Ni ni khat ah ṭhihni cu ka in kalh kho lo,” tiah a pa nih a ti i, ṭhihni cu a taw ah aa ṭhutnenh. 

Ṭial Ciang nu nih, “ṭial Ciang pa, tho-tho-tho, na taw ah ar ek a um,” a ti i Ṭial Ciang pa cu a hung tho. Cu tikah ṭhihni cu ṭial Ciang nu nih a lak i Tial Ciang sinah a hei hlonh. Ṭial Ciang pa cu a thin a hung i, “An nu chu, khuazei in thla an kal te lai,” tiah a ti i kotka a hrenhkhanh hna. 

Ṭial Ciang: Mi lian ka paha tlai lo rung chuak ai law; thor ah zo sung nu man dang ka hal ṭhan ; Na fapa Thla Khar lennak thur rak thiam law. Ṭhihni cu a pa sinah ah Ṭial Ciang nih cun a hei hlonh hnawh. A pa cu a tha a nuam i, “Haw-haw-haw” tiah a ni. Mah hnu cun kotka cu a hunh hna. Nikhat cu Hlawn Dawh Thang le Tial Ciang cu bawite an bawi. Hlawn Dawh Thang le Tial Ciang cu an i zul thluaimai. Cu lioah cun Ni Ka nih an laicer in a then hna. Tial Ciang nih, “Aho chumpur nu dah” a ti i Ni Ka cu a tthi zong cat viar in a nam. A hawi nu rual nih, “Maw Ciang nih a va a ham, hi-hi-hi,” tiah an ni. Tial Ciang:      Ham hlah in za cut bual ah, kei chan ah leng ai titer, thang na seh ti ka siam hram. Hlawn Dawh Thang cu thinchiat in a chawn fung he bual lai ah an lamnak laicer ah a it ko, a zang chawn fang zong ka khiah dih lai,” tiah a ti.Hlawn Dawh Thang: Ho valpa ai hram ka lu ah chawn phawi zal, khua lul khom tlung cio hna, Lian ling bel ka min tlawm lai. A ke a chiah vurmar i a tho. Khuangcawi a rak zawh vemi mikeipa nih hlawn dawh thang cu, “Ka dua, kan i zuam lai,” tiah a ti. Cu tikah Hlawn Dawh Thang nih fei a leh i fei cungah a lam, nam a leh i man cungah a lam. Mikeipa cu a zuang vurmar i far kung cungah bongte a lak. “ka dua, kan i tluk ceo, kan kawi lai,” tiah keitlaupa nih cun a ti. Mikeipa nih, “Tial Ciang hi na far maw a si, na nupi dah?” tiah a hal. “Ka far a si,” tiah a hlen. Chun nitlak an lam. Hlawn Dawh Thang cu rawl a nuar i rawl loin a um. Tial Ciang :       Thor lr Zokhua nu vangah na va hram cu, ka kut rawl na nuar maw? Hlawn Dawh mi thang. Hlawn Dawh Thang:    Thor le Zokhua na ti cu na tawk thla maw, Anmah cang cun bawi ve ngai Chuntei le vankhawng. Hlawn Dawh Thang cu chun nitlak a nupi Ni Ka sinah a um. Cu lioah cun mikeipa nih Tial Ciang cu a rak len. Tial Ciang cu inn lengah thiam a tak. Mikeipa cu tuang awng ah a mei a thlai zuar i Tial Ciang siang cungah a lu a khin i Tial Ciang cu a rak dai len. Hlawn Dawh Thang cu a hung lawi tikah keitlaupa cu a nupi pawngah a hnger in a rak i hnger ko cu a langhlat in a hun hmuh. A thli tein inn tang a hei zoh. Keitlaupa mei cu arpi farual nih, “rik-rik-rik,” tiah an awn an zaampah an naihpah len ko cu a hei hmuh. Cu tikah inn chaklei ah a kal i, “Aho hran chia tang dah, mi lai nupi liang cungah a hnor len ko,” tiah a hun auh. Mikeipa nih cun , “A nupi dah mu a si ka hngalh lo, a zang van ttha lai, a hei ka hlen mu,” tiah a thin hun in a per vurmar. “Nuhmei nu inn tang in seh ka rak bawh, ka seh hrimhrim lo ahcun ka duh lai maw,” tiah a cer in ai cer. Hlawn Dawh Thang nih cun mikeipa nih a ka bawh ti a hngalh i,”Khan e, a ka chim lo, a ka ruah lo ti lai u ci law; hmuichon ka i sel lai hi e,” tiah nuhmei nu inn tang lei hoih in meithal ai tinh i a au. “Keimah ka um e, keimah ka um e,” tiah mikeipa nih a hun ti. “Hauka in seh ka bawh, tiah mikeipa nih hauka in a bawh. Hauka ah hmuichom kaa sel lai fawh hi e, a ka chim lo, a ka ruah lo ti maw um lai u ci law,” tiah a au i hauka lei hoih in meithal ai tinh. mikeipa nih cun, “Keimah ka um e, keimah ka um e,” tiah a hun ti tthan. Cuticun a ti lengmang i mikeipa cu a khua tiang tlung lak a tuah. Hlawn Dawh Thang cu Tial Ciang he cun fanu te an hun ngei i Mang Dang an sak. A hung nungak in Ni Kung Tlai Hlawn Khar nih a nu hmanh ka tthit khawh lo tiah a fapa caah a tthit. Tial Ciang nih an salpa Hawl Kom cu, “Mang Dang manmi sia vung kan ne,” tiah a fial. Hawi Kom cu Ni Kung Tlai Hlawn Khar inn ah a vung kal. Hawl Kom sinah Mang Dang cu kal aa tim. Ni Kung Tlai Hlawn Khar nih, “Ka vahau, kal-kal-kal, Hawl Kom duh si kun ka man kir seh,” tiah a ti. Mang Dang nih cun Hawl Kom cu a zulh ia pa inn fuh ngam loin saihrem buk an i sak i an um. mang Dang pa nih a fanu mman cu a khirh did. Hawl Kom cu ram hran ai timh caah Mang Dang nih a nu cu zal a va hlan. Tial Ciang nih cun, “Mang Dang cu zal cu hei hlan u,” tiah a salle cu a hei ti hna. A salle nih cun, “Keh in sal, vorh in sal, zal khat in tthittial ruah hun phur te seh,” tiah serhsat zawmhtaih in zal cu an hei hlonh hnawh. Hawl Kom cu ramhrannak in a hung tlung tthittial rual zal khat le sal rual zal khat in a hun phurh taktak. Mang Dang nih cun thiltthitnak ah tiah a nu cu la a hal lengmang. A nu nih, “Cu reru na thiltthit tam cu,” a ti i latom pi a pek. Tthi cu rual tam ngai in a thil dih. Hlawn Dawh Thang nupi Ni Ka cu a thi i lamserh an timh. Khuavang ngeinu sinah Ni Ka cu thil an kuat. Ni Ka nih cun mithi khua in lamhserh ni ah cangcel le vok ek thing a hun thiah hna. Lamserh ni ah cun hla an sa i an lam. Vok ek hla:-       Ni Ka a thing kan dim ni ah hin, van rialruah aw rung surh hlah, lai cerh ni aw rung tlang law. Ni cu a hung tlang tungmang. Vok ek cu nak hutmat in an lam i cangcel car gnirnger in an um. Cangcel hla:-        Ni Ka a thing kan dim ni ahhin laicerh ni awm rung tlang hlah; van rial ruah aw rung sur law. Cu ah cun ruahpi a hung sur urmar i cangcel cu tleu vurmar in an lam. Vok ek tu cu an parh tunman. Hla an sa i chun nitlak an lam. Nu pawl cu lukhimh an i khimh, hnika an i fenh, congnak puan an i aih i ruakha an tla. Hlawn Dawh Thang le Tial Ciang cu khuangcawi an i tim. Cu tikah khual tlawnnak ah Marnu sinah a rak ngeihmi fanu le fapa zong an kawh hna. Kan nu le kan pa nih zeitin dah an kan ti lai, tiah an thuam tthattha cu an chiah ta i hnipuan chia an i hruk. Mar puan chia an i keih. Tial Ciang nih inntual par ah a fa le cu a hei don hna. A hawi nu rual nih, “Maw Ciang, na fa le cu an i dawh maw?” tiah an hei hal. “Ai, an mui cu a za ko nain an Mar fa hngalhnak ah an fenhaoh bel a chia,” tiah a ti. “Mahticun an hei kan ti hrimhrim, tthihni a kan pek lo ahcun kan lung a ttha lai lo,” tiah an nuar. Tial Ciang nih tthihni cu a pek hna. 

A fale:     Ka nu maw tthahni veng ka pa thla maw, cumci awih zen lo Mar te ka pu.

 Marpate:      Lai cin ka u le inn ah rawl ka hrawnnak, a chitnak puan ka ngei lo, za te dawn lai.

 Nungak rual:    Marpate aw, na mui na hmel ttha pen, biar i menh law khuaza na thang hnga. 

Marpate cu nungak rual sinah cun a lam ve. Nungak rual nih cun hla an hei phuah lengmang. Mang Dang nih cun zeitindah an ka ti lai, tiah thilpuan chia ai hruk i puan chia in a fa a puak. Ni Kung Tlai Hlawn Khar nih, “Ka fa nu, mah ti khan maw na va si ve,” tiah a ti. Inn ah a vung kir i ṭhiṭial rual a hnawng khat in ai awih, hnika ai fenh, congnak puan in a fa a puak i a hung. Ni Kung Tlai Hlawn Khar nih cun a zoh hmanh a zoh ngam lo. Hlawn Dawh Thang le Tial Ciang cu a nuam tuk i ngawl sian lo in chun nitlak zan khuadei an lam lengmang.

Chin..Chin..Chin..

WeChat Teh Zei Tin Dah PC In Kan Hman Lai???

WeChat zong Viber bantuk in PC ah hman ṭhaimṭhiam khawh a si. A Nih bel te cu PC software a hau lo. Na phone i WeChat na hman phawt ahcun PC ah software lo in hman khawh nak WeChat nih a ngeih. Zei tin dah kan tuah lai??Ahmasabik ah na phone ah WeChat a um hmasa a herh. Cu ruangah WeChat App na ngeih lo si ahcun ka zawn te hin lak khawh a si. (Atang download zongkhin lak khawh a si ko). A fawi te , van tuah ve ko hman. Cun https://web.wechat.com/ timi te hi hmet law a tang lei hmanthlak bantuk te khin na hmuh lai.

Acung hmanthlak a van langh khawh in khan, na phone ah a um mi WeChat kha na awn piak cang lai. Na van awn piak khawh khan a tang lei ka van tuah mi bantuk te khin na kal ahcun a ngah ko lai.

1. Na phone i WeChat na van awn khan Discover timi te kha na kal lai.

 

2. Discover khawh khan a tang ka van langh termi Screen shot ning te hin na kal ṭhan lai.

3. Hmanthlak (1) i a cuangmi PC i QR code te kha na phone in khan scan na tuah piak lai. A tang hmanthlak bantuk te in hin Sec 6 hrawng na hngak lai.

 4. Second 6 hrawng na hngah khawh in a tang hmanthlak bantuk te in hin na PC ah na hmuh lai. na scan a tlam tling tiah mirang ca in ai timi te khi na hmuh lai.

5.Cun na phone ah a tang bantuk te hin a rak cuang lai i, Ok na tuah piak lai.

6. Hi na lim khawh in cun na phone i WeChat contact pawl kha na PC ah an rak cuang lai le PC in Wechat hman khawh a si cang. Cu pin ah File Transfer zong a um caah na PC chung in si seh na phone chung in si seh thil i kuat khawh a si cang. (Scan tuahnak ding bel te ah khin na phone ah Internet Line ahau, Scan na tuah thlu in cun na phone internet line a um ti lo zongah angah cang lai.)

Download

Viber On PC

PC in zei tin dah viber kan hman lai?? Ahma sabik ah na phone ah viber a um a herh. Na ph ah viber a um rih lo ahcun ka hin download khawh a si. Viber na phone na khumh hnu ah na phone ah viber kha sign up tuah ta. na phone in viber na hman khawh hnu ah PC caah viber software cu a tang dawnload ka chiah mi ah khin van la than law na computer ah install tuah. Cun na na phone number he na luh lai le na phone viber ah code number a van in kuat lai. Kha number he khan na pc ah na luh lai. Cun na phone contact vial te cu na pc ah a lang dih lai. PC cung viber cu video call zong a ngah. Nan thiam dih cang lai ti cu ka zumh. Na in a thiam rih lo mi kan um sual ah ka van ṭial nak a si.

Dawnload

Thangtlang Peng Fellowship (Malaysia)

            Kum 2014 TPF rian ṭuantu u pa hna le programe hna cu a tanglei bantuk hin a si.

1. TVan Bawi Lian                            Chairman

2. Pu Siang Lian Thang                      Vice-chairman

3. Pu Hoi Cung                                 Secretary

4. Pu Khar Ceu                                 Asst. Secretary

5. Pu Thawng Hnin Thang                  Tresurer

6. Pu Sang Chum                              Joint tresurer

7. Pu Tum Bik Cung                           Auditor   1

8. Pu Run Vung                                 Auditor   11

9. Pu Siam Mawi                               Adviser   

10. Dr Ṭuan Peng Thang                    Adviser

            A voi khatnak programe cu tlang kip Fellowship tlawn ding a si. 16, 03, 2014 ni khan Vailam Tlang fellowship in thawk a si i CCF Cheras biakinn ah hlung hlai ngai in caan hman nak ngeih a si, a voi (2) nak cu Khual Hring chungkhar ah a si lai i a voi (3) nak cu Zahnak Tlang felowship ah a si lai. A voi (4) nak cu Vanzang Tlang felowship ah a si lai i a voi (5) nak khi Bual Peng Felowship ah a si ṭhan te lai.

            Hi Programe a dih khawh in Ṭaung Caw pumpululh puai tuahnak ngeih a si lai i May 30/31 ni nga ni le zarhte ni ah khin a si te lai. Ahmun zawn cu Maluri tual sen pi hlan a si cang, mah hi puai a dih bak in TPF kum (10) tlinnak Ten Jubilee zong Pathian bochannak in hlunghlai ngai in tuah dingin timhtuahnak ngeih a si. Hi programe vialte hna a tlam a tlin khawhnak lai zaanghlei cawi in thlacamnak nan rak ngeih cio nak lai Bawi Khrih min in kan van in sawm hna.

             Lomhnak he          

                                    T vanbawilian   Chairman TPF

Zei Ruaram Lo

Zarhkhat Chungah B-virus Hloh Ning Cang

Minung kan ngandamnak caah theih a herh ngaingai mi thil pakhat kong kan van in share rih hna lai. Tangka fangkhat hmanh dih heu lo tein B-virus hi hlohkhawh a si.Tuahto ningcang cu atang lei ka van ṭialmi bantuk in a si lai.

     1. Lemon Grass timihramh a herh.

     2. Mah hramh cu ti in thiang tein na ṭawl lai.

     3. Cun na chuan lai.

     4. Mah na chuanmi hang cu nikhat ah voi 3 in na din lai.

     Dinnak ah na hman dingmi hrai cu lakphak dinnak hrai tia a si ahcun a za.

Zarhkhat a hun rauh cun B-virus a tlau bak ko lai. – Good Health

Zumtu

Lai Nunphung (Hla)

Kha hlan e.. kan pupa nih e.. Lairam.. sian lo caa

Fei le Nam in rak humhhak hna
Miphun sal can kan siang maw kan siang hrim loh e ti hna
Fei le nam in ral rak ser tawn hna e
Lairam caa Lu hlo tiangin rak dir tawn hna
An kilkamh e cio mi ram thuam chin e cio e sih law.

(Chorus..)
Ho van e ngai lo dingin Lairam e cung Pathian nih.
Khuang le darlam phuntling he
Miphun e tlingah a kan ser e,
Zahpi hlah law Bawipa pek mi nunphung e
Cuul dih seh khuaki le vanhramdeng tiang e..
Miphun tling le Lai nun dawh bih zuun e hna seh law e.

An cuang hlei e miphun dang e zawngah
Lai kutchuak hni le puan fenhaih zawng in e,
Miphun tling he kan si nak langhter maw ram za culin
Puur ti lo in sang ling sehlaw dirpi law tiin
Dirpi law zaang a le thangthar rual nih e..
Tlau tilo in miphun e tungtu ah si e sih law.

Miphun lak e kan nih laimi cu e
Holh le bia a rum mi Lai  miphun kan si
Holh le ka nunphung cio in kenret nun keng tu kan si
Pupa chan in khuang le darzaam phuntling in
Lai nun a sunhsak mi miphun kan si
Tu ah cun von chap chih maw Jesuh e nunphung nih e.

RammaV Zuunleng Blog in ka lakmi a si.

Malaysian Airlines Flight MH 370 on Flight Radar Playback.

Yes or No

ACN - (NOHAWNG) Zarhnga Nak Thawngpang

Real Madrid Lentecelhtu Pawl Cu Sil Hmuhnak In Thlalang An Deh: Jose Mourinho

            

        Kum 51a si mi Portugal pa, Chelsea manager Mourinho nih a rak ṭuan ṭhingnak Real Madrid i lentecelhtu pawl cu sil laksawng hmuhnak in zei tin dah mipi hmai ah dawh tak in kan chuah lai ti hi an lung ah a um deuh tiah a chim.

           Hi Portugal pa hi Santiago Bernabeu ah kum 3 chung rian a rak ṭuan lio ah a hruaimi minung hna he pehltlai in a lung a rak si lo ngaingai. “Real Madrid lentecelhtu pawl cu pumpululh chuih dingin kan van chuah lai te tiangah khin caan sau tukte thlalang hmai ah artlang in an dir hna. Khi caan lio ah khin Referee nih kua chung pi khin chuah cang dingin a rak hngak cang hna”tiah Mourinho nih Esquire ah a chim.

            “Nain hi pawl hi atu lio chan thil sining zong a si ko. Mino deuh pawl cu hi lei hi an huam ngai ko. An nih cu kum 20 hrawng le kum 20 nak tam deuh hrawng pawl an si le kei cu kum 51 ka si cang. Cu ruangah kan ruahnak aa dang zong a si kho ko. Mino pawl he rianṭuan ka duh si ahcun hi bantuk thil sining pawl cu ka theihthiam a hau. Kum  2000 lio in khan manager cu ka rak ṭuan cang. Kei cu pumpululh chuihtu pawl hi a chan hnihnak hrawng pei ka si ve cang cu”tiah a chim.

            “Ahlan chan deuh lio ah khan cun pumpululh chuihtu pawl hi kan chuih caan a dih in kan rum lai tiah an rak i ruahchan hna. Nain, atu lio chan cu pumpululh chuih an thok hlan in rum an i tim cang hna” ti zong a chim.

            Mourinho nih hin La Liga voi (1), Copa del Rey voi (1) le Supercop de Espana voi (1) tiah sil pathuam cu Real Madrid i kum (3) a um chungah a lak. - goal.com

Kum 2014 CNF President Thar

            

               February 1-13, 2014 ah tuahmi Chin National Front (CNF) Central Committee meeting thok in kum 2014 chung CNF president a ṭuan dingmi nih rian cohlannak a ngeih cang tiah theih a si.

            CNF emergency conference biachahnak bantuk in president cu kum (4) chung minung (4) nih kum khat cio ṭuan siseh tiah biachahnak an rak ngeih bantuk in, kum 2014 ah president a ṭuan caan a phanmi, Salai Kip Kho Lian nih CNF cu a hruai cang lai tiah theih a si.

            February 1-13, 2014 ah tuahmi, Central Committee meeting ah CNF aiawh in biachimtu (Spokesperson) caah atu lio General Secretary a ṭuan cuahmahmi, Pu Zing Cung cu an thim i CNF tangah department thar pakhat “Department of Strategy” zong an dirh chih i, secretary ah Pu Daniel Sakhong a si i, a bawmtu ah Pu Thawng Za Lian le Pu Lawma hna an si.

           CNF President caah thimmi chungin Dr. Za Hlei Thang nih kum 2012 ah president a tlaih. Pu Lian Uk nih kum 2013 ah a hun chan i tukum 2014 ah Salai Kip Kho Lian nih a hun chan ṭhan.

           Kum li chung CNF ah president ṭuan dingin thimmi hna cu a tang lei hna hi an si.

1. Dr. Za Hlei Thang              

3. Salai Kip Kho Lian

2. Pu Lian uk                          

4. Nang Lian Thang

- Global Chin

Lai In Nithla Rel Ning

Minung 239 A Phurmi Malaysia Vanlawng A Tlau

               

         March, 8, 2014: Malaysia Airlines, khualtlawng 227 le vanlawng riantuantu minung 12 phur, Khala Lumpur in Beijing lei panh in aa thawhmi cu khuazei hmun a phanh atu tiang an hngal kho rih lo.

                   Vanlawng lei tuanvo ngeitu pawl hna nih, “Malaysia Airlines, zohkhenhtu, acozah nawlngeitu pawl in mi chanhtu le kawltu (search-and-rescue teams) cu thlah in atu ahhin an kawl cuahmah lio hna a si,” an ti.

                      Vanlawng hi Flight MH 370, Boeing B777-200 a si i nizan Sml. 12.21am (1621 FMT Friday) ahkhan Kuala Lumpur cu a chuahtak. Tuluk (China) khualipi, Beijing ah nizan Sml. 6.30am (2230 GMT) ahkhan tum dingah ruahmi a si.

                     Airline lei nih an chimning ahcun hi vanlawng hi a zuan hnu in suimilam pahnih hnu, Sml. 2.40am in Malaysia air traffic controllers in a signal an rak hmuh ti lomi a si. China CCTV nih hi vanlawng cungah hin Tuluk mi 152 an i cit tiah a chim.

                      Chinese state TV pawl zong nih an ram ti cungah vanlawng a tlami a um ko tinak report an ngah lonak kong zong an thanh cang. China News Agency lianbik, Xinhua nih Vietnamese vankuai cung (Airspace) an zuan cuahmah lioah hi vanlawngpi hi radar contact a tlaunak kong an chim ve fawn.

                        Atu tiang ah khawzei a um an hngal kho rih lo ti a si. A hnu bik ah, Vietnam Media pakhat nih cun khualtawngmi le vanlawng riantuantu zapi 239 an si i, vawilei cung ram 14 minung hna an i tel. Cu chung ahcun hngakchia 2 zong an i tel tiah theih chih a si.

                      A telmi hna cu China – 152 le hngakchia 1, Malaysia – 38, Indonesia – 12, Australia – 7, France – 3, United States of America - 3 le 1 hngakchia, New Zealand – 2, Ukraine – 2, Canada – 2, Russia – 1, Italy – 1, Taiwan – 1, Netherlands – 1, Austria – 1 an si. - The Chinland Post

Feb-22-25, 2014 Hakha Post

February 22-25, 2014 Hakha Post Download duhmi caah

Download

March 02, 2014 Seihnam Cazual pdf

March 02, 2014 Seihnam Cazual pdf file Download duhmi 

Download