Tak Vun Thatnak Ding Caah

* Na hmai vun ngoter na duh a si ahcun reite (lime) hang, zil hang le carrot hang darkeu khat cio in cawh law, na hmai vun ah i thuh. Minute15 a rauh hnu ah ti kik in thiang ten i phiah ṭhan.

* Na sam kha a thih (ro) a si ahcun zanah olive oil/coconut oil kha linhter law, na sam ah khan thuh. Na sam na ṭawl tik ah conditioner hmang law, na sam cu a nung ṭhan lai.

* Na sam a pawngh tuk a si ahcun iron, iodine leh vitamin B hna kha ei piak.

* Arti pumkhat kha ti tlawmpal he cawk law na sam thuhnak ah hmang, minute pakhat hnuah i ṭawl ṭhan, conditioner ṭha ngaingai mi a si. Sam ṭhatter tu ah khawitizu tlawmpal in telh chih.

* Luphut, luval nih hin sam a rawhter ngaingai i, sam ṭawl hlan ah reite(lime) hang in na lu vun kha thuh dih, nazi cheu hnu ah ṭawl ṭhan.

* Kiu le khup a nak mi hi aa dawh lo ngaingai, lohter  na duh ahcun reite hang ah cite cawh law nikhat ah voi thum in ṭawl law caan tlawmpal ahcun a lo ko lai.

* Khayanchinti (Tomato) hang, reite hang (lime) le cawhnuk darkeu khat cawh law, na hmai ah thuh, minute 15 hnu ah thiang tein i ṭawl. Hmai ṭhatnak a si.

* Olive oil vun i thuh hi vun a hnoter hlei ah, vun zong a nem ter.

* Thil na ei dih bak in na ka thiang ten i ṭawl. Zing le zan ah na haa hnur peng, ka thawt lo ti na ngei tuk lem lai lo. Na haa na hnur dih ah na kut dong in na ha ni kha hmet hna, thi kal a ṭha i, na haa ni caah a ṭha mi a si.

* Na el le tampawr milter na duh ahcun nai khawlh hlan sml. cheu aa duh ah reite hang, cawhnuk le olive oil darkeu khat cawh law i thuh. Zan na ih lai ah glycerine i thuh lengmang, mah ti i na tuah ahcun tuluk nu bantuk in na mil ngaingai lai.:D

*Hmursensi ( Lipstick) hman tuk le a man fawi mi pawl hman ah hin hmur a nah ter tawn. Hmur sen ding cun thli thiang, vitamin le iron te hna ei kan herh. Thli le thingthei, a hlei in carrot le serthlum (orange) te hna hi an ṭha ngaingai. Hmursen si hi na hman zongah chah tuk si loin pante in i thuh ah a ṭha. Na hmur a nah ahcun zan na ih lai ah glycerine, reite hang le khawitizu cawh law i thuh.

* Khawitizu, artii (a lai mu tel loin) le changvut hraikhat in cawh law, chang bantuk in hmet. Na hmai ah i thuh, sml. cheu a rauh hnu ah na hmai thiang tein nai phiah dih hnu ah moisturiser i thuh ṭhan, mah tin zerhkhat ah voi khat na tuah huam ahcun kum-50 na si zongah na hmai a mil peng lai. – Facebook>>LAIMI CAAH THEIHKAUHNAK