Hakha Ah Minung Pakhat Nam Sawhnak In A Thi

Chim ramkulh Hakha ah kum 70 a si cang mi Pu Sum Mang cu Monica tiah auh mi nu nih namte in a ṭaang ah a sawh i a nunnak a liam tiah theih a si.

             Hi thil a can hi zanlei suimilam 8, Hakha Pyidawtha um Monica te inn chung ah a si tiah Hakha Post nih a ṭial. Monica, Kum 45 a si mi nih cun namte in a kehlei ṭaang ah a sawh i nam hma in a nunnak a liam tiah Police lei nih an chim. Zei ruang ah dah namte in a sawh ti mi a ruang cu theih a si rih lo nain police lei nih chekhlatnak an tuah cuahmah lio a si tiaht theih a si. Namte a sawhtu Nu cu police nih chekhlatnak ding caah police sakhan ah an kal pi tiah thieh a si. Hakha peng Surkhua um Pu Sum Mang ruak cu Hakha Siizungpi ah chekhlat ding in an chiah i namte in a sawhnak a ruang an hlathlai cuahmah lio a si tiah thieh a si. -Chinland Guardian

Chinmi Ai-awh Vuanci No Than Kap Nih SIM-Card Eihmuarnak A Tuah Maw?

Aluanciami November, 2013 ah Sagaing ramṭhen Mohlin khuakomh (oh-suh) caah Kalaymyo Pengkulh cozah nih SIM-Card 200 a pek i oh-suh khuabawi Pu Thla Muanga nih ningcang lo in a phawtzamh caah Mohlin oh-suh in khuami hna nih cung lei ah theihternak ca an ṭial i a rian in an phuah tiah thawng theih a si. Hi kong he pehtlai in Letpanchaung Youth Association i President Pu Than Cuanga nih, “Hi SIM-Card ngahnak kong he pehtlai in khuabawi Pu Thla Muanga nih oh-suh chung i khua upa hna cu meeting a kan auh i, SIM-Card 160 cu i phawtzamh ding in kan ngah a kan ti. Cun Card pakhat ah 10,000 Kyat in kan zuar lai a ti.

            Cheukhat nih 10,000 Ks pek in an cawk i, khuabawi pa cu a hnu ah a thin a phang ṭhan. Cu caah 10,000 Kyats a pek cangmi cu 8000 Kyats cio a kan khirh ṭhan. Ahnu ah SIM-Card kan ngahmi cu 160 si lo in 200 a si ti thawng kan theih. Cu tikah, khuami in upa cheukhat nih Kalaymyo Pengkulh zung ah report ca an ṭial i hlathlainak an tuah hnu ah oh-suh khuabawi Pu Thla Muanga cu December 24 ah a rian in an dinhter,” tiah The Chinland Post nih a ṭial.

            Atu bantuk in Mohlin oh-suh i a ummi khua in upa hna nih cunglei report an ṭialnak a ruang cu Pu Thla Maung nih Mohlin oh-suh khua hna caah amah duh in khua mipawl a phawtzamhnak le Sagaing ramṭhen Chin miphun ai-awh vuanci Pu No Than Kap SIM-Card 40 a pek ruang ah a si tiah theih a si.

            “Pu Thla Muanga nih a voikhatnak meeting lio ah SIM-Card 160 lawng kan co tiah a kan chimh. Asinain ahnu ah Kalaymyo pengkulh cozah zung nih Card 200 a kan pek ti kan theih ṭhan tikah 40 hi khoika a um kan thei lo. Avoi hnihnak meeting kan tuah ṭhan tikah Pu Thla Muanga nih SIM-Card 160 lawng kan ngah lo kong a phuan ṭhan. Card 40 cu Vuanci Pu No Than Kap nih keimah thawng in nan hmuhmi a si caah 40 ka pe tiah a ka ti caah ka pek a kan ti. Cun a dang 160 cu na duhning in tawlrelnak nawl na ngei tiah Pu No Than Kap nih a ka ti caah a si tiin a kan chimh,” tiah Mohlin oh-suh in khua upa Pu Lal Dinga nih The Chinland Post sin ah a chim.

            Hi kong he pehtlai in Chin miphun ai-awh vuanci Pu No Than Kap nih SIM-Card kong he pehtlai in hmannak ah zeihmanh a theih lo kong, Card 40 aa lak timi a hman lo kong, amah nih halnak a tuahpiakmi a si nak kong The Chinland Post ah a chim. “Keimah nih SIM-Card 200 hi ka halpiakmi hna a si. Atu bantuk in thawngpang a chuakmi hi bia vaivuan lawngte a si. Zei ca dah keimah nih SIM-Card cu ka lak lai i zei kaa tuahnak lai. A ruang a um lomi puhnak a si,” tiah The Chinland Post ah a chim ve.

            Letpanchaung in oh-choh-zi zung i cazi rian a ṭuantu Pu Than Seia nih cun, “Vuanci Pu No Than Kap nih Card 40 aa lak timi chung ah Card 20 cu Kalaymyo pengkulh cozah zung ah an rak khirh ṭhan. An rak khirh ṭhanmi 20 cu hman cangmi le phoh cangmi lawngte an si dih. Kalaymyo peng caah phawtzamhmi number an si lo. Cun aa pehtlaimi catlap zong zeihmanh aa tel lo. Chin vuanci zung phone kan chawnh hna i catlap ngah khawh a si ti lo tiin an kan leh,” tiah The Chinland Post ah a chim.

            Phuah a tongmi khuabawi hlun Pu Thla Muanga kan pehtlaih tik ah, “Hi kong hi SIM-Card a phanh hlan in Pu No Than Kap nih na ka pek lai a ka ti caah ka pekmi a si,” tiah a chim. Kalaymyo peng Mohlin oh-suh ah khua 8 an um. Cu khua 8 chung ah khuabawi pa nih khua 7 caah SIM-Card 50, Letpanchaung khua caah 110 le Khuami hmatpungtin deu in Chin miphun ai-awh vuanci Pu No Than Kap caah 40 tiah ningcang lo in a phawt tiah oh-suh in khuami upa cheukhat nih report ca an ṭialmi ah an telh. 

Hakha Ah Private Bank An On Cang Lai

The Co-operative Bank Ltd., Kawl ram chung ahcun CB bank tiah auh mi bank cu Chin ramkulh Hakha ah hmaithla in cu on a si cang lai.

            Chin ramkulh ah a um mi Cozah bank ti dah lo cu a voikhat nak tuah mi pumpak bank a si tiah theih a si. Rung Construction in pu Chum Ling cu hi bank sak nak ding caah rian khinh a si i kan hnu kum November thla in sak an rak thawk cang i a raoh hlan ah aa lim lai i on nak zong tuah colh si te lai tiah Hakha Post sin ah a chim. Atu ah Nay Pyi Taw in bank director a si mi Kyaw Myo Oo nih on nak (phunhpuai) tuah ding in timh tuah nak a ngeih lio a si tiah theih a si.

            CB bank cu Kum 1992 ah Kawl ram bank kut tang ah a rak um i kum 2004 ahcun a mah pumpak te in a rak dir cang. Rangoon ah hrambunh mi CB bank cu a tu ah ṭengnge 70 tluk a ngei cang i cu ahcun ATM (Automated Teller Machine) le ramdang tangka thlen nak hna a ngei kho cang tiah theih a si.     Kum 1954 in rak thawk mi Myanmar Economic bank cu 1976 hnu ah Myanmar Commercial Bank tiah an rak thleng. – Chinland Guardian

Interview with Pu Zo Tum Hmung (CNF Supreme Council)

Rawn Chin Lentecelhnak

Kum a liam i kan miphun pi ni CND (Chin National Day) hna cu kan hungphan ṭhan cang hna lai. Laihri tlai laimi kan dih lak caah cun ni sung lawi a si caah van rang tang laimi ummi nih cun kan thinlung cio ah bia a chim in khua kan ruat cio lai dah. A ra laimi kan Lai miphunpi ni cu Laimi kan za te caah ni sung lawi sihram sehlaw kan i timh ning cio in tlamtlinnak kan biak pathian nih kan pe hram seh.

            Tukum 2014 cu CND puai/lentecelhnak ah Rawn um Laimi tucu telh lo kan si caah Rawn i a um mi Laimi nih kan sunhsak tuk cio mi kan CHIN mi phunpi ni hi nuam tein le i lungkhat tein caan hman ṭi nan duh cio ahcun RAWN CHIN FELLOWSHIP nih lunglawmhnak thinlung he kan in don hna. Rawn ah a ummi Laimi sikohmanh u sihlaw Laimi/Lai fa/laihritlai  kan sinak cio kha a hohmanh nih nihin ni tiang kan thlau lo i, kan holh/kan phun zong nihin ni tiang a ṭanh peng ve mi Rawn um Laimi kan si ko hna caah kan phunpi ni ah thinlung khat tein lentecelh ṭinak kan ngei hna lai.

           Feb 20, 2014 ni ah Football i hawikomhnak in caan kan hmang ṭi hna lai. Nihin ni tiang ahcun team 6 lawng kan si rih. Cu team 6 hna cu Kyarinn team 2, Hakhaley Team 1, Kantaya team 1, Khampat team 2 an si. Rawn ah a ummi kan hawi le khua tampi nan um rih hna cucaah Rawn um laimi i hawikomhnak ahhin hmailei ahcun rak i tel cio uh tiah RAWN CHIN FELLOWSHIP nih kan in sawm hna. Lungkhat tein kar hlan ṭi cu zeithil hmanh nih a cung ah teinak a hmu kho lo.

            A cung hmanthlak hi 2013 chung ah Rawn Chin Fellowship in lentecelhnak kan ngeih lio a si. Hi lio ahhin kantaya an i tel kho ve rih lo. Kyarinn & Khampat le Hakhalay lawng kan si rih.  Mah lio ahhin bawling chuih thiambik Hakhalay nih an rak lak. Cun Goal tambik ah Kyarinn nih an rak lak. Cun Goalkeeper thiam bik ah Khampat nih an rak lak. Cun first price Khampat & Second price Kyairinn an si.

Tel-012 6280 254

Duh Mang le Dar Din

Duh Mang cu bawi tlangval a si i, a nu le a  farle hna nih cun,”Aho fanu ko dah kan ṭhitpiak lai?” tiah hin khua an ruat.  Ramuk bawi fanu kip cu saduh an that.  Duh Mang cu ngaknu len awk a hngal lo i ni khat cu a umhar tuk ah inn pawng i vape dingah ai chok.  Va a pelnak ah va a pel vemi a hawikom tlangval pa he an i tong.  Duh Mang nih, :Ka kawi, nang ahodah na len tawn?” tiah a hal.  A hawipa nih cun, “Ka dua kannih ngaknu cu a mui a chia tuk: a sam chiat si, a tungtai rem lo hleiah a umtu ziaza a chia tuk fawn,” tiah a ti.  Duh Mang nih cun, “A mui hmanh chia seh law len awk ka hngal lo i tuzan cu kan zul ve ko la, rak ka sawm pah te,” tiah a ti.

Cu zan cuDuh Mang cu a hawipa he cun Darte cu a va leng ve.  Ngaknu inn an phak ahcun Darte nih cun, “Ai cu ngai cu, lungthli ruah loin Mangmang na rak kan leng ve mu,” tiah aw nem ziaimai te cun a hun chawnh.  Duh Mang nih cun Darte aw a hun theih cun a hmaifang a hun bih i a hawipa chimning cu si hin loin ai dawh le a sam ṭhat le a tungtai rem le a hmurka ṭhat ning cu chim awk a ṭha lo.  Dar ti thlet cio te a lo ko.

Duh Mang hla:      Dar Din, luput le sam thlairem; a nu hawi nih an iang lai lo; tlang i zur tidil an chim bang.

A cu zan thawk cun zawngte tikhor hmuh zia in Duh Mang cu Dar Din te inn lawngah a leng cang.  Chun zongah cuka lawngah cun a leng.  Zan khat cu Dardin tlangval pawl nih Duh Mang cu paih an zuam.  Duh Mang nih cun a tei dih hna caah Dar Din cu a lung a si tuk hringhran.

Dar Din hla:-     Paihbuan, ser hlah u val ran nih; val nih vun thluk lo khuang hliang tta; kam lo chuncha bang dir lengluang.

Dar Din le Duh Mang cu an hun i duh ai cang.  Dar Din cu siifak fa a si caah Duh Mang nu le farle nih an duh lo.  Duh Mang cu Dar Din leng kho hlah seh, tiah a farle nih innka an hrenh khanh.  Cu zan ahcun Dar Din inn ahcun paṭiaṭumlo pathum an chuak.  Dar Din cu Duh Mang a rat lo caah a lung a ṭha lo i tlangval hna hmanh cu ṭhatthi khin bia a ruah kho hna lo.

Dar Din :  Tuzan zan  hi zei zan thla maw;  pen dingdeng nih kan tlawng ti lo;  puar pempum lawng pathum ril hna. 

Tlangval :    Puar pempum cu kan kal ai lai; pen dingdeng nih in tlawng te seh; kim cingceng te rung zau ai u, tiah an ti tak hna i tlangval pathum cu an lawi.

Duh Mang cu amah phun tluk a simi ngaknu Sai Ki a nu le a farle nih an ṭhitpiak.  Duh Mang nih cun Sai Ki cu a duh lo tuk i a huat tuk ah hin a zun a puam tuk a ti tawn.  Dar Din ṭheo cu a leng tawn.  Dar Din nih cun nupi a ngei cang ti a hngalh i ṭhaṭhi hmanh khin a chawn ti lo.

Dar Din  :    Zei ce, zakkeh le puan thuan maw; kha hlan bang ti cu ti ttung lo; tthat fawn leng dang rim kai ai cang e.

Ni khat cu Duh Mang le Sai Ki bawinak ding caah fang an su.  Dar Din zong cu a hung chuak ve.  Duh Mang farle nih Dar Din cu an huat tuk hawi sin umter loin amah lawng tuarpar ah thir sum le thir sukkhal in fang cu an sukter.  Duh Mang cu innchung in a hung chuak i Dar Din cu a ngiat len i a hmu lo.  A hnupi ah inntual parlei ah a va i chok i Dar Din cu a hei hmuh.  Dar Din sukmi fang cu a thlet dih i vawlei he a cawh hnuah an pahnih in an i kup i Dar Din te inn ah an kal.

Duh Mang te lo le Dar Din te lo cu ai naih te i ni khat cu lo ah an kal tti.  Zanlei tlun zat nawn ah khin Dar Din cu a hei viuh a theih cun inn tlun cu a duh tuk cang i a lo thlawh tha a nuam set ti lo.  A nu nih, “Tlun a za rih lo,” tiah Dar Din cu a sik.

Dar Din :     Ka nu phun hlah law zei hngal lo;  kan pin tlang in mi kui thei ing;  sing lo an duah len lio ti hna e.

Duh Mang a rak tlung chung i tlaitlan in a hngah i tlaitlan cung cun a rak it ko.  Dar Din le a nu cu an hung tlung ve.  Dar Din nih cun a nu cu zah nawn kaw ṭhangh ngam loin a kalpah in Duh Mang ke cu a hei chuihpah.

Duh Mang :-  Dar Din a hleng in val deuh hmang;  khan rak dir law tlaitlan dawh ah; zeizong khin kan i hal hawl lai e.

Voikhat cu Duh Mang cu Kawl ah ramhran ah a kal i ni sau nawn a rau.

Dar Din :              Duh Mang Kawl ah ramhrangthla maw; a vun tam cang maw rawl loin; ka zuun thil le dairial kua lang e.

Duh Mang far:  Nang zuun thil le dairial seksuk; ṭa khan kan dawt tluang ce dang in;  kan ban thlumhmanhei tei ti lo.

Dar Din cu tlangval rual nih an len.

Dar Din:  Sangsang, kai hlah u val ran nih; thlalang kheng dawh ngun mang zaunnak; bawi ai rim nan hlo lai lo maw.

Duh Mang cu a hung tlung i a far le rual nih an rak don.  Dar Din zong cu a va kal ve i a far le nih, “Nang chumpur nu hi, kan ṭa don awkah na tlak lo, tiah an dawnh nain an hnu lei tein a va kal ve.  Duh Mang cu a far le rual nih cun pakhat hnu pakhat “Ṭaṭa keimah zuu ding hmansa,” tiah an ti len nain a duh lo.  Dar Din sin a phak ahcun darte a rak putmi zuu cu a din i inn ah an tlung ṭi.  Mah caan hrawng ahcun Dar Din cu mikip nih an rak ham.

Duh Mang:    Dar Din, ham hlah u val rual nih; a man khan tuak nan sem lai lo ngeih lo mar caan lim sia nau hna.

Duh Mang nih cun ka kal ve ko lai a ti len nain a nu le a nifar pawl an hna a tla ṭhiamṭhiam lo.

Dar Din:  Duh Mang, a nu nih kheng tla maw; khen sual um seh law khua thawngin; fapa sem kan cawi tti hoi lai e.

Duh Mang:  Dar Din ham hlah u val ran nih, an co rua ding lo mar bangin; kei khom tom hruk in ham ve lang e.

Duh Mang:  Dar Din, ham cio hna val ran nih; an kingtial nam an bah cio lem; kei khom tom hruk in ham ve lang e.

A nu le a farle an hna a tla na lo cun amah nawl in Dar Din cu a va ham.  Dar Din cu a nu nih arsa kheng he Duh Mang sinah a hunter.  Duh Mang nu nih, “Nang rimnamnu  nih hin maw ka fa Duh Mang cu na vat lai,” tiah a rak ti.

Duh Mang nu:    Duh Mang than dai lo Dar Din ṭhi; a val hawi hmai del lai dek maw; ngeih lo chaw ttha pumpa ve kha e.

Duh Mang far:       Duh Mang pakhat nih Dar Din tthi; chiahhrin lengnu zulh ko thlak ah;  rang le rual tthi pan in e.

Duh Mang le Da Din an i um hnuah cun a hawi le nih Duh Mang curam hran an rak sawm.  Dar Din kaltak sian lo ah a hawi le cu, “Kai manh lo.” tiah a ti hna.  A hawi le nih cun ngol loin an sawm tuk caah a kal ve.  Duh Mang nih cun a nu le a farle cu a zumh hna lo caah a salpa sinah, ” Ka um lo karah Dar Din hi ṭha tein na rak zohkhenh lai,” tiah a chimh tak.   Dar Din cu a nu le a farle rual nih far hlam an fial.  Duh Mang salpa nih cun, “Ka zulh ve lai,” tiah ai tim.  ”Zul hlah,” tiah an thloh.  Asinain Duh Mang salpa nih cun tithawl hne tein ti a ken i Duh Mang nu le far hngalh lo karah a thli tein a zulh.  Ram lak ahcun Dar Din cu far a hawl lengmang.  A ti a hal i a salpa i ti a phurhmi cu a din dih.  A ti cu a hal ṭhan.  Ti um lonak tlangcar a si caah a salpa cu ti hawl ah a vak.  Salpa nih cun, “Ti ka va hawl lai i ka rau lai lo; khiang ti hi maw rak ding hrimhrim lai ci,” tiah a chimh tak.  A salpa ti a hawl karah cun a tihal a celh ti lo i khiang ti cu a din sual.  A pum chei bang cu vui ah a rak i cang.  A salpa a rak kir tikah Dar Din cu a cheubang vui ah a rak i can cu ahun hmuh tikah zeitin tuah awk a hngal lo.  A vansan le a ngeihchiat in mitthli lawng a tla lengmang.

Salpa;    Khi maw, kan mei tlanfar hlamnak;  nang keneh hun khirh ti loin; sai aw ka ttap lai ni chunhlan e.

A salpa cu inn ah a vung tlung.  Inn a phak hlanah Duh Mang cu a rak tlung ve.  Duh Mang nih,”Ka nu, Darte ta, tiah a hal.  Ka fa, zuhui hi ei rih law kan in chimh te lai,” tiah  a ti.  Mah lioah cun a salpa cu inn ah a hung phan i a sining vialte cu a bawipa Duh Mang cu a chimh dih.

Duh Mang:  Ka nu, rawl ka rawnh kal ai lang; vang zirziarte maw liam tal lai; vung dawn lai e zo tung rawn in.

Duh Mang:  Ka nu, rawl ka rawnh kim ciuceu; vang zirziarte 

hmun liam tuan kun; dir hmun zawl in ka dir te lai e.

Duh Mang cu Dar Din far hlamnak ah cun a vung kal i, a vung phak tikah cun Dar Din cu vui ah ai cang dih cang.  Duh Mang a hun hmuh cun vuipi cu a mitthli a tla.

Duh Mang:  Sai aw, ni zerh in bual sual um seh law khua thawngin khua nih thiang seh ti hna lai lo maw.

Vuipi nih cun, “Duh Mang aw vung kir ko cang law,”  tiah a ti lengmang.

Duh Mang:   Duhte, duh bik cem vun ttian cu; sia bang kan danhram har lo maw; tlangtlai vaca bang zuang tti sih. 

Duh Mang cu inn ah kir duh hin loin vui sinah cun a um i vuipi nih cun,”Vung kir cang ko law zei bang ti  awk kan si ti lo cu ta,” tiah a ti len nain Duh Mang nih cun a duh lo.  Duh Mang cu vuipi keng cung ah a cuang i vuipi nih cun fing le tlang kip cu lungleng ngaihchia mitthli he a hrawnpi lengmang.  Duh mang cu va phunkip awnh le tikhing thehreng awnh lawng lungleng ngaihchia in a theih lengmang.  Cuticun saipi cu a lungleng ngaihchia in rawl ei lo le ti ding loin Duh Mang cu a ngai i a thi ve.

Math Lei Le Computer Lei Youtube Lai Holh In Zoh Ngaih Duhmi Hna Caah

Chin or Laimi youtube hmai ah kal na duh ahcun https://www.youtube.com/user/Cawnnak?feature=watch

Thantlang Peng, Sihmuh Khua Siang Innn Kai Liomi Ngakchia Kum 12 Nute Tlaihhrem A Tong

           

       February 03, 2014 ah Chin ramkulh Thantlang khuapi i kum 12 sianghngakchianu te a tlaihhremtu siangcachim pa cu atu tiang an tlai kho rih lo, tlaih ding in an kawl cuahmah lio a si.

         Thantlang pengkulh, Sihmuh khuate ah siangcachim rian a ṭuanmi Primary Saya Thawng Bik (kum 32) nih tangnga a kai liomi nu te cu a tlaihhrem i, a zaam tak tiah Thantlang inntek khuami pakhat nih a chim tiin Khonumthung news nih a ṭial.

           

          “Kan theih tawk ahcun Saya pa nih hin sianghngakchianu te cu an inn ah zanriah dingin a auh. Cu zan ahcun a tlaihrem beh. Hngakchianu te nih cun a chimngam lo. Hliamhma in a thi tamtuk a chuah caah a chungkhar pawl nih an hal hnu lawng ah an theih” tiah khuami hna an chimnak in theih a si.

            Sianghngakchianu te cu February 04, 2014 ah khan Thantlang cozah siizungpi ah an chiah, Siangcachimtu Thawng Bik cu February 04 zinglei in a zam i nawlngeitu hna nih an kawl len ko nain atu tiang an hmu kho rih lo.

            “Saya pa hi a chungkhat fapa te he a um ṭimi an si. Cu zan ahcun hngakchianu te cu a auh i, leng ka ka chuak rih lai, ka fapa he hin tuzan cu rak it u awh tiah a chimh ta. Cu ti a chim ruangah cun hngakchianu te zong nih a riahnak a si” tiah khuami hna nih an chim chap.

            Cun “Saya pa nih cun hngakchianu te cu ahohmanh chim hna hlah a ti, a thi tamtuk a chuah caah thil sining cu theih” a si. Saya Thawng Bik i a nupi le a fanu fapa (3) hna cu Thantlang khuapi an khua an sa i, amah hi siangcachim rian in Sihmuh khua ah a umnak kum 7 a si cang tiah theih a si.

            Hi kong a tawlreltu Thantlang police sakhan nih Pohmah 376 in sual an phawt ko nain khuasualhuattu cu atu tiang an tlaih khawh rih lo caah case an awng kho rih lo, cucaah police sakhan ṭuanvo ngeitu hna nih khuasualhuattu nan hmuh a si ah cun 070-6005 ah nan rak kan chimh colh lai tiah thanhnak an tuah. –Global Chin News

Kawlram Chung Ah A Um Mi Miphun 135

1. ကခ်င္
2.  ကယား(ကရင္နီ)
3. ကယမ္း(ပေဒါင္)
4. ကရင္ျဖဴ
5. ကလင္ေတာ(လူေရွ)
6. ေကာ္
7. ကိုးကန္႔
8. ကြီ
9. ခမီ
10.  ေခါႏိုး
11. ေခါင္းအိုင္ခ်င္း
12. ခႏၱီးရွမ္း
13.  ခ်င္း
14. ေခ်ာင္းသား
15. ခြါဆင္းမဲ
16. ခြန္လီ ေခၚဆင္းမ္
17. ဂဒူး
18. ဂဏန္း
19. ေဂခို
20. ေဂဘာ
21. ဂံု (ခြန္ရွမ္း)
22. ဂ်ိန္ေဖါ့
23. ေဂြးသဲ
24. စေကာကရင္
25. စေနာ
26. စမူ
27.  စံု(သဲ)
28. ဆလိုင္
29. ဆလံု
30. ဆင္ထန္
31. ဆိုင္ထန္
32. ဇယိန္း
33. ဇာေထာင္
34. ဇိေဖ
35. ဇိထံုး
36. ဇို
37. ဇိင္ဝါး
38. ဇိန္ညွပ္(ဇန္နီယပ္)
39. ဇြန္း
40. တေပါင္
41. တလယ္ပြါ
42. တာဒိုး
43. တီးတိန္
44. ေတဇန္
45. ေတာရ္
46. ေတာင္ရိုး
47. တိုင္ခြၽန္း
48. တိုင္းခႏၱီး
49. တိုင္းဆာ (မိုင္းသာ)
50. တိုင္းေလ
51. တိုင္းလိုင္ (တိုင္းလ်န္)
52. တိုင္းလံု
53. တိုင္းလြယ္
54. တန္ဒူး
55. ထမံ
56.  ထားဝယ္
57.  ဒင္မ္
58. ဒိုင္ (ယင္ဒူး)
59. ဒိုင္းနက္
60. ဓႏု
61. နာဂ
62.  ပနမ္း
63. ပရဲ (ဘရဲ)
64. ပေလဂီး
65. ပေလး
66. ပေလာင္
67. ပသွ်ဴး
68. ပအိုဝ့္ (အီေကာ)
69. ပါကင္းမ္
70. ပိုးကရင္ (အေနာက္)
71. ပိုးကရင္ (အေရွ႔)
72. ဖိုပြါ
73. ဖုန္ (ဖြန္)
74. ဖ်င္
75. ဗမာ
76. ဘန္ဂဲ
77. ဘြဲ႔
78. မကန္း
79. မရူ
80. မႏူမေနာ
81. မဟူ
82. မာရင္
83. မီရမ္ (မရာ)
84. မီအဲ
85.  ေမာရွမ္း
86.  ေမာ္ေနပြါ
87.  မိုယ့္ထိုင္ (ကသဲ)
88.  ျမိဳ
89. ေျမာင္ဇီး
90.  ျမိတ္
91.  မြင္း
92.  မြန္
93. ေယာ
94. ယင္းၾကား
95. ယင္းတလဲ
96.  ယင္းနက္
97. ယင္းေဘာ္
98. ယြန္ (လာအို)
99. ရခိုင္
100. ရဘိန္
101. ရဝမ္
102. ရီရန္
103. ေရာင္ထု
104. ရွမ္း
105. ရွမ္းကေလး
106. ရွမ္းၾကီး
107. ရွမ္းဗမာ
108. လရွီ
109. လာခ်ိတ္
110. လားဟူ
111. လီစူး
112. လီေရွာ
113. လု
114. လူရႈိင္း (လူေရွ)
115. ေလးျမိဳ႔
116. ေလာ္ေဝၚ
117. ေလာက္ထူ
118. လင္လဲ
119. လိုင္
120. လိုင္ဇို
121. လမ္း
122. လ်င္းထု
123. လြယ္လ (ဝ)
124. သက္
125. ဟြားလ္ငို
126. အခါ
127. အဇီး
128. အႏူး
129. အနန္း
130. အရႈိခ်င္း (ေျမျပန္႔)
131. ေအာဝခမီ
132. အူပူ
133. အိုက္ကြယ္
134. အင္
135. အင္းသား

Hi Miphun 135 an um ti mi hi cu U Khin Nyunt chan lio ah an rak relnak kha a si i, mi lung ṭheng nak ding ah U Khin Nyunt nih a rak hman mi si ko rua tiah ka ruah.

Chin Or Zomi Interview with Pu Go Sawm Khup

Fumtom an duh ahcun ṭhen ding kong zeihmanh chim hau lo te in Chin timi code no ah um hna se law si ko mi.

Dawtnak

Ṭi ṭi ṭi...

Tlangvalpa nih phone cu a tlaih.

Tlangvalpa - Hello

Ngaknu - Happy Birthday, ṭa.

Tlangvalpa - Kai lawm, dawt.

Ngaknu - Ṭa, tuzan 7:30 ah na sin ah ka ra te lai mu.

Tlangvalpa - Ok dawt, promise??

Ngaknu - Ok,promise, zei bantuk um zongah na sin ah ka rak phan lai.

Tlangvalpa - Dawt, ka rak in hngah peng lai, zanlei rawl kan ei ṭi lai cu..meh zong thaw tak in ka rak chuan lai..

Ngaknu -Aww..kan dawt tuk, ṭa, zan ah ka ra te lai laksawng pek ding zong kan ngai..

Tlangvalpa - Aw..Kan dawt tuk ve. ka rak in hngah lai mu.

7: 45 pm - Ngaknu a rak phan rih lo

8: 30 pm - Ngaknu a rak phan rih lo

9: 00 pm - Ngaknu cu a rak phan...

Tlangvalpa - Dawt ..na tlai ko ee. Ka lungre thei tuk cang cu..
Ngaknu nih zei hmanh chim lo in tlangvalpa cu fek te in a kuh i a hnamh..

Ngaknu - Dawt..kan pekmi laksawng cu kha kha si ko..

Tlangvalpa - Na ka pekmi laksawng cu zei bantuk he hmanh ka 

thleng kho lo..na rawl ṭam cang lai lo maw..a tlai pah cang i rawl kan ei ṭi lai cu..

Rawl ei nak cabuai ahcun an ṭhu i tlangvalpa nih cun meh a van suah piak..

Tlangvalpa - Tam pin ei awh..ka chuan mi na ei ahcun na min zong nai philh dih lai..

Ngaknu cu a ni lo,,tlawmte a mirh. 

Phone a van ring ṭhan..

Tlangvalpa nih cun ho sin in dah si ti van zoh le ngaknu i a nu sin in a si. A chawnh bal lo mi a si i a khuaruah a har ngai. Cun a tho i mileng khan lei ah phone cu a tlaih.

“Hello.”

“Ka fa, ka fa nu rak ka chanh paik tuah....” tiah ngaknu a nu nih cun a ti i a ṭap thluah mah..Tlangvalpa cu a khuaruah a har tuk..

“Ka nu,,na fanu cu ka sin ah pei um ko cu”tiah a hei ti.

“A si kho lo mi ka fa aw,, ka fa nu cu na sin a rat nak lam ah accident a tong i atu siizung ah a thih bak si....” 

“Ṭhongggg.......”

Tlangvalpa nih a phone cu a thlak..rawl ei nak cabuai ahcun a va zoh i a dawtmi cu um ti lo...Thli hrang lo na in thlalangawng puaizar te cu a rak i hnin ..Tlangvalpa biang ah mithli cu a luang thluahmah..A thinlung fak ..A dawtmi nih a cung ah a dawt tuk cu a van ruat i a ṭap thluahmah..adawtmi rawl ei nak pakan pawng te ahcun catlap pakhat a hmuh..

“Dawt..ka ngai thiam mu..kan pek mi biakam ka tlinh kho ti lo ruangah..na birthday laksawng tucu ka rak in pek ta..kan dawt tuk...”

Kan hmuh khawh lo mi kan hmai lai caan cu ho hmanh nih kan thei kho lo..Cu ruang ahcun atu kan um ṭi chung te ah hin i daw hna u sih…Online

Man U Championship Ah An Ṭum Ahcun Taklawng In Yangon Ka Hel Lai A Timi Kawl Nu Te

        

        Manchester United cu an pu Ferguson a chuak hnu ah an ṭum chuk hna sa. Hi ti an ṭum chuk ruangah hin MU fans pawl cu a dang fans pawl nih nek hnawk an tong ngaingai. Cu ruangah Man U Championship ah an ṭum taklawng in Yangon ka hel tiah Man U a ṭanh taktak mi Kawl nu te nih cun a facebook cahmai ah a ṭial.

      England Premier league cu vawlei cung League lak ah a lar bikmi League a si. Cu ruangah Kawlram zong ah hin Premier League kan zoh cem hna. Cun kan ṭanh taktak fawn hna. Cu ruangah Internet cahmai pawl i football web pawl ah hin biaelnak hi hmuh khawh lengmang a si. Kawlpawl le bang khi cu an i pamh ning ṭah chuak bak si. Hi ti bia an i el nak in a tu bantuk in Man Man U Championship Ah An Ṭum Ahcun Taklawng In Yangon Ka Hel Lai tiah အိျဖိဳး  nih a cahmai ah a ṭial. A Facebook min ah hin  မန္ယူ မင္းသမီးေလး အိျဖိဳး tiah a ti i kum 22 a si. Hi bantuk bia a chim ruangah hin Man U Championship ah ṭum seh tiah a ti mi an tam ngai cang. A chimtu i a facebook cahmai - https://www.facebook.com/profile.php?id=100005152147654

Man U ṭum seh ti ka duh ngai ve :D

Computer Kan Holh Ter Lai

Zei tin dah computer kan holh ter lai, a thei rih lo mi caah theihtlei, ka theih chun mi te ka van in share ve hna. kan duh ning paoh in holh ter khawh a si. Nain Mirang holh belte a si hau lai. Virus cu a si lo hrimhrim. Dl le computer hna i, i chiah ziar, cun kha te kha van open ta ti i duhmi paoh kha holh ter khawh a si. Ahmasabik ah a tang i kan ṭialmi code te khi copy van tuah

Do

Dim msg, sapi

msg=" Hello Dear Friend My name is Van Lian Ceu."

Set sapi=CreateObject("sapi.spvoice")

sapi.Speak msg

loop

Copy na tuah khawh in computer Note Pad ah paste tuah. Note Pad cu Window Key + R run box zongin Notepad ti zongin hawl khawh a si ko. 

Note Pad ah paste kan van tuah thlu in kan save lai. Kan save tik ah khan kan file kha vanlianceu.vbs ti phun khin min na pek lai. File min ah khan vanlianceu ti nak zawn ah khin na duhmi paoh na ṭial khawh ko. Nain vbs ti bel te khi cu na ṭial hrimhrim lai.

Kan file kha kan van awn in cun a holh cang lai. Hello Dear Friend My name is Van Lian Ceu tiah Nonstop in a holh cang lai. Ka zawn te ah hin Hello Dear Friend My name is Van Lian Ceu ti nak zawn ah khin na duhmi Mirang holh paoh na ṭial khawh. 

Khah a holh ter cu kan thiam cang. Zei tin dah kan philh ṭhan cang lai. Crl + Alt + Delete na hmeh lai. cun Task Manager na awn piak lai. Cun processes tab na kal lai. Processes tab ah khan wscript.exe kha na hawl lai. Na hmuh in select cun End procese na hmet lai. Kha tuah ning he phih ṭhan ning he kan thiam cang. Eee, Pakhat te ka van chap ta lai a cung ta hi Non Stop a si lai caah voi khat te lawng chim seh ti na duh ahcun a tang code khin a cung ka van ṭial mi bantuk in na tuah lai le voi khat te lawng a holh lai. 

msg=" Hello Dear Friend My name is Van Lian Ceu."

Set sapi=CreateObject("sapi.spvoice")

sapi.Speak msg

Lai Number Rel Ning Cang

Lai Number relning a hngal lomi le a thiam lomi kan um sual ah tiah  siaherhnak he kan hun langhter.

0                                         : nawt

1                                         : pak

10                                       : sawm

100                                      : za

1,000                                   : thong

10,000                                 : sang

100,000                                : sing

1,000,000                             : nuai

10,000,000                           : nuaisawm

100,000,000                          : nuaiza

1,000,000,000                       : nuaithong

10,000,000,000                      : nuaisang

100,000,000,000                    : nuaising

1,000,000,000,000                 :nuainuai

Zero (0) cu nawt tiah chim khawh a si.. a dang zong a cunglei ning tein rel khawh an si.

CACC nih nithla relning dan a pomning tein kan rak langhtermi a si.

December 22, 2013 - February 9, 2014 Tiang Seihnam Cazual

February 9, 2014 Seihnam Cazual pdf download tuah duhmi hna caah 

Download

January 26, 2014 Seihnam Cazual pdf download tuah duhmi hna caah 

Download

January 19, 2014 Seihnam Cazual pdf download tuah duhmi hna caah 

Download

January 12, 2014 Seihnam Cazual pdf download tuah duhmi hna caah 

Download

December 29, 2013 Seihnam Cazual pdf download tuah duhmi hna caah 

Download

December 22, 2013 Seihnam Cazual pdf download tuah duhmi hna caah 

Download

January 5 le February 2 ni hna khi cu Seihnam Cazual a chuak kho lo.

2013 CYO Youth Of The Year Mai Sui Tin Tial Le CCN Ton Biaruahnak

Holhthuk A:

A bung = a dihlak hrawmh

A cing = fa a ngei kho lomi
A en = a par lingcing
A huai = a puar, a chiakha, huham ttha lo ngeih
Achuan = vafa
Adeu = a tak a si lomi
Aidi = duh nun chin lengmangnak
Ala = Fa a ngei rih lomi saṭil
A zik = a lu bik, a cung bik, a par phalik
A zuan = aa tlak, aa rem
A roh = a thih tak
An(aan) = bia, holh, aw
Aan dawh = bia dawh
Aan lau = hmuarka panh
Aan nem = bia nem/ aw nem/ holh nem
Aanthlum = bia thlum
Aankheng = lungthin khah, bia khenkham, bia tankanh
Arah = nu le va sinak caah ar thah, hamnak tuah
Arsa = nupi tling sinak ca i thahmi vok
Arte kai = mui chupchap
Awlh = tlangrian ttuanter lo, i dinh

                                                                     Facebook>>Laimi Caah Theihkauhnak

Facebook Kong Theihtlei

Minung 13-ah pakhat nih facebook hi hman a si.
* USA-i internet a hmang mihna lakah 71.2 % nih facebook an hman.
* Minute 20 chungah link 1,000,000 share manh a si.
* Minute 20 chungah event 1,484,000 ser a si..
* Minute 20 chungah hmanthlak 1,323,000 tag a um manh.

* Minute 20 chungah status update hi 1,851,000 tiang a phan manh.
* Minute 20 chungah mi 1.972 million nih friend request an accept.
* Minute 20 chungah hmanthlak 2,716,000 upload a si.
* Minute 20 chungah message 2,716,000 kuat a si.
* Minute 20 chungah comment 10.2 million a ummanh.

* Minute 20 chungah hawile wall-i post 1,587,000 a um manh.
* Kum thar zarh hmasa bik ah hin hmanthlak 750million hrawng upload a si tawn..
* American mino 48% hna nih facebook hmangin news an rel tawn..
* Kum 18-34 karlak minung chung in 48% hna nih an thawh le cang ka facebook an awn tawn.
* Facebook a hmangtu vialte chung i zatceou (50%) nih nifa tin facebook-ah an hmang tawn.
* Buaktlak in mi pakhat nih friend 130 nei bantuk kan si.

* Facebook hmannak caah thla chiar minute 700 billion kan hman tawn.
* Mi 900 cu page, group leh event-ah an um hna.
* User pakhat nih page, group leh event 80 hrawng ah kan i tel.
* Buaktlak in thla chiar group/event/page 90 hrawng a thar ser a si.

Johnson Siangbawi Nu Te

Hakha Siangbawinu le pa le fa le hna nih greetings Laimi sin ah an tuah mi a si. January 25, 2014 ah Vakok LaiHlaHna nih youtube ah a van chiahmi a si. 

                                      https://www.youtube.com/watch?v=7O06CT2w1K4

Chin Pa Ruak Naypyidaw Ah An Char

        Chin ramkulh khualipi, Hakha khuapi i, Chin ramkulh cozah zung, Administration Department ah rian a ṭuanmi, Tlangval Bia Suan Mung cu Kawlram khualipi Naypyidaw khuapi ah Jan. 27, 2014 ah khan a ruak an char tiah Chinlandguardian nih a ṭial.

            Bia Suan Mung hi a voi 27 nak Southeast Asia (SEA) games ah Open Ceremony ah i tel dingin December 2013 ah Naypyitaw a phan i, a tlunnak Hotel in pe 150 hrawng a hlatnak thingkung tangah hmunthianhtu hna nih an hmuh. A ruak cu an zoh tikah aho a si ti an fiang lo, aa hrukmi a thilthuam in le a hngawng i a oihmi Vailamtah ṭhi in an theih khawh.  Kum 23 a simi tlangval, Bia Suan Mung hi Chin ramkulh Tedim peng, Muizawl khuami a si i, B.A (History) degree in a dihmi a si. Chin ramkulh khaulipi Hakha khua ah General Administration Department, Under The Ministry of Home Affair tangah Lower Divission Clerk in kum 2010 khan rianṭuan aa thokmi a si.

             A ruak an charmi Bia Suan Mung hi kan hnu kum Octorber 29 in khan tlau hram aa rak thok cang, kan hnu kum ṭhiamṭhiam, October 28 ah khan mithi pa i a hawipa, Kham Sian Mung zong Mandalay ah a tlau ve i, October 30 ah Hakha a rak phan ṭhan tiah theih a si.A thihnak a ruang cu theih khawh a si rih lo, ṭuanvo ngeitu police nih an hlathlai cuahmah lio a si. -Global Chin News

Thantlang Ah Cozah Riantuantu Hna NIh A Hlei In Tangka An Hal Hna

          Chin ramkulh, Thangtlang khua um mintheih a si lomi cozah rianṭuantu pahnih cu cozah lei ca chuahpiak nak ding caah tangka an hal hna i sual phawt an tong tiah theih a si.

             Hmatpungtin zung le Milurelnak zung, Innlo dirhnak lei rianṭuannak le lam lei tawlreltu zung rianṭuantu pawl nih ram mi sinak sawknak (Hmatpungtin) ding le chungkhar pakhat sinak (einthoungsu sazin) le lei gram tuahnak caah a hlei in tangka an hal hna tiah theih a si. Thangtlang khua ummi, a min a langhter duh lomi pakhat nih Chin Human Rights Organization (CHRO) sin a chimnak ahcun, Hmatpungtin (rammi sinak card) sernak caah kyats 5,000 pek a si i pungsan-10 lak duh ahcun a man tak cu kyats 2,000 a si tiah a chim.           Hmatpungtin thlen duh tikah, si lo le a ṭhing kha a thar ah thlen duh ahcun kyats 10,000 tiang an hal hna i a thar bak ser ding a si ahcun kyats 30,000 le 40,000 tiag an hal hna tiah a chim chap.

        Hi kong he pehtlai in hmatpungtin zunglei rianṭuan tu nu pakhat sin i thawng hlat tik ah, cozah ret leng in a hleihluat in kan hal hna lo, a pe khomi nih lakphatti man ah tiah kyats  2,000, 5,000 ti bantuk in a kan pek tawn, mah hi kan mah nih kan hal mi hna a si lo tiah a chim. A ngei lomi nih a kan pe lo. A sina bel in kannih nih cun mi pakhat caah kyats 2,000 kan lak hnanak a ruang cu kan khualtlawnnak le khuakip kan kalnak caah a si. A fiangmi cu tangka a ngei lomi nih an duhmi a ngah ve lai lo, an duhmi lak an duh ahcun cozah khiahmi zat pek a herh, an herh caan  i an duh mi kan tuahpiak hna tikah lunglawmhnak caah tiin tangka cawih chawm in pek zong a herh lo tiah a chim chap.

           Thantlang khua hruaitu pakhat nih cun, “Zei ruang ah dah Form-103 le Form-105 (lei gram) caah tangka an kan hal ning aa dan cio hnga, a taktak ahcun hi thil hi innlo dirhnak ca le lam zohkhenhnak buu nih chuah piakmi a si ko nain an kan hal ning a dang cio mi hi kaa fiang lo,” tiah a chim. Hi bantuk  bia fiang lo caah cozah hotu lei nih an lehnak ahcun, hi bantuk form laknak caah a hlei in tangka kan hal hna lo, an mah tein lakphatti man tiah a hlei in an kan pekmi a si ko tiah an leh hna.

            Hi kong ah fiang tein theihternak a um lo “lunglawmhnak” caah ti in tangka an phalh hna zongah a caan ahcun an tuah piak kho hlei hna lo. –Chinland Guardian