Kaa Sum Kho Bak Lo

            Voi khat ah tlangval pahnih cu ramlak ah lam an tlau loi ah ramvai pakhat nih a hmuh hna i a inn ah a lawi pi hna ti si. Ram vai pa nih a ngaih chun mi fanu dawh tak te kha tlangval pahnih nih cun voi khat ve ve an ih pi sual ve ve ti si.

             Ramvai pa cu a thinhung tuk i kan thah hna lai a ti hna. Tlangval pahnih nih cun an nawl i, si le luatnak lam pakhat kan pek hna lai ti i ka inn vuang chung ah a um mi nan duh mi thei paoh kha va lo uh ti hna ti si.

            Tlawmpal an khin pakhat deuh cu me thei tete pum hra he a rak chuak ti si. Ramvai pa nih cun na van putmi thei hi na tawkua chung ah ka rawn lai i pum hra tiang ka rawn i na nih lo bak ahcun kan that lai lo tiah a ti. Khan a hei rawn thualmah ko i pum kua nak a phak bak ah khin..thang luahmah in a ni i ramvai pah nih cun a thah.

            Athi mi pa cu mithi siangpahrang sinah a pha i mithi siangpahrang pa nih cun, “Pum khat te aa duh mi hna cu ziah na nih i, kha ti khan cu hei ni hlah law thah zong naa hlawh hnga lo, Ziah hme na nih tiah a hal ti si. A thimi pa nih cun a nih thluamah bu khin “Taktak te ahcun pum hra kha ni lo te in ka um kho ko, Nain pum kua nak a phak ah khan ka hawi pa nih hnuhnun pumhra a van i put ka hmuh i ka nih kaa sum kho bak ti lo” tiah a ti.