Zei Tin.....

CNC Donghnak News

Viber V4.0.0.1707 (For Android) Update

          

             November 12, 2013 ni ah Viber update thar a chuahmi ka van tar. Atu a thar chuakmi viber ah hin cun a hlan nak in Free Call tikah a fiang deuh ngai. Cun Free Call lawng si ti lo in Voice message zong a ngah ve cang. Sticker zong a tling ngai cang. Voice message a vun ngah cang le Free Call line a ṭhat lo tikah Voice message i kuat ngah cang le a ṭha ngai.

          Android Version 2.2 in a cunglei paoh ahcun ṭha ngai ko. A tang Download ti nak ah khin a duhmi nih lak khawh a si.

 Download

Chin National Conference Hmanthlak Pawl

Vuanci U Aung Min ca a pek mi hna ramri lei le i vennak lei Bo Hmu Gyi   Zaw Min Oo nih a rel lio

Phungki pawl rawl andangh lio hna

Nu Bu lei in bia a chim lio

Tangka lei committee in sayamah Chin Chin nih a chim lio

Kawl ralkap pawl he neihniam tak in hman in i thlak lio

CNC T-shirt Design

Bia ngaimi Fanu

Voi khat cu a nu nih a fanu kha a cawnpiak.
A Nu nih cuh, "Ka fanu, na dl pa nih an hnamh timh ah cun " Dont" na ti lai. Cun a dang an tonhg a van i timh bak ahcun " Stop" na ti lai " tiah a chimh.

voi khat cu a fanu cu a dl pa he an i ching. A dl pa nih cu a hnamh pah in khin a kut zong cu a cawl pah thluahmah. 
A nu cawnpiakmi a ngai mi fanu nih cun " Dont stop, dont stop" tiah a ti.

Tuhnu An Chuahmi Tangka Ah Bo Choke Aung San Hmanthlak Acuang Cang Lai

Tuhnu an chuahmi tangka ah Bo Choke Aung Sang hmanthlak acuang cang lai tiah Ina ṭial. President U Thein Sein cozah i tuhnu an chuahmi tangka pawl ahcun Bo Choke hmanthla in an chuahnak ding kong cu Centre Bank pahnihnak president Daw Khin Khin Saw Way , Hluttaw nih tuni ah a chim.

Thluak He Pehtlai In Theihtlei

1. Kan thluak ah Pain receptors a um lo ahcun zei bantuk fahnak hmanh kan thei kho lai lo.

2. Kan thluak ah minute pakhat fatin Neuron sing 2 lengmang a thar a chuak.

3. Kan chuah ka tein tu ni tiangah kan thluak hi a lianh ngan ai tia   peng ti a si.

4. Kan thluak nih hin kan takpum chungah a ummi Oxygen vialte     chungin zatuak 20% lawng a hman.

5. Kan thluak chungah second 8 - 10 tiang kan thi kal ning a hman   lo ahcun lungmihnak tiang a chuak kho i pehzulh in caan sau a um ahcun thih khawh a si.

6. Kan ih lio caan ah mang tampi kan manh ko nain kan hun i ṭhangh ṭhan tikah kan thluak nih kan mang i kan manhmi vialte chungin tlawmpal te lawnglawng ai cin ken khawh ti a si.

7. Albert Einstein nih a thluak hi zatuakin 40% a hman caah vawlei cung tuanbia ah thluak a hmang cemmi minung a si tiah an ti.

Na Fa A Si Ko

Ni khat ah nuva hna cu an fale te he an ṭhuṭi. An pa nih cun an fale te pathum lakah a hniangbik te a zoh bu khin, “Kan nu, hi a hniangcem te hi cu ka fa a si bal lai lo, a u le te he zong an umning aa lo lo, a dang he nan ngeihmi a si ko lai, ṭha te in rak ka chim,” tiah a hal.

An nu nih cun ngaihchia te khin, “Kan pa, hi a

hniangcem te hi cu nangmah he kan ngeih mi a si

ko,” tiah a leh.

Hi Ti Te Hin Hme Teh

Ni khat cu doctorpa sinah hna chungah thil pum te alut sualmi ngakchiapa pakhat a rak phan. Doctorpa nih nazi pa 2 hrawng a rauh hnu ah khin har ngai in a chuahpiak khawh. A chuahpiak dih in doctorpa nih cun ngakchiapa te cu bia a hei a hal.

Doctor: Zeitin hme na hna ah na luhter khawhning a si?

Ngakchiapa te nih cun, “Hi ti te hin hme teh,” tiah a chuahmi thil pum te cu a senhpiak ṭhan.

I Palh Ning Te In

Thluak hman pah lo mi pafa hna cabuai cungah an ṭhu.

Apa:   “Heh hi tangka in hin cawhnuk le changreu

vun caw. Phun hnih a si lai hi awh. Cawhnuk le changreu. Phun hnih mu.”

Apa nih cun a philh sual lai tiah biatak te in khin a cak.

Afa:     “Aw..aw, ka theih ko cu.”

Caan tlawmpal ahkhin a fapa cu ha ṭawlnak pakhat he cun a hung chuak i a pa nih cun lungrawk tak in,

“Cu tluk na thluak chiat cu dah ka ti. Thil phun hnih

cawkter i phun khat lawng chuahpi khawh cu. Khoi

ha sii teh?”

Let Hra

Leng in a rak lawi mi an pa nih an nu kha bia a hei chim.

“Tu ni cu Aladdin meikhuat hngak khuachia he kan i tong cu teh”

“Zei dah na hal, kan pa?”

“Kan nu thluak hi let hra in ṭha seh tiah ka hal”

An nih nih cun nuam ngai te khin

“Zei tin dah an ti? ka karh ter lai a ti mw?”

An pa nih a thawpi a chuih pah khin

“Zero a si ko mi cu let hra kar zongah san a tlai hlei lai lo a ti ko khah”

Nu Va

Pa Thawng le a hawi pa Pa Lian cu rian kal an i thawh nak lam ah an i tong le bia an hei i ruah ti si.

Pa Thawng:      Ni zan ah kan nih a ka hleng le poi tak si.

Pa Lian      :      Zei tin hme an hleng?

Pa Thawng:      Nizan zan kha kan nu nih ka hawi le Nu Chin te inn ah ka riak a ka ti cu.

Pa Lian      :      Hawi nu le inn riah cu zei dah a poi i?

Pa Thawng:      Nizan zan ahcun Nu Chin he cun zan khat chung cu kan um ti hme cu.

Nu Bia

Voi khat cu lakphak ti dawr ah hawi kam pa hnih an i tong.

Pa khat nak pa:       Poi tak si kan nu he kan i si i.

Pa hnih nak pa:       Zei tin hme an ti le nan nu nih cun?

Pa khat nak pa:       Thla khat chung kan chawn ti lai lo a ka ti eh.

Pa hnih nak pa:       Aww, cu ruangah cun maw na lung re theih?

Pa khat nak pa:       si lo, atu ni hi thla khat a tling nak bak si eh.

November 10, 2013 Seihnam Cazual

November 10, 2013 Seihnam Cazual download duhmi hrangah

Download

Theihtlei

• Tisertlam (crocodiel) hi a lei a chuak kho lo.
• Hngerhte nih hin a mahnak in lethra a rit deuhmi thil a thiar khawh.
• Nga lak ah a khul a nuarbik cu Sea Horse timi phun a si i suimilaam 
• pakhat ah 0.016 kilometer lawng a kal kho.
• Starfish nih thluak (brain) an ngei loh.
• Zei hmanh ei lo in Whale nga hi thla (3) chung an um kho.
• Chungchep hi kum zakhat luan tiang an dam kho.
• Sai nih hin an kephak in thil an ngalh khawh.
• Ostrich va hi a thluak nak in a mit a ngan deuh.
• Vawlei cung i thilnung 85% hi rili chung i a um mi an si.
• Ngalsang pa nih hin mi an seh theng lo i a nu nih hin ti an tit lai ah mi an seh khun.
• Rua hi buaktlak in nikhat ah pe-3 hrawng an ṭhang kho.
• Minung kan lei chung hi a lin tak tak mi a si. a linh lei hi 55000 C hrawng a si.
• Khuai siangpahrang nu (Queen) nih hin nikhat ah ti 200,000 tiang a tit manh.
• Chun nak in zan ah nau a nei mi an tam deuh.
• Pa nak in Nu hi an mittheh a rang deuh.
• Phihlik hi a lu na tan hnu ah ni 9 tiang a nung kho.
• Nu nih hin nihkhat ah biafang 7000 hrawng an chim i pa nih hin 3000 hrawng an chim.
• Nu hi pa nak in an mit tteh a rang deuh.
• Kan hahchiau lio te ah hin kan takpum i riantuan tu viate cu ai din 
• dih!kan lung tur zawng hi ai din!
• Buaktlak in vawlei cung ah nikhat ah hngakchia 364,478 an chuak i 151,650 mithi an um.
• Minung thluak za ah sawmriat (80%) hi ti a si.

November 03, 2013 Seihnam Cazual

November 03, 2013 chuak Seihnam cazual download tuah a duhmi caah dawnload tuah khawh a si. Seihnam cazual hi A-3 size a si i, Malaysia ahcun RM -2 in kan zuar mi a si. Tutan cu ka tlai deuh sual a duh mi caah ka te zong hin ngah ṭhiamthiam.

Download

CPP Nih Chairman Kan Si Lawngah Kan I Fonh Kho Lai Tiah CNP Sinah Ca A Kuat

                 Chin Progressive Party (CPP) nih Chin National Party (CNP) he i fonhnak kan tuah a si ahcun Chairman nan kan pek a hau i Chairman kan ṭuan lo ahcun CPP nih Party pahnih i fonhnak a tuah lai lo tiah Oct. 22 ah CNP ca a kuat.

              CPP nih CNP ca a kuatmi ah, "Chin Party i fonh a herhnak kong, asinain Party pahnih i fonh tikah CNP nih Chairman ṭuan lo in CPP nih Chairman ṭuan an duh kong", an cakuat ah an telh i,   "CNP nih Party i fonh a si ahcun CPP hi Chairman a ṭuanter lai," tiah CPP Secretary, Pu Dai Thun minthut in cakuat ahcun an ṭial.

                CPP nih Chairman lak a herhnak kong le Chairman ṭuan lawngah fonhding an timi kong he pehtlai in Pu Dai Thun nih, "A luanciami kumhnih chung CNP le CPP cu fonh kan rak i tim. Fonhnak caah Party pakhat in minung ai-awhtu panga veve kan i thlah. Asinain a donghnak bik cu ai-awhtu tonnak kan tuah lio ah Party pahnih fonhnak kan ngeih lai timi hnathlaknak kan tuah. Cu hnathlaknak ah a konglam 6 aa tel. Cucu i tonnak chungin hnatlakmi cu CNP nih Chin World hmangin thawng an thanh. Cu ruangah CPP in ai-awhtu 4 cu fonhnak caah sermi bu in an chuak i keimah lawng ka tang. Cu tikah fonhnak kong aa ceih kho ti lo caah CPP nih Central Executive Committee tonpumhnak kan tuah i fonhnak kong ah kan hmuhning an chuah i CNP ca kan kuat hna hi a si," tiah CNP ca an kuat hna nak kong The Chinland Post ah a hrilhfiah.

                CNP in General Secretary Salai Ceu Bik Thawng nih atu bantuk in CPP nih an Party zawn lawng ruat in ca an kuat hna hi a phung a si lo kong, Party Chairman rak kan pe u tiah halnak cu aa-na-sin bantuk a lawh kong, kum hnih cu Party pahnih i fonhnak tonpumhnak i hnathlakmi dihlak ah Chairman hi CPP nih la seh, CNP nih la seh ti biachahnak a um lo kong a chim.

               "Zauk phung (Democracy) hrim a tlai lo. Chairman nan kan pek lo ahcun kan i fonh lai lo ti bantuk hna cu a nauta tuk. Party cu miphun caah dirhmi kan si. Miphun zawn ruah in aa hruaiding le a kal ding kan si. Atu an kan halmi cu miphun zawnruah zong a si lo. Mah zawn lawng ruat, aa-naa-sin in kal a si. Chairman bantuk cu Party pahnih i fonh tikah ngi-la-khan (Conference) auh in thimding kan timi a si. Mizapi nih thim in Chairman ṭuan awk a si. Thim lo in Chairman ka ṭuan lai ti cu aa-na-sin lungput a si," tiah The Chinland Post ah a chim.

            Pu Dai Thun nih atu bantuk in CNP he i fonh ahcun CPP nih Chairman ṭuanding kan timi hi kaphnih caah a ṭha tiah an ruah kong, CPP halnak an tuahmi hi a si awk a si kong, asinain CPP nih CEC an thut lio ah an duhmi a phichuak hi cheukhat a hnatla lomi an um kong The Chinland Post ah a peh.

             "CPP hi Party ngan kan si. Ramkomh dihlak in aa cuh khomi Party kan si. CNP cu Chin ramkulh lawng ah aa cuh kho mi an si. Cun MP zong CPP cu 11 kan ngei i CNP cu 9 lawng an ngei. Cucaah Party a ngan deuhmi nih Chairman lak awk a si tiah CEC kan ṭhut lio ah an chuahpi i kan hnatlakmi a si," tiah a chim. A pe h rih mi ahcun,"Cheukhat nih cun hi bantuk in CPP nih Chairman la hna usih tiin CNP ca kan kuat lai timi hi a duh lomi kan um. Asinain mee thlaknak in tuah hna u sih tiah kan ti tikah, CPP nih Chairman lakding in CNP ca kua ko hna u sih timi nih an kan tei. Cucaah Party Secretary ka si bantuk in zapi duhnak cu ka zulh ve a hau. Cu ruangah Secretary ka minsen ka thut i CEC tonpumhnak a phichuak cu CNP sinah CPP ai-awh in ca ka kuat hna hi a si," tiah Pu Dai Thun nih The Chinland Post ah a chim.

            Salai Ceu Bik Thawng nih cun CPP nih Chairman pek lo ahcun fonhnak kong kan tuah ti lai lo an ti zongah fonhnak kong caan tlawmpal ah kan tuahding kong, kum dih hlan hrim ah a tlamtlin ding in fonhnak tuah ding a si kong The Chinland Post ah a chim ve.

           "Hi kong he pehtlai in CNP nih ceihmainak kan ngei rih lo. Ca lehnak kan tuah le tuah lo zong a fiang rih lo. A fiangmi bel cu tutan Chin National Conference, Hakha tuahnak a dih in fonhnak kong kan khang lai i, December a dih hlan, kum 2013 hrim ah kan i fonh lai. Mah tu cu a fiangmi a si i, fonh a duhmi kan tam deuh caah fonh lo a si khawh lonak a um lo," tiah a ti.

             PU Dai Thun nih cun, “CNP nih ca an kan leh lai tiah kan zumh. Chairman kong hi kan buaimi a si ko. An kan leh tikah Chairman kan in pe kho hna lo ti zong an ti khawh. Cu an kan lehmi cu CPP nih zoh in tonpumhnak cu kan ngei ṭhiamṭhiam lai. Zapi lungtlinnak tu in khuakhan a si te ko lai” tiah a chim.

                 Tlangcungmi umnak ah miphun Party pahnih a umnak chung in Mon le Rakhine cu an i fonh kho cang. Shan le Chin lawng hi fonhding in tim htuahnak a ngeimi an si i Chin hi fonhding in timhtuahnak a ngei hmasa le i fonh khawhnak dingah saubik a rau an si. Kum hnih chung an i fonhding kong ceihmainak an ngei cang nain nihin tiang an i fonh kho rih lo. - The Chinland post

2013-2014 Ah Ralzaam 70,000 Lak Dingin Obama Nih Min A Thut Cang

              2013 chung i American ah tam bik a pemmi hna cu Irat, Bhutan, Somalia le Cuba dih in Kawlram cu pa 5nak ah aa tel. Kawlram ahhin Chinmi hi a pahnihnak tambik a lakmi kan si. 2012 - 13 ah ralzaam 69, 930 American an phan i, tukum cohlan dingah ri tukmi 70, 000 an si caah kum dang nakin a tambik tiah ramleng vuanci nih a thanh. tukum Juanuray in August tiang i American phan Kawlram mi 5,258 an ti tiah UNHCR zung nih an ti.
              2013-14 caah ralzam 70,000 cohlan an si lai tiah president Obama nih hnatlaknak min a thut cang. Ram 600 chung in ralzam lak an si lai. American ram hmun 186 ah ralzam umnak hmun pek an si. 213-14 Oct. 1 in American cozah rianṭuannak ni 16 chung dirter a si i, cu chungah ralzam cohlan lemunhma peknak kong zong dirter a si ve.

            American cozah rianṭ huannak dirtermi cu Oct. 17 in a kal ṭhan cang i ralzam cohlannak le hmunhma peknak rian zong a kal ṭhan ve cang. Cozah budget kong buainak zong a dih (phisin khawh a si) cang tiah chimnak nawlngeitu pakhat nih a ti. American nih 2005 in 2013 tiang ah Kawlram ralzam 69,000 a lak hna. – The Chinland Post

October 27, 2013 Seihnam Cazual

October 27, 2013 chuak Seihnam Cazual download tuah duh mi caah a tang ah download link ka van tuah. Ka te zong in dawnload ngah ṭhiamṭhiam ko.

Seihnam Download

Kum (6) Nute Lamnak Nih Mipi Khuaruah A Har Ter

Khuaruahhar in ruangruh a ei mi Par Ṭha Iang Chin stage chung a lamnak nih Chin Christian Youth Fellowship Conference mipi khuaruah har in a chiah hna. Malaysia um mi hna nih kan i ngeih mi CCYFC ah Kum 6 a si mi nu te nih a ruang ei dan cu a phunphun in aa ngerh i a lam piak hna tiah theih a si. 

Faiceu thawngla bu i VanVan nih a chim nak ahcun, hi ngakchia nu te lam a zohtu pawl nih an aur kho tuk, cun lawksawng ah tiin Malaysia Ringgits 145 an pek tiah a chim. Mah hngakchai nu te hmai lei kong an hal tik ah, pawcawmnak chuah pi kho ding tiagin lam thiam mi (pro) si ka duh tiah a leh hna.

Cun, ka rum ahcun, Kawlram lei a tangta mi ka pi tangka ka kuat lai tiah a chim chap. A chuahkehnak khua , Sagaing ramkulh, Khampat khua, chuahtak in a nu, Pi Dawt Hlei Sung, kum 29, Pu Kap Kung, kum 40 le a unau 2 hna he kum 2011 ah Malaysia an rak phan. A nu le a pa rianṭuan an kal karah a mah tein inn ah lam a cawng tawn tiah theih a si.

“Zaan rian ka ṭuan i zing lei ka it lai ka ti ah a lam cuahmah lio a si ahcun a hla chuahmi a phih lai i cun a dang khaan ah a va kal i a va lam ṭhan” tiah a pa nih a chim. Par Tha Iang Chin te an chung tein UN ah min pek cang mi an si tiah theih a si. -Chinland Guardian 

Rak zoh ve uh a ruangruk cu a ei taktak ka ti ve

http://www.youtube.com/watch?v=CtgKncxGO1I&list=HL1383944460