Chin Kum Thar Cu Hmun Kip Ah Tuah A Si Lai

Kum chiar September le October thla phak paoh ah Chin miphun pawl nih an tuah pengmi Chin kum thar cu hmun kip ah an tuah lai tiah theih a si.

Kan pupa chan lio te in facang thar kan hmuh ni an rak tuah mi puai cu atu ahcun Chin kum thar tiah an tuah hi a si.

Chin kum thar cu October 26, Yangon, Min Ye Kyaw Swa lam, Jackson Hall ah Lai lam, Lai hlapi le Lai paih pawl hna he hlunghlai tak in an tuah lai. Cun October 16 zongah Chin khualipi Hakha le Kalay kabaw in Khanpat zongah an tuah a si ve lai tiah theih a si.

Chin mi pawl nih hin Febuary 20 ah hin Chin National Day cu Khua pi pawl ah kan tuah ko nain facang ei puai tucu khua te hna zongah September thla, thla lai hrawngin October thla, thla lai hrawng tiah kan tuah tawn mi a si.

Kum khat chung lei rian kan an khawh facang zun caan ahcun vok thak in nuamnak puai cu chungkhat rualchang le hawilekom he an rak tuah tawn. Cun hmaikum ah zei tin dah lei rian kan ṭuan hna lai tiah an rak i ceih tawn hna.

Asinain Chin mipi pawl Christian kan van si hnu in cun facang thar kan hmuh mi hna cu biakinn ah pekchanhnak kan tuah cang hna.

            Kawl ram luatnak a hmuh in a hmasabik Chin kong ceihkhannak Council nih October 26 – 28 tiang cu Chin kum thar tiah an rak ti caah cu ni cu zung khar ni zongah hman a rak si. – Khownumtung