Malaysia UNHCR : UNHCR Ah A Min Ummi Cu Kan Bawmh Ko Hna Lai

September 2, 2013: Malaysia ramchungah Kawlram mi an tlaihmi hna chungin UNHCR ah a min a um cangmi le community card aa kenmi pawl an luatnak ding kan i zuam lai tiah UN OPI (Outreach, protection and Intervention) nih an ti.

        Kuala Lumpur khuachung Chinese Assembly hall ah July 29 ah Kawlram ralzam bu hruaitu pawl le UN rianṭuantu tonnak an ngeih lioah  hitin an chim hi a si tiah Chin ralzam kongah rianṭuantu Cheras um Ko Kyaw Kyaw nih a chim.

Communities dihlak an kan auh i, thongin lei ṭuanvo latu OPI department nih an ka chimh. Community card aa tlaih mi le 2013 hlan a phanmi UN ah min a pe cangmi hna cu hruaitu lei nih thawng kan thanh uh law UNHCR zungah thawng kan thanh ve hna lai, an luatnak ding kan i zuam lai an ti tiah Ko Kyaw Kyaw nihcun a chim.

Malaysia ah phungning loin rian a ṭuanmi ramdangmi hna cu rianṭuannak nawl 6P program a tuah lomi a hnu bik dirhmun in an tlaih hna  hi a si. Hi tlaihkhihnak hi thla 3 simanking a si i, phungning loin a ummi dihlak tlaih dingin timhtuahnak a si.

            September 3 tiangah zei document hmanh a ngei lomi an tlaihmi hna hi 2433 an si i, hi chungah Kawlram mi 555 an i tel. (Cc: Thit Too Lwin) >> The Chin Star

         Hi kong hi Thit Too Lwin chung a si rua. The Chin Star nih cun Thit Too Lwin a ti ko le kei cu The Chin Star in ka lak chinmi a si caah Credit ahThe Chin Star ka van pek.