Ribery Nih UEFA Laksawng A Co

            UEFA nih nikum 2012 – 13 pumpululh chuih caan i pumpululh a chuihmi vialte lakah a thiam bik tiin pekmi Best Player in Europe laksawng cu Bayern Munich in a laifang lentecelhtu Frank Ribery nih a co. Hi UEFA laksawng cu kum 2011 khan an rak thawk i 2010 – 11 kum caah a thiam bik lawksawng cu Lionel Messi nih a co. 2011 – 12 kum ca cu Andres Iniesta nih a rak co ve. Tukum mithimnak ah Final a kaimi Messi, C.Ronaldo le Ribery hna lakah French miphun Ribery nih atu bantuk in teinak a hmuh hi a si. Tutah ah hin Ribery nih vote 36, Messi vote 14 le C.Ronaldo nih vote 3 tiah an hmuh i Ribery nih The Best Player of Uurope hi a co.

     UEFA President Michel Platini sinin laksawng a vun lak khawh dih le cangka in, “Atu bantuk in hika hmun hi laksawng la dingin vun dir khawh cu a lianngan tukmi khua caan a si. Kan chungle vialte le ka lentecelhṭi hawi vialte cungah lawmhnak tampi ka ngei,” tiah a chim.

 – Goal.com

Champion League Group Stage

GROUP A Man Utd Shakhtar Donetsk Bayer Leverkusen  Real Sociedad	GROUP B Real Madrid Juventus Galatasaray FC Copenhagen
GROUP C Benfica Paris Saint-Germain Olympiakos Anderlecht	GROUP D Bayern Munich  CSKA Moscow  Manchester City Viktoria Plzen
GROUP E Chelsea  Schalke  Basel Steaua Bucharest	GROUP F Arsenal Marseille  Borussia Dortmund Napoli
GROUP G Porto  Atletico Madrid Zenit St Petersburg Austria Vienna	GROUP H Barcelona AC Milan Ajax Celtic

Hari Raya Le CCF Cawlcanghnak

           Malaysia a ummi kan nih Laimi pawl nih cun  Hari Raya caan ah hin cawlcanghnak tam pi kan rak ngai kho. Zei ruanah tiah cun Hari Raya cu an mah Malaysian pawl nih an ulh mi ni caan a si caah rian kan rak off kho ve. Cu caah kannih rian ṭuan mi lai mi hrang ah kan rian off ni te ah khin peng tlang lei in siseh a dang fellowship lei zong in cawlcanghnak tete kan rak ngei cio hna. Kan ngeih mi cawlcangnak hna lak ah CCF( Chin Christian Fellowship) sport day kong tlawm pal te in ka van ṭial lai. Kum 2013 CCF sport day cu Dewan Bandaray Kuala Lumpur Sorts Complex, Jalan Tuan Sabanthan 1, Brickfield ah tuah a si.

CCF

            Tu kum 2013 CCF ( Chin Chirstian Fellowship) sport day cu kan hnu lei August 8 -10 tiang tlamtling te in an lim. CCF sport day ah hin pumpululh chuih le volleyball benghnak tiin zuamnak phun hnih tuah a si. Tutan CCF sport day ah pumpululh chuihmi team hna hi Puhong, Cheras, Seremban, Jinjang, Imbi, Sungai Long, Hriphi, Bukit Ankat, ZACF, Makotah, Sungai Buloh, Klang, Bual, Damai, Khrihfa Upa, Meru ti in team (16) an chuih kho. Cun volleyball a bengmi team pawl hi cu Klang, Seremban, Meru, Puchong, Cheras, ZACF, Imbi, Bual, Hriphi tiin team (9) an i beng kho. kum 2013 CCF soprt dah ah hin pumpululh lei ah Damai nih pakhatnak an hmuh i volleyball ahcun Klang nih an hmuh. Kum 2013 CCF sport day cu Mahara Ja

            CCF sport day puai cu Rev. Sang Hre awn nih in thok a si. CCF chuaih mi team pawl hi Group A – Puchong, Cheras, Seremban le Jinjang, Group B- Imbi, Sungai Long, Hriphi le Bukit Ankat, Group C- ZACF, Makotah, Sungai Buloh le Klang, Group D- Bual, Damai, Khrihfa Upa le Meru tiin Group (4) an ṭhen hna. A puai khat nak ah Group A in ni kum CCF pumpululh champion a hmuh mi Cheras le ni kum i pahnihnak a hmu mi Puchong an chuih hma sa bik. Puchong nih 2-1 in an tei hna. Asinain Quater-Final a kai mi cu Group A in Sereban le Jinjang, Group B in Hriphi le Bukit Ankat, Group C in ZACF le Sungai Buluh, Group D in Damai le Khrihfa Upa an kai hna. Semi-Final a kai mi team hna cu Jinjang, Seremban, ZACF le Daimai ti in ankai hna. Jinjang le ZACF an chuih i an in tluk cun panelty an chuih colh i Jingjang nih antei hna i Jinjang cu Final an kai cun Seremban le Daimai an chuih i an ti tluk tho tho ve panelty an chuih ve i Damai nih an tei . Jingjang le Damai cu an chuih i kawl 2-2 in an i tluk. Panelty an chuih i minung (5) in an chuih an tluk cun minung(3) an chuih than i an i tluk than. Cun kawl bawh ve ve an chuih. Jingjang kawl bawh nih a kawl lo.Daimai kawl bawh nih a chuih ve i a kawl ruangah Jingjang nih pahnihnak an ngah i Damai nih pakhatnak cu an co diam.

            Nu volleyball ah cun Semi-Final ah Klang le Cheras an i beng i Klang nih an tei hna. Cun Puchong le Imbi an i beng ve i Puchong nih an tei hna ruangah final cu Klang le Puchong an kai. A pathumnak tu cu Cheras le Imbi an i cuh i Cheras nih an tei hna i pathumnak cu Cheras nih an co. Final cu Klang le Puchong an i beng i Klang nih voi hnih peh in an tei hna ruangah volleyball pakhatnak cu Klang nih a co i pahnihnak tu Puchong nih an co.

            CCF sport day hi kum khat ah voi (1) tuahmi a si. Hi sport day hi Malaysia pumpululh puai lak ahcun tha pe tu tam bik a ngei mi a si i a nuam zong a num cem tiah pumpululh chuih tu pawl nih an ti. Pumpululh chuih tu pawl nih cun CCF sport day hi an i ngeih bik caan zong a si. 

Nikum Champion Cheras le Puchong an chuih lio

August 18, 2013 Seihnam

August 18, 2013 Seihnam cazual cu ka te zong in doawnload kawh a si. A tang link kan pekmi zong hin doawnload tuah khawha si ko. Seihnam cazual hi A-3 size in kan chuahmi a si.

http://www.mediafire.com/?4o3y6ug8m9fnonq

Seihnam ah an van tialmi Kasperskey Intenet Security download link le Mobile Antivirus Security link zong ka van tuah chih. Seihnam ah khan download khawhnak an van tial manh lo caah ka hin download link ka van tarmi a si.

Kasperskey Internet Security v 11.1.3.10.rar download na duh ahcun a tang linh hi click law download khawh a si.
http://www.mediafire.com/download/kl13ax94b6g21sk/Kaspersky_Internet_Security_v11.1.
3.10.rar

Mobile AntiVirus Security PRO v3.3 apkarchive.com.rar cu a tang ah kan pekmi link click law download khawh a si.
http://www.mediafire.com/download/ivbnvy4zgo8s4hg/Mobile_AntiVirus_Security_PRO_v3.3_apkarchive.com.rar

UNHCR Card A Thli In Tuah Mi Puaisa Pa A Zam

Malaysia , Cheras maluri a ummi  Eng te cu UNHCR card tuahnak ding in an pek mi tangka he a umnak theih a si ti lo. Amah hi kum(30) hrawng hrang a si i UNHCR card a ngei lo mi pawl sinin tangka pek in UNHCR card a tuah piak tawn hna.

            YCCF ah Pa Tum nih cun ;Malaysia ah, Ralzam dirhmun in harsa tein, kan um  cio hna, Tlaih le khih a tam tuk tikah, zeitindah UN ah kan luhkhawh ve lai, tihi a lamkip in kawl cio cu a si.Cu lio ah a liam cia kumhnih hrawng in , UN officer hna le Laimi Puaisa hna nih, a thli tein Phaisa pek in, UN luhnak an rak tuah ziar. UN zung lei riantuantu nih, UN luhnak ah phaisa piakhat hmanh rak la hna hlah uh, an la mi hna an um ahcun, report rak tuah uh, tihi an bai a si, a sinatein an mah UN officer lila nih Phaisa pekin, UN ah mi an luhter.

            Ka nau pa  UN luhnak ding ah Laimi puaisa Pa Eng A an timi Mizo holh le Falam holh a hmang mi pa nih a tuah tiah an kan chimh i, kan settuai. Ka Nau nu pakhat nih, May thla ah,(Campion Night Clup) Pawng i, Lai rawl dawr ah, Rm 2000 a pek. Ni 45 ah, UN card na ngah colh lai a ti. A zapite in pek ding cu Rm 4000 a si i  Rm 2000 lawng kan pek chung. A nithla cu a vungphan, hmaithla ni 9 ah aa fiang lai a ti, Hmaithla ni 9 cu a vung phan than, Hmaithla thar ah a fiang lai a kan ti than.

            Cu ti cun a kan hlen lengmang tikah voikhat cu kan i si,  UN luhnak kan beisei ti lo, a tangka in kan khirh ka ti i, a thin a hung, A ka timi cu Ka pupa sin ah nan mah tein nan i hal lai i, nan ngah lo le ka thei ve lo a ka ti. Na Pupa sin ah Phaisa kan  pe lo, nangmah kut ah kan in pekmi a si na kan pek lo a si ahcun , UN office ah kan i tong hna lai tiah ka ti ve.  ka ti tthanmi cu, “ na duhnak hmun paoh ah a ngah tuk, khoika dah si lai?,” tiah a ka ti i, a phone a thah, TlawAmpal ah a ka call tthan i, ngaihthiam a ka hal. Tha tein kan i chawn tthan. “Hi bantuk rian hi kei mah lawng nih a tuahmi ka si lo,”. Agust ni 12 ah a fiang lai a ka ti tthan, cu ni ah a fiang lo ahcun, a phaisa in kan khirh ko hna lai a ka ti. Cu ti cun kan bia cu kan dih ter,, Agust ni 11 tiang cu a phone a ngah i Agust ni 12 a phak in a phnoe call khawh a si ti lo. Atu cu Agust ni 15 a si cang. A phone number cu +6010-890-7204 a si. Maluri ah a um an ti.

       Tuan ah a mah sinah a rak i tuah mi pawl hi UN card an hmu cang. Midang zong a mah sinah aa tuahmi an um rih,  an call kho ve ti lo. Hi kong hi UNHCR ah chuahpi ka timh cang,

UN officer hna zong a tthih hna lai, Kan mah Laimi zong a kan ttih lai. Cucaah, Zung ah ka chuahpi hlan ah CRC, FRO tbk ah ka kal hmasat ah maw a tthat lai? tihi, Ruahnaak zong kan hal pah hna, tiah ca a thlah.

            Hi pa nih nih midang nih UN card tuahnak ding caah tangka an pek cia mi zong tampi a um ti zong thawng theih a si. Atu ah hin minung tam ngai hlei zong hlei mi ah an i tel ve .A dang pakhat nih cun , “ Maluri ah a um an ti le a umnak inn ah kan va kal. A inn a umnak hna nih cun a kal nak kan thei ve lo a kan ti,” tiah  chim ve. Eng A hi a mah lawng hi rian a tuam mi a si lo caah a mah he a pehtlai mi pakhat khat nih a va dem chim zong a si kho. Cun a mah nih tangka duh ruang ah tangka vial te he a zam zong a si kho tiah ruah khawh a si.

            Malaysia kan um chung ah UN card cu Laimi nih cun kan herh ngai ngai mi a si. Ram dang a len duh mi zong si hna seh, A len duh lo mi zong nih mah humhin nak caah kan herh ngai ko nain hi bantuk a thli in thil kan tuah lo hi cu a tha deuh lai.  UN lei nih an theih tik zong ah a tha lo. Kan mah thotho nih kan ing thiamthiam ko lai. Hi kong hna UNHCR office a phak sual a si  i a tu an tuah ding mi Asylum-seeker card pek ding hna a nuarh ter kho zong chim khawh a si lo. -Seihnam

CDU: Asylum-seeker Mobile Registration Kan Tuah Lai

           Kuala Lumpr : 2013, August 15, zinglei suimilam 09:30 ah Malaysia riamchung i aummi ralzaam hruaitu upa hna le media lei tawlreltu cheukhat hna cu CDU (Comunity Development Unit) hruinak thawng in Chinese Assembly Hall innpi chungah ralzaam thar cohlannak kong he pehtlai in thawng i thanhnak an ngei

          UNHCR( United Nations high Commissioner for Refugees), Malaysia zung chung i a ummi CDU (Comunity Development Unit) lei tuanvo a ngeitu minung 5 khuakhaan lairelnak thawng in an tuahmi i tonnak ah Malaysia ramchung i a ummi ralzaam hruaitu upa minung 60 hrawng an i tel kho.

Jalan Marharajalela lamthluan cung i a ummi Chinese Assembly Hall innpi chungah an tuahmi thawng i thanhnak ah CDU lei tuanvo ngei tu pakhat nih BID (Best Interest Determination) tlangtar in biahmaithi a hun van.

          BID (Best Interest Determination); kum tling lo kan fanau hna kong lam he pehtlai in, "Kum tlin hlan ah nupi/va a ngeimi kan fa le han caah siseh, chungkhar harsat ruangah kumtling loin rian a tuanmi kan fa le hna caah siseh DID sin ah bawmhnak hal khawh a si," tiah BID lei rian ruantuantu pakhat nih zapi sinah thwang a thanh. " Culawng siloin, hringtu nu le  pa i then ruangah a vakvaimi kum tlinglo kanfa le caah si seh, sifah harsat ruang ah le a dangdang ruanah lungzawtnak a ngei mi kan fa le hna ca zongah bawmhnakhal kawh thaimthiam  a si" tiah a chimnolh.

          "Pumsaduhnak rithaisii tongh a hmang mi kum tlinglo kan fa le hna zongah BID tuan vo ngeitu mlslucrt@unhcr.org sinah bawmhnak hal khawh a si" tiah kum tling lo kan fa le hna bawmhchannak kong he pehtlaiin a bia a donghter.

           BID lei ngakchia kong lam an chim dih in UNHCR lei tuanvo ngeitu upa, nu pakhat a hung dir i " A tutan kan tuah hnikmi mithar cohlannak cu a min ah Asylum-seeker Mobile Registration a si,. Kan theih bantuk in Asylum-seeker cu himnak caah dornak hmun a kawlmi minung kha  a sawh duhmi a si. Cu hna caah cun Mobile Registration timi i dornak caah a herhmi sining vialte tling tein khumhpiaknak a si lai," tiah rian kong he pehtialin theihternak a hun tuah hmasa.

          "Kan in pek dingmi han catlap cu UNHCR catlap hi a sining vial te aa khat pet ko la nain Asylum-seeker card tu a si lai. Malaysia ramchung ah him tein i dor khawhnak card tinak a si. Asinain, zatfah ruang i siizung ah va i thlopbul a hauh sual ahcun UNHCR card a ngeimi bantuk in 50% zaangfahnak hmuh khawh thiamthiam cu a si ve lai," tiah card kong he hmuhkhawhmi bawmhnak kong zong a chim.

           "Hi rian hi hmaithla September 2 ni ah thawk ding in timhtuahnak kan ngei. Kan hnu naite ah kan mah le kan comunity cio nih Bio-data an rak ka lak mi min te lawng khan an si lai. Kha Bio-data lakmi chung in a tel lo mi paoh cu a ngah lai lo. Kha chung i a ummi te lawng bak kha Asylum-seeker card kan tuah piak hna lai. Kha chung i a tel lo mi paoh cu TUuhnu hmaile ah hi bantuk Mobile Registraion tuahnak a um sual ahcun khi tik tiang lungsua tein an bawh a hau ko lai," tiah a bia a peh.

Rian konghe pehtlai in" A ralaimi September 2 ni thawk in Malaysia ramkulh 13 lak ah a nganbik ramkulh 2nk a simi, Perak ram kulh ah hi rian hi tuanhram thawk kan i tim. Cun, Kuala Lumpur in Kilometres 200 aa hlaatnak ah  um mi Careroon highlands tlang ah peh zulh kan i tim nolh. Thlanglei Malaysia ram i a ummi johor ramkulh chungah pehzulh dingin timhlamhnak kan ngei rih. Mah dih cun, Negeri Sembilan ramkulh khualipi, Sereban ah pehzulhnak tuah kan duh rih fawn. Aa changcang in a si lai i Malaysia khualipi, Kuala Lumpur (K.L) ah hi rian donghter ding in lungchung saduhthahnak kan ngei. Tutan i Asylum-seeker mobile registration tuah ding ah hin 16 000 hrawng kan tuah hna lai. Hi hi nan comunity cio nih an rak kan pek mi nan Bio-data minung rel zeh hrawng kha si,"tiah fiangfai tein a chim.

           "Hi rian a tlamtlin khawhnak ding caah mirang holh a thiammi holh lettu tampi kan herh. Caholh aa khatmi miphun pakhat ah holh lettu minung 5 cio nan rak cuahkhawhnak lai kan in sawm hna. Man phlah loin pumpek in i thawh a si lai cahah miphun dawtnak a ngeimi a ho paoh i thawh khawh a si," tiah sawmnak le forfialnak bia  chim ia bia a donghter.

           A donghnak ah biahalnak le bialehnak caan an ngei hna i zinglei suimilam 11:30 ah khaannak cu tlamtling te in an ngawl. UNHCR bu teng-nge pakhat a simi, CDU hruainak in Malaysia ramchung i a ummi ralzaan an tuht kir ning konglam he pehtlaiin tuanvo ngeitu hna le pengtlang hruaitu upahna cu thla fatin, thlakhat voikhat i tonnak le thawng i thanhnak ang ngei kho. -Seihnam

Ralrinnak -  Bio-data min lak lio ah a min aa tel lo mi cu zei ti hmanh in a ngah kho ti lo.

                    Kha lio i nan phone number ning te in auh a si lai caah na phone number kha si                                         khawh cun thlau lo te in le i thleng lo te in a si khawh ahcun a tha lai;