Calender

Mirang Calendar-i thla min hna hi Latin holh in a ra mi an si.

January: January ti hi Januarius timi in a ra mi a si, Rom mi hna pathian janus-min bunh i an sak mi a si. Cu caah hi thla hi janus pathian, hmai pahnih ngei an biaknak caan a si. Janus hmai pakhat hi hnulei a hawi i, a hmai pakhat hi hmailei a hawi ve.

Febuary: Februarius timi in a ra mi a si. Februarius cu Rom mi hna an i thianhhlimh lio caan a si i, mah hi thla ah hin thianhlimnak puai zong an tuah tawn.

March: Rommi hna Raldotu pathian Martius philhlonak ah a min bunh in March tiah an rak kawh.

April: Aprilis ti hi Latin holh cun 'aa awng/aa hawng" tinak a si i, hi thla ah hin an thlai thlakmi hna cu vawlei in an rak kheu i,“Aprilis-aa awng”, thla tiah an rak kawhnak cu a si.

May: Rommi hna nih hlawhtlinnak le ṭhanchonak pathian ti i an biakmi Maius ti mi min in a ra mi a si.

June: Rommi hna an pathian nu Juno min bunh i a ra mi a si. Chungkhar ah ngakchia bik tinak a si.

July: Emperor Julius Caesar min bunh i a rak chuakmi a si. 44BC ah khan Mark Antony-nih cun Julius Caesar philhlonak ah a rak sak i; Mah hlan ah hin hi thla hi “Quintilis” tiin an rak kawh i, asullam cu panganak ti a si. Rom calender ah cun hi thla hi a thla nganak a si.

August: Emperor Augustus-min bunh in 8BC ah khan hi min hi an rak hman.

September: Septem, pasarih ti mi in a ra mi a si i, Rom calendar ah cun thlasarihnak a si ruangah a si.

October : Octo, pariat timi in a rami a si i, Rom calendar ah thla riatnak a si.

November : Novem, pakua timi in a rami a si i, Rom calendar ah thlakuanak a si.

December : Dcem, pahranak timi in a rami a si i, Rom calender ah thlahranak a si.

MAHHNGALLO THLAPA

            Zanlei suimilam pa 5 hrawng in khuadawm nak pipi an hung chuak, duldul...dullll tiah khuari a tur, vuichip tlang lei zoh ah zukzek zukzek tiah mimtlau a lek. Khua muih a cu rih lo nain a hung mui khupmap. Can tlawmpal ah puppep puppep tiah kutpi tiatia in ruah var nawn pipi in an hung tla. Lahva kuang lei in tilian thawng bang hung huung huuuggg... tiah thlitu tom zual ko tlik in a hong tli. Chikkhatte ah ruah he thli he rial he a a huai bak in an van i huai. Inn chung dai tang ṭhut ko hmanh ah a ho holh ngam um hlah. Dai dipdep te in kan ṭhu dih.

            Caan tlawmpal ah ka ṭhutnak in ka tho duak i hi tluk thlitu, rial le ruah thawng thangmi hi ih diam i puan lu khuh taak ah a ṭha lai ka ti i ka ihnak khan lei ah lo diam ka kal. Ih i puanlu khuh zongah a thawng cu dai hlei hlah keimah lawng puan tang i thawng van ngaih ko ah ṭihnung tuksapur chin khi a lo. Sinain kai theih lo kar ah ka rak i hngilh diam. Ruahsur puanlukhuh ih cu mitkuh a rak thaw rua kai hngilhnak in kai ṭhangh ahcun khuangteriit awnh thawng dah ti lo zei thawng hmanh a rak leng ti loh. Suimilam ka van zoh cu zan suimilam 10 tlinnak ah minute pa 7 lawng a rak i duh. Cu lawmmam tak cu dah ka ti i ving tiah ka van tho. Kha tluk ruahpi tuk le thli le rial nih thingkung ramkung vialte le innlo vialte zong a hmal dih ko lai lo maw ka ti i thlalangawng in khua ka cuan. Ka khuaruah a har. Zan suimilam pa 10 deng a si cang nain ceupum in a rak um. Vuichip tlang, lahva kuang hrawn le inn pawngkam thlanmual tiangin an lang dih. Thingkung ramkung hna cu faruahthawh nih cei zikzek te in a den hna lai i an mal dih cikcek lai tiah ka ruahmi cu ruahsur le thli hraan nih a rak hmal kho hna loh ruah sur lio i ruahti an hnah cungah ai dilmi tu nih khan an ṭamh lehlam hna i fing le tlang cuanh ah lungvar mansung lawng te hlah maw an si ti awk in tleu dildel tete in an lang. Khua a piang, thawng a dai. Uico hmanh ruah tuk le rial nih an ning a ṭihter rua hna a ho awn-au um hlah. Cu tluk ceu lawmmam cu zeihme si ka ti, cunglei ka van zoh cu a khoimaw ka tete ah khuadawm nak tlawmpal tete ruah in a sur thlu lomi le khuadawm raang tlawmpal tete lak ah thlapa pi cu keimah hi ai dawhcem ka si ti phun khin pumvuai in lulei banvawr in a rak chawh hnawh len hna. Arfi zong pahnih khat tete cu ṭhep dilhdelh tete in an um ve nain thlapa ceu nih a iap deuh hna i an ceunak a lang kho tuk loh.

             Cutluk thlapa dawh cu ka ti ka zoh ah ka zoh cim loh. Lulei banvawr in ai chokphu na si tak ko ka ti i van cau cun ka zoh peng. Cu lio ah ka lung ah duk tiah a hong chuakmi cu hi tluk dawh hi zeitinthla a ceuning si hnga tiah khua ka van ruat. Kan hngakchiat lio sianginn kan rak kai lio i kan rak cawnmi “thlapa cu a mah te in ceunak a nei loh” timi ka lung ah a hung chuak. Ninu nih a ceunak a hrawmh chommi si ti kha ka lung a hong piang vuaimai. Mah cu hnu thlapa ka zoh ah a mah ceunak a si loh Ninu nih a ceunak a hrawmhmi zeithei loin a mah dawhnak ah a rel sual le ai uanthlarpi ti phun khin ka hmuh cang i ka zoh ah ka ning a ka zahter cang. Aw Ninu hi chun i ceunak a kan pek hnu zongah zan ah khua an hmu sual lai lo tiin zan tiangin a ceunak a kan hrawmh ka ti i thlapa dawhnak hmu ti loin Ninu vel ngeihnak lawng ka lung ah a chuak i thlapa ai dawhnak ka hmuh ko nain Ninu dawhnak in ka lungin cun ka hmuh caah Ninu cu ka thangṭhat hringhran. 

            Kan cathiang chungah kan hmuh bang zeizong vialte hi Pathian lamkaltu an si taktak ko. Kannih minung hna zong hi kan biakmi kan Pathian nih mah le sining cio in fimnak, thiamnak le thiltikhawhnak pahrang a kan pek. Amah kan Pathian fimthiamnak le thiltikhawhnak a kan hrawmhmi a si ve. Thlapa i a ceunak le ai dawhnak cu Ninu nih a hrawmhmi a si. Amah thlapa nih zeihmanh ceunak le thiltikhawhnak a ngei loh.

            Kannih minung zong nih hin kanmah te in fimnak, thiamnak le thiltikhawhnak kan neihmi pakhat hmanh a um loh. A kan sertu kan biakmi kan Pathian nih a kan hrawmhmi a si caah kanmah le kanmah i thangṭhat, i uanthlar i i phorhlawt ding kan nei lo. Kan biakmi kan Pathian tu kan thangṭhat deuh ding a si. Kan thiltikhawhnak pahrang cio hi a kan sertu kan Pathian caah siseh, ram le miphun ṭhanchonak le pakhat le pakhat kar ah remnak, daihnak sertu kan si dingmi hi a kan tinh piakmi a si ruangah mah le sining cio in thiltikhawhnak a kan pekmi a si. Thiltikhawhnak pahrang a kan pekmi hi midang sin i i phorhlawt pi dingah kan ruah sual ahcun mahhngallo thlapa bantuk kan si sual hnga.- Daniel Pa

Kum 21 Chinnu Mawṭaw Accident In A Nunnak A Liam

Malaysia um Chin nu Mai Hniang Za Hnem cu a hawi le he an i cit mi mawṭaw accident a tong i a nunnak aliam tiah theih a si.

            Cu accident a cang hi zanṭim ah a si i, Hnem le a hawi le pathum cu an rian a dih hnu ah an hawi le he zan riah dum ṭinak (party) an kal lio ah hi bantuk vanchiat nak an tong tiah Chinland Today nih a ṭial. A rian ṭuan ṭi a hawi a si mi Sonera Tinpar a chimnak ah cun, “Kan hawi le nih kan rian ṭuannak pawng i rawldawr ah zanriah ei ṭi ding in an kan sawm, an raoh pah cang caah phone ka chawn i an tlaih bal lo. Cu tlawmpal a raoh hnu ah police nih a phone cu an tlaih i siizung ah ra ding in an ka chim i cun hnu lawngah kan hawi le cu accident an tong tiah kan theih hna tiah a chim. An i citmi mawṭaw nih bank(tangka chiah nak inn) a pah i Hnem le a hawi le cu a hmun ah an nunnak a laim colh tiah theih a si.

            Hniang Kuk tiah auh mi Hniang Za Hnem cu Falam peng Zathlir khau i a um mi a si i Malaysian ah kum li a um hnu ah hmaizarh chung US lei a zuang ding mi a si tiah theih a si. -Chinland Guardian

Malaysia Um Rawn Chinmi An Lung A Faak

            Atang i ca hi Salai C.Van Lian Cung (Salai C.vanliancung@gmail.com) nih YCCF biaruahnak ah a rak thlahmi a si.

Dear Upa hna,

Kan ruahpi cio uh. Chin National Day ah Rawn Chin kan lung 
a faak. Thil sining le kal ning zong kan chim uh. Kanmah Malaysia i ummi nih cun zapi theih dingin cathlah kan duh ko hih. Thil nan theihmi, Tlangcungmi le Kawlrawnmi i pehtleihnak kan chim uh. Nan cakan hngak lai.

Upatnak he,

tiah a ṭial i a ṭialmi ningte in a tang lei ah ka van langh ter 
lai.

Rawn Chin (Kawlrawn ummi) Kan Lungfaak Hrim Ko

            Acung lei catar bantuk in Malaysia um Laimi lakah Rawn Chin, Kalay valleys a bikin Kyarinn-Hakhaley-Khampat CND (Chin National Day ) lentecelh nak ah i tel an kan senh ve lo i kan lung a faak tuk. Kan nih Rawn Chin nih kan i ruah bikmi le kan lungpuk cu tlangcung um kan nu kan pa Laitlangmi nih hin an kan kawl lai i, an kan sawm lai i, hmunkhat te ah kan i fontom hna lai i, fek tein kan dir ṭi hna lai ti hi kan lungput a si. Asinain Rawn Chinmi phenheinak an ngeihmi hi kan ruah ah kan ngeih a chia tuk hringhran.

            CND lentecelhnak ah i tel le i tel lo kong cu um rih seh. Mah hi CND hi Laitlang ta lawng maw a si ne? Kan nih rawn i ummi Laimi pawl nih teh kan i hrawm kho ve hnga lo maw? Mah ti i an kan thlaidanmi hi hi hnu hmai leiah rawn i ummi Laimi le tlang i a ummi Laimi kan i ṭhen thai lai tinak maw si ne hnga? Tlangcungmi le rawn i ummi Laimi hi, kan nih rawn um Laimi nih cun i ṭhen kan duh lo. Asinain tlangcung um mi nih nan kan phenhei caah nan kan ti ning tein i ṭhen thai maw kan hauh ne lai.

            CND lentecelhnak kongah, CCFM (Cho Christian Fellowship Malaysia)biakinn ah lentecelhnak kongkau le lente ai celh dingmi meeting an auh. Date 14.12.2013, Time 3pm to 5pm, kan nih cu sawm zong kan tong lo. Kan hnu kum 2012 ah zaangfah tein kan i tel ve ko lai kan ti hna i, aw a ngah ko an kan ti. Cun tangka puaisin luhnak caah RM1200 a hau lai an ti i mahcu pek kan van timh tikah nan nih cu a ngah ṭhan lai lo tiah an kan let ṭhan. Zeiti ṭha lungsau tein um ko rih sih kan ti. Tukum ah CND caah cun meeting ṭhut dingin ca an thlah tikah ca chungin an phone number ka lak i ka chawnh hna. Na email ka kua law meeting auhnak ca kan kuat lai a ka ti caah ka mail cu ka kuat. Meeting cu kan hung kai i, a nih Rawn Chin kha an lung zapi an rak tling ti lo. Meeting kainak hmun Cho Christian Fellowship biakinn kan phak hnu ahcun Rawn Chin lentecelhnak kongah vote kan lak lai ti si. Ka dir i ziah mah cu a phung si ṭung lo. Meeting zong nan kan sawm ve i kan phan cang. Kan kong vote lak ding le ceih ding simi cu ziah kan mah umlo kar ah nan rak ceih lo? A ngah lo ahcun ziah meeting zong rak kai hlah uh nan kan ti lo ka ti hna. An ka let lo… meeting kai mi chungin an nih cu telh lo (ပယ္) ah chia ko hna uh tel a hau lo ti si. Ka dir ṭhan i Rawn Chin um mi pawl Malaysia ah kan cawlcangh ning tete ka chim dih. Cun CND ah i tel ve kan duhnak lungthin zong ka chim chih. Kyarinn pa he meeting cu kan kai i amah zong nih a chim ve.

            Bia pakhat an rak chuah ṭhan i, Rawn i ummi cu Hakha in an holh ko caah Hakha ah i tel ko hna seh ti si. Ka dir ṭhan i a si lo, Hakha cu kan siko nain Rawn ah chuak mi kan si caah i fonh cu a har ngai dakaw ka ti. Cuti i Hakha peng le Thantlang peng / pengtlang in chuah ding a si ahcun kan nih zong Rawn Chin in chuak loin khampat /Kyarinn/Hakhalay tiin kan chuak ve lai ka ti. Asi kho lo puisin a tamtuk lai ti si. Ka dir ṭhan i mah cu caah dakaw kan nih cu Rawn i a ummi Laimi kan siko i hmunkhat te ah kan i fonh lai i team khat lawngin kan chuak lai kan tinak si cu ka ti. Chairman nih kan chim cia bangin vote in kan lak lai an tlak si le a piat lai ti si. Kyarinn pa he cun kan dir i Upa pawl nan thil tining hi a hman lo. Kan mah um lio i vote lak zong a ṭha lo. Thil dawhcah zong a si lo. Cu caah cun kan nih cu kan i tel lai lo hmailei ah khuafak piin ruat uh CND hi Laimi dihlak ca dakaw si kan ti i kan chuah tak hna.

Vampang

Voikhat cu Bus mawṭaw cungah tlangval pakhat kha ngaknu dawh takmi pawngah a ṭhu ti a si.

Tlangvalpa       : Nunu nai dawhtuk!

Ngaknu           : Kai lawm tuk mu, ka ṭa.

Tlangvalpa       : Nunu aw, kan kar ah hin a fek bikmi thil pakhat khat um sehlaw ka duh tuk eh.

Ngaknu           : Kei zong ka duh tuk ve si.

Tlangvalpa       : Nunu na duhmi cu zeidah a si, na ka chim kho hnga maw?     (mirh nawnte khin)

Ngaknu           : Vampang!!!!!! – English Joke

Va La Ta Ko

Nikhat cu a duhdaw ngaimi nungak tlangval shopping ah an kal ti a si.

Nungaknu       : Dawtmi, ka ta?         

Tlangvalpa       : Zeihme, ka dawt?

Nungaknu       : Ka ta vei mu, phanah (shoe) cawk ka duh i ka phasabawm in ah ka philh tak fawn, zangfah tein a cawknak ah na tangka RM 150.00 na ka pe kho chung hnga maw?

Tlangvalpa       : Ka far hika pawng hrawng ahcun tangka thohnak ATM zong a um lo cu hi. RM 50.00 in kan pek lai i nan inn ah na tangkabawm cu va la ta ko ngat.

Mah tlangval pate cu nang zei tin dah na ruah??

A tanglei catlang hna khi van thim ve.

Mah tlangvalpa hi :

1)      mi semrel pate a si.

2)      a khuaruah tha lo.

3)      mikhiar te a si.

4)      mi dipde pate a si.

5)      a rauhmi a ruang a um lai.

6)      thil ai thiamter.

7)      amah zawn lawng ai ruat.

8)      mi molh a si.

9)      mi lihchim pate a si.

10)  mifim bak  a si. – English Joke

Why Not Me????

Tottenham Hotspur Nih Villa Boas An Chuah

Tottenham Hotspur nih an manager Vill Boas cu kan hnu lei zan Liverpool he an chuih khawh khan an chuah. Tottenham cu November 24 ah Manchester City cu Ethad ah ( 6 - 0 ) le Liverpool cu an mah certul White Hart Lane ah ( 0 - 5 ) in a sung. 

Champion League 16 Round Draw

Theihtlei Tete

Q: Vawlei cung tiva saubik?

Ans : Nile
Q : Vawlei cung mawṭaw lam(Highway) sau bik?
Ans : Trans Highway, Canada ram i um mi, 8000km a sau.
Q : Vawlei cung i ram nuam lo bik?
Ans : Iraq.
Q : Vawlei cung Inn sang bik?
Ans : Taipei Innsang, Taiwan ram i um mi,dot 101,pee 1,664 a sang..
Q : Vawlei cung i tlang sang bik?
Ans : Everest tlang, a min hi Sir George Everest-philh lonak i an sak mi a si.
Q : Vawlei cung i tlawr thing tam bik chuaknak ram?
Ans : Myanmar. .
Q : Vawlei cung i these ram kau bik?
Ans : Sahara these ram.
Q : Vawlei cung i Coffee tam bik a chuah tu ram?
Ans : Brazil
Q : Vawlei cung i a kik bik nak Ram?
Ans : Siberia, Verkoyansk hmun.
Q : Vawlei cung i kuapi hlun bik?
Ans : Damascus khuapi.
Q : Vawlei cung i tikulh ngan bik?
Ans : Greenland tikulh.
Q : Automobiles ( Motor )tambik an sernak?
Ans: USA, Detroit khuapi
Q : Thir tambik a ser mi ram?
Ans : China le South Africa.
Q : Khairiat ( rubber ) tambik a sermi ram?
Ans : Malaysia.
Q : Ni chuaknak ram an ti mi?”
Ans : Japan.
Q : vawlei cung i hmun niam bik.?
Ans :Rili Thi ( Dead sea ) le a pawngkam
Q : Vawlei cung i rili ngan bik?
Ans : Pacific rili.
Q : New York khuapi min hmasa..?
Ans : New Amsterdam.
Q : Red Cross a dirhtu.?
Ans : Jean Henri Durant.
Q : UNO ( United Nations Organization ) dirh kum..?
Ans : 1945.

Q: Ni Sau bik ram?

Ans: Norway

Q: UNO General Secretary hmasa bik?

Ans: Trygve Lie

Q: Vawlei cung Library ngan bik?

Ans: Congress Library, Washington DC

December 15, 2013 Seihnam

December 15, 2013 Seihnam Cazual pdf file download tuah duh mi hna caah

Download

December 8, 2013 Seihnam Cazual

December 8, 2013 Seihnam Cazual pdf file download tuah duh mi hna caah

Download

Lainu Le Muidawh Samthlairem

Mai...(Lai lengnu dawh
( Lainu thinlung te na ken caan)

Na mui te nih dawh kaw , iang ngei hlei khun.
Na ankaa te nih pau, ngeih nuam zai hla sung bang.

Na sam thlai nih rem kaw, soi awk um loin.
Dawh hlei khun ka ti, Laipa sal ṭha ca.

Mai....(Lai Lengnu Dawh)
Miphun dang pa nih, uai pi lai sian na um lo zia.
Nai dawhnak na iang , Lai pasal caa si hrim seh.

Miphung dang nun cawng hlah, kan ti bak lo.
(Nain, na luan sual lai, ralrin ngei.)
Kan lai nunphung te kha philh hin lai cih.

Na umtu, na ziaza, na sam tuah  le na thil thuam hruk eih nih
Kan Lai nun dawh langhter chin seh..
Ramdang nun cawn ka thiam pet, ti'n..
Zei hngal loin maw ramdang nun cawng lai cih.

Thilthuam hruk eih zong ah, a zia thiam kan hau cang.
(Laipa lung kan donghter sual lai.)
"Laipa hna cu zei an si lo" ti sual lai cih, a donghnak ahcun Laipa ṭhiam.

Chiatnak chuahpi tu, thil ṭha lo lanh tak cang.
Chan ti luan dawi zia thiam u sih.

"Lainu le muidawh samthlairem"
Muisam lawngah za ai hlah, thinlung ah a biapi deuh.

Iang hi hlen a hmang i, dawh hi a ziam kho.
Bawipa a ṭih mi, Lai leng nu dawh cu thangṭhat si ko seh.

                                                                         By: Sui Len Sung Hkn

Bible Theihtlei

Biakam Hlun ah

• Cauk 39 a um.
• Dal 929 a um. 
• Caan 23, 214 a um.
• Biafang 593, 493  a um.
• Cauk saubik- Sam
• Cauk Tawibik - Obadiah

Biakam Thar ah

• Cauk 27 a um.
• Dal 260 a um. 
• Caang 7, 959 a um.
• Biafang 181, 253 a um.
• Cauk tawibik   : 2 Johan

Biakam Hlun Le Thar Fonh

• Min Saubik      :Mahershalalhashbaz (Isaiah 8:1)
• Dal Saubik      : Sam 119
• Dal Tawibik     : Sam 177
• Caang Tawibik : John 11: 35
• Caang Saubik   : Esther 8: 9
• Cauk Tawibik   : Johana 3
• Cauk Saubik     : Sam (Dal 150)
• Dal Laibik        : Sam 118
• Bible Pumpi ah Dal 1, 189 a um.

John Wycliffe nih Mirang Bible ah a hmasabik leh a rak thok i, A.D 1388 ah khan John Purvey nih a lim.
A.D 1228 ah khan Stephen Langton nih khan Bible hi Dal a rak ṭhen hna.
A.D 1448 ah khan R.Nathan nih Biakam hlun hi Caang (Verse) a rak ṭhen hna i
A.D 1551 ah Robert Stephanus nih Biakam thar hi Caang a rak ṭhen ve hna.
Kan Bible ah "Pathian" timi biafang hi voi 3, 358 a lang i, Esther leh Solomon ṭahhla cauk ahcun "Pathian" timi biafang a lang lo.
Kan Bible ah "Bawipa"timi biafang hi voi 7,736 a lang.
Bible cauk biafang donghnak: Amen (Biathlam.22: 21)

Thingthei A Rong Hi Kan Takpum Caah A Herh Maw??

Thingthei a rong phunkhat cio hi kan takpum caah a baipi tukmi le a herh tukmi an si. Eidin tirawl thingthei phun i an rong pawl nih hin ngandamnak he pehtlai in anmah an rong hoih ning cio in thiltha an chuahpi cio.

A rong a senmi

            A rong a senmi eidin tirawl ah hin Antioxidants ai tel ruangah cancer zawtnak a khamh, kan lung le kan thin a rawhnak lo ding caah a kilven fawn ti a si.

A rong a engmi

                        A rong a aihremi endin tirawl nih hin mit a ṭhatter i vitamin C aitel caah ngandamnak a ṭha bikmi a si.

A rong a hringmi

            A rong a hringmi eidin tirawl hi ngakchia ca le nu pawl caah a ṭha bikmi tirawl a si i nau inn cancer le a dang cancer zawtnak, lungtur zawtnak le thisen zawtnak caah a hlei in a ṭha khunmi tirawl a si.-Good Health 

Rawlṭam Lio Ah Lakphak Hang Kan Din Awk A Si Maw Si Lo??

Tea tiah an aohmi lakphak hnah in an tuahmi lakphak tilum le lakphak hang pawl hi minung tampi hna nih kan din-ei tawn ciomi a si.

Mi cheukhat hna cu zing an hun thawh bakin lakphak tilum an ding. Mi cheukhat hna cu rawl an ei dih hnu ah a dingmi an um baktukin mi cheukhat ṭhiamṭhiam hna zong zeihmanh ei hlan ah a dingmi an um ve.

Lakphak nih zeibantuk ah dah a hlei khun in rian a ṭuan timi hi kan theih awk le kan i ralrin awk ah a herh ngaingai mi a si. Lakphak timi hi calories pawl rianrang taktak in a tlauter khotu din-ei phunkhat a si. Cu caah a khami hang kan din a si ahcun thli a tum timi cu zapi nih kan theih ciomi a si.

Lakphak timi hi calories pawl rianrang taktak in a tlauter khotu din-ei phunkhat a si caah rawl ei khawh dih hnu ah din ah a ṭha bik, ti a si. Kan paw chungah zeihmanh kan ei-din ciami a um lo ahcun lakphak hi din loah a ṭha.

Aruang cu hiti hin a si. Kan paw chungah kan ei-dinmi tirawl zeihmanh a um lo tikah kan dinmi lakphak hang kha kan paw chungah a hung lut fawn. Mah tikah kan paw chung i kan eimi tirawl hrawhhral dingin a rak hngaktu Gastric acid le a dang acid pawl hna nih a rannak in dat phunkhat a hun chuahpi i hrawhhral dingmi calories le a um lo tikah kan paw chung i a ummi acid he khan dat an ser i a dangah an karh i an i ṭhenṭhek. Cu tikah mah nih a hei chuah pimi cu umkhua nuamh lonak, pawfahnak, dat he i keih lo ruangah takthahnak, kutke hihnak tbk hna kha a chuahpi khawh.

Voikhat voihnih lawng si loin lakphak hang kum caan saupi kan paw chungah ei-dinmi um ta loin kan din a si ahcun a cunglei i kan langh termi nak hmanh in a zual khomi a si. Cu kherhhlainak a tuahtu mifim hna nih zeihmanh ei ta loin lakphak din lo dingin a kan cawn piak. – Great Horse Tea

Chin Ralzam An Umnak Hmunhma Ah Kir Ṭhan Kho Dingin Cozah Sin Äh Ca Kuat An I Tim

                 Ralkap cozah chan in nuhrin covo buar ruangah ram chuah takin ralzam dirhmun in ram lengah a um mi Chinmi hna caah ram chungah kir ṭhan khawh nak ding caah cozah thar sinah ca kuat lai tiah Chin National Conference tawlrel tu U Lian Tawi Thang nih a chim.

            November thla chungah tuahmi Chin National Conference he pehtlai in December ni 5 ni ah Rangon Summit Park View Hotel ah tuahmi thawngla pawl thawng fianhternak tuah mi ah a chim tiah theih a si. “Ramleng a um ralzam pawl ramchung an rak kir i an caah a humhim ko cang ti mi dirhmun tiang cozah nih a tuah piak awk a si tiah a chim chap. National Conference i biakhiah mi a hram an dirh khawhnak ding caah committee cu 2014 February thla ah an dirh lai i, ralzam pawl ramchung an rak kir ṭhan kawhnak ding cu hmasabik ah chiah dingin cozah sin na nawl lai tiah Salai Izak Khin nih a chim.

             Chin National Conference cu Chin ramkulh Hakha ah November 12 in 15 tiang an tuah i Chin ralzam pawl an um nak hmunhma ah an rak kir ṭhan kawhnak ding kong telh in biatung pi 13 an rak chah.

            Zei raungah ralzam kan si ti ahcun cozah lei in uknak ṭhat lo ruang, thlaidannak a um ruang le nu hrin covo an buar ruangah ralzam a rak um ve nak a si i, cu ralzam an umnak hmunhma ah an rak kir ṭhan khawhnak ding caah tuah sernak in a chuah pi mi ramdeihnak le hnangamnak a um awk a si tiah zapi hnatlak nak kan ngei kho ti cu November thla i tuahmi Chin National Conference nih thawng an thanh.

            Ralzam dirhmun in ramleng a phan mi Chin mi 120,000 an um i, Malaysia ah 50000 an um, India ah 70000 le Thailand ram ah 500 renglo an um tiah cu coference i chuah mi ahcun aa ṭial.-Myahwaddi

2014 World Cup Group Draw

    

   
      Group A            Group B              Group C           Group D
          Brazil                 Spain                   Colombia          Uruguay
          Croatia               Netherlands          Greece             Costa Rica
          Maxico               Chile                    Cote d'Ivore      England
         Cameroon           Australia              Japan               Italy
         Group E         Group F              Group G            Group H
         Switzerland       Argentina              Germany             Belgium
         Ecuador            Bosnia                  Portugal             Algeria
         France              Iran                     Ghana                Russia
         Honduras          Nigeria                 USA                  S.Korea      



2014 World Cup caah group draw me zuhnak  cu 7/12/2013 1:20AM ah khan tlamtling tein an tuah khawh. Tutan World Wup cu Brazil ram ah tuah a si la i an ram certual hmun12 ah chuih a si lai.Ahmasa bik ah an mah Brazil le Croatia cu  June13 ah  Sao Paulo certual ah an chuih lai i final cu July14 ah Rio de Janeiro certual ah chuiah si te lai. Group stage a chuak mi chung kan vun zoh tikah a ho cio nih kan theih bantuk in nikum final ah ai tong ciami Spain le Netherlands cu tutan GroupB ah an i tong than i Spain nih maw an champion si nak taktak an langh ter than lai Netherlands nih dah nikum an lungfah nak kha an cham te la ti hi i ngaih cio a si. Cu bantuk in GroupA Brazil zong hi Maxico he Olympic Cup lungfahnak ngei ve mi an si.Tutan World Cup ah hin mithmai thar a lut mi ah Group C i Colombia le Group H i Belgium hi a dang nih an tih cio mi team an si.Group D lei kan zoh than tikah mipi nih an tanh ngai hna mi England caah cun an lawnh khawh lo mi  Quatar hi tukum ah an lawnh kho te hnga maw ti nak in tukum an Group hi an lawnh kho te hnga maw ti hi an thinphang deuh mi a si men lai. Group G zong hi Germany caah a har ngai dingmi Group a si. Minthang Argentina le France caah cun tutan an Group hi i lungsak awk tlak taktak a si.Tutan World Cup team khat cio i an si ning le an chuih ning cio van zoh in mitam pi nih cun tutan World Cup cu Brazil nih an lak te lai ti hi an i ruah cio an chim cio mi a si.                            
                                                                            J Hmung
 

Ka Bia Thli

Nang ngeih ah ka hram,
Nang zuun in ka uai,
Abau kei thinlung ah,
Ka phuang manh lo
Kei Lungthli bia
Aliam kan caan tha
                               Moses Cung

Sang Hruaitu Nih Chin Pastor Pa A Hmai Ah A Bengh

          Dec. 3, 2013 : Arakan ramṭhen Myebon khua ah Chin pastor Cing Pian Langh cu a ruang fiang loin sang uktu pa U Hla Kyaw nih a hmai ah a bengh.

         Mah hi thil hi November thla ni 9, 2013 zanlei nazi pa 9 le cheu hrawngah kum 30 a si mi pastor pa cu telephone a chawnh lio ah bengh a ton hi a si tiah Chin Human Rights Organization (CHRO) sinin theih a si.

        “Phone line a fian deuh lo ruangah hauhruang kam ah ka dir. Mah cu phone ka chawnh lio ahcun U Hla Kyaw timi pa nih a dahmei in ka hmai ah a ka ceuh i zei bia hmanh chim loin a ka bengh” tiah a chuahkehnak khua Tedim peng a simi pastor Langh nih cun CHRO sin ah a chim. 

         Myebon khua i General Administration Department zungah ka va report nain mah cu ka zunguk bawi khual a tlawng tiah an rak ka ti.

       “Department of Religious Affairs (Biaknak lei Vuanci Zung) ah mah cu thil sining cu thawngthanhnak ka tuah nain an zung bawi nih mah hi cu keimah rian a si lo tiah a ka leh” tiah pastor Langh nih cun a chim chap.

Nawlngeitu lei nih mah hi thil sining kong ahhin zeihmanh cawlcanghnak an ngei lo tiah bengh a tongmi nih cun a chim.

        Pastor Cing Pian Langh cu Evangelical Free Church of Myanmar nih 2013 October thla khan missionary ah rak thlahmi a si i Arakan ramṭhen, Sittwe peng kulh, Myebon khua ah a ṭuan lio mi a si.

2010 October ah Myebon khua hi Giri Cyclone thli nih a rak hrawh bal. Myebon khua ummi minung i zatceo hi cu Chin an si tiah an ruahdamh. – Chinland Guardian

Bawmhnak

“Tu zing zingkaa te ah khan minung pakhat ka bawmh, ka pa”

“Zingkaa te ahcun ho hme na bawmh, ka fa?”

“Kan inn pawng pa kha rian a tlai sual lai ka ti i kan ui hrang pi kha ka thlah, ka pa”

Thinhunnak

“Kan nu, Na thinhung dingin kan tuah tawn ah hin na ka let bal lo, Zei tin dah na thinhun nak naa inn tawn ning si?”

“Ek inn ka va ṭawl ko”

“Ek inn na ṭawl le na thinhun nak cu a dam deuh maw aih?”

“Dam deuh e, na ha ṭawlnak he pei ek inn cu ka ṭawl cu”

Chumh Chuan Ning

An nu nih an pa kha bia a chimh.

“Ni zan ra mi kutdok cu a ka neng taktak”

“Zei ruang ah hme?”

“Ni zan ah rawl a rak ka hal i kan rawl ṭhing le kan meh ṭhing kha ka pek cu”

“Ṭha ko hme cu”

“Tu ni ah cauk pakhat a van ka pek”

“Zei bantuk cauk?”

“Zei bantuk cauk hme si lale chumh chuan ning cauk teh a rak ka pek ko”

PC Hrangah Internet Download Manager Version 6.18

Internet Download Manager hi PC a hmang mi nih cun theih duh lo zongah theih a hau i, kan PC zongah Install kan tuah ahau hrihrim mi a si. Aw…IDM….IDM tiah PC user pawl nih kan hman an herhnak chan cu, Atu lio Youtube ah Video, Facebook i video le hla pawl, cun Website tam pi chungah an chiah mi Video pawl khi Free in download a pek lo zongah ma IDM na ngeih ahcun na (Download) dawh khawh viar. Mah IDM hi Version 6.18 a si le zei serial key zong a hau loh, cracked cia mi asi. Double click I install tuah cawlh a si ko. Atang lei hman thlak ning ten 1, 2, 3 pawl khi check box on piak ding a si lai.

Real Madrid Star Group Maw A Si Te Hnga?????

     Liverpool striker Luis Suarez cu cawk dingin kan i tin tuah cang tiah Real Madrid nawlngei tu lei nih an chim.

London Evening Standar i a ṭial ning ahcun Real madrid Presedent Perez le Ancelotti nih hmai kum January ah Saurez hi cawk dingin biaceih nak an ngei cang tiah theih a si. Ancelotti nih cun a ke hman ti lo mi Benzima hi zuar in a tuah duh mi triumvirate tactic cu tuah a duh.

Ancelotti nih a duh mi triumvirate cu a kam pahnih ah Bale le C.Ronaldo nih kulh in Suarez hi a lai hmaitli ah chiah ding phun a si. Cu ruangah cun Hmaikum January ah cawk dingin an i zuam nak hi a si. January thla i kan cawk khawh lo hmanh ah tutan pumpululh chuih caan a dih hin cun kan cawk kho ko lai tiah Real Madrid nawlngeitu lei nih zumhnak an ngei.

Malaysia A Um Mi Hna Hrangah

        Tu kar hrawng Kl khua chung kal dingmi pawl i ralring hna uh. KOta Raya super market pawng (Mcdonlds dawr le Kota Raya lampawng) ah khan (5.12.2013) WMK 7468 Van car a dir i ramdang mi pawl kha an check hna i phungning lo in a si mi paoh cu an tlaih thluah mah hna. Hi ti tlaih a si ahcun Rm 500 - 1500 riang hrawng in  i tlanh a hau. Cu ruangah cun a i khawh ahcun khi ka zawn te khi cu hrial hna u sih. Nain tangka aum ahcun thlah ṭhan a si ko. Cu ruangah Malaysia ramchung i phungning lo in a um mi nih cun Bus stand, Train station ti hrawnghrang kha cu ralring te in kal hna u sih.

            A si lo zongah UNHCR card (or) Passport kan ngeih zongah Malaysia police pawl he i ton lo cu a ṭha bik a si ko. Cu ruangah cun a si khawh chung in hrial hna u sih. Khi Kota Raya Super Market chung ah khin a si khawh ahcun PHONE zong i cawk lo ding si. Fake pawl a tam tuk. Cu ruangah cun a man fawi ti pek in lam pawng zuar mi phone zong caw hlah u law a ṭha ko. Malaysia a um mi caah cun Police kan ṭih chel, Misual pawl kan ṭih chel kan thinphan mi a tam tuk. Taxi cik zongah ṭha te in i ral ring hna u sih. – Nay Zaw Linn

Theihtlei

Ø   Ngakchia chuak ka nih coulor Nak leh Rang (mui le zan) lawng an hmuh khawh.

Ø  Kalauk nih minute 10 chungah ti Gollan 35 a din khawh.

Ø  Buaktlak in minung mitmu hi gram-7 hrawng a rit.

Ø  Ni ceu nih hin rili pi hi pee 262 thuk tiang a cerh khawh.

Ø  Africa ram pi 100% ah 28% hi these ram car a si.

Ø  Coca-Cola rawng (colour) hi a hlan ahcun a hring a rak si.

Ø  Vawlei cungah minung nak in Ar an tam deuh.

Ø  Ostric va ti hi hmin lak i chum dingah cun sml. 4 chung  chumh a hau.
Ø  Buaktlak in ngakchia kum-4 mi nih hin nikhat chungah 

    biahalnak voi-430 reng lo an tuah.

Ø  Ral pi-II nak lio i British leh a hawi le nih Berlin khuapi
   Bomb an rak thlak ah khan mi pakhat hmanh an thi lo i, 
   Saram zuatnak i Sai pakhat te lawng a thi.

December 01, 2013 Chuak Seihnam Cazual

December 01, 2013 chuak Seihnam cazual pkf file download tuah duh mi hna caah

Download

Tutan cu ka tlai deuh sual

November 24, 2013 Chuak Seihnam Cazual

November 24, 2013 chuak Seihnam Cazual pkf file download tuah duh mi hna caah

Download

Tutan cu ka tlai deuh sual

Seihnam November 17, 2013

November 17, 2013 chuak seihnam cazual pdf file download tuah dingmi caah

Download

Tutan cu ka tlai deuh sual

November 10, 2013 Chuak Seihnam Cazual

November 10, 2013 chuak Seihnam cazual pdf file download tuah duh mi hna caah 

Download

Tutan cu ka tlai deuh sual 

CRC(Malaysia) Zung Nih An Rianṭuantu Pahnih An Chuah Hna

                    November 20, 2013: Malaysia ralzaam caah rianṭuantu bu a simi Chin Refugee Committee (CRC) zung rianṭuantu pahnih hna cu CRC rianṭuantu sinak in phuah an si tiah CRC EC rianṭuantu pakhat nih a chim. An phuahmi hna hi Chairman a ṭuan liomi Salai Khia Thang le CRC card a tuahtu Kim Kim hna an si. Malaysia UNHCR nih register a tuah liopi a si i, Mi – E Fellowship an luh ni ah Mi – E Fellowship in minung 10 hna cu nan card va thleng ta uhlaw nan thlen hnu in kan in luhter hna lai tiah UNHCR zung rianṭuantu lei nih an ti hna. Card thlen dingin CRC zung an kal tikah card tuahtu Salai Khia Thang le Kim Kim zung an kai lo, sml 11:00 am ah zung an phan i, Mi – E Fellowship in card thlen ding minung 10 hna cu card an thlen manh ti lo caah UN lut kho loin an um.

            Mi – E Fellowship rian ngeitu lei nih CRC zung lei cu nanmah nih mipi zei nan kan rel lo

ruangah a lut kho dingmi minung 10 lut kho loin kan um tiah an va ti hna. Cu tikah CRC EC upa hna cu November 16 ah meeting an ṭhu i, CRC cu mipi caah rian a ṭuanmi kan si, mipi upat loin le mah duh ningin a um mi cu by – law bantuk in an rian dinhter siseh tiah biachahnak an tuah. Salai Khia Thang hi CRC Chairman Pu Ṭhuam ramthumnak a kal caah amah ai-ah thimmi a

si i, Chairman a ṭuannak thla hnih/thum hrawng lawng a si rih. Cun CRC by – law ah zung rianṭuantu pakhat nih zung a kai khawh lo ahcun OB pakhat khat sinah theihter siseh, a theihter lo ahcun a kong ceih siseh ti a um caah by – law ningin an kong kan ceih hna hi a si tiah CRC rianṭuantu pakhat nih cun a chim. - The Chin Star

Zei Tin.....

CNC Donghnak News

Viber V4.0.0.1707 (For Android) Update

          

             November 12, 2013 ni ah Viber update thar a chuahmi ka van tar. Atu a thar chuakmi viber ah hin cun a hlan nak in Free Call tikah a fiang deuh ngai. Cun Free Call lawng si ti lo in Voice message zong a ngah ve cang. Sticker zong a tling ngai cang. Voice message a vun ngah cang le Free Call line a ṭhat lo tikah Voice message i kuat ngah cang le a ṭha ngai.

          Android Version 2.2 in a cunglei paoh ahcun ṭha ngai ko. A tang Download ti nak ah khin a duhmi nih lak khawh a si.

 Download

Chin National Conference Hmanthlak Pawl

Vuanci U Aung Min ca a pek mi hna ramri lei le i vennak lei Bo Hmu Gyi   Zaw Min Oo nih a rel lio

Phungki pawl rawl andangh lio hna

Nu Bu lei in bia a chim lio

Tangka lei committee in sayamah Chin Chin nih a chim lio

Kawl ralkap pawl he neihniam tak in hman in i thlak lio

CNC T-shirt Design